22 май 2015 15:41Тоҷикистон / Иҷтимоӣ / Тема дня

Ҳабси Фотимаи тоҷикистонӣ барои маблағситонӣ аз маҳбусони доро

Дар доираи парвандаи пурсарусадои қаллобӣ дар боздоштгоҳи рақами 1, - «Матросская тишина»-и Маскав як зани зодаи Тоҷикистон, Фотима Найфонова низ ҳабс карда шудааст.

Тибқи иттилои мақомоти Русия шоми 21-уми май додгоҳи ноҳияи Преоброженски Маскав қарори ҳабси 6 муттаҳам дар қаллобӣ, аз ҷумла сардори шуъбаи фаврии боздоштгоҳи мазкур Михаил Захарови 33-соларо низ содир намудааст, ки аз маҳбусони доро бо роҳи таҳдиду қаллобӣ маблағ меситондаанд.
Ба иттилои тафтишот ташкилкунандаи тарҳи ин қаллобӣ ва маблағситониҳо аз маҳбусони доро маҳз Михаил Захаров мебошад, ки бо ҷалби тобеини худ ва як маҳбус бо номи Элдар Векуа ба боздоштшудагони доро фишор оварда, онҳоро маҷбур мекардааст, ки ба корти бонкии Фотима Найфонова, духтури рентгенолог, ки зодаи Тоҷикистон аст, маблағҳои ҳангуфт гузаронад.

Додгоҳи ноҳияи Преоброженски Маскав зимни эълони қарори ҳабси Фотима, зодаи Тоҷикистон, ки дар Осетия қайди доимӣ дошта, дар яке аз беморхонаҳои Маскав кор мекардааст, изҳор доштааст, ки ин зан бо доираҳои ҷиноӣ робита дорад ва ба ҳамин хотир зимни тафтишоти пешакӣ то моҳи июл дар ҳабс хоҳад буд.

Қаллобии пурсарусадо дар боздоштгоҳи рақами 1-и Маскав баъди он оммавӣ шуд, ки падари яке аз маҳбусони доро, ки бояд 11,5 миллион рубл ба корти бонкии Фотима Нанова мегузаронд, баъди пардохти 1 миллион рубл дигар имкон наёфта, ба мақомоти Русия муроҷиат намудааст.

Феълан бо қарори додгоҳ 6 узви ин гуруҳи муттаҳам дар қаллобӣ, аз ҷумла масъулини боздоштгоҳи рақами 1 ба ҳабс гирифта шуда, тафтиши қазия идома дорад.

Мӯҳр

Хабарҳои монанд:

Точик

Эй бародархо, хамин занак мумкин 20 сол пеш аз ТОЧИКИСТОН рафтааст, ба Осетия маълум, ки Осетинка аст. Агар ягон кори хуб мекард хеч вакт аз Точикистон буданашро намегуфтанд. Радиои Озоди ин хел хабархоро дигар аз номи шахрванди Точикистон будани онхо дигар чоп накунед. Вай холо шахрванди РУССИЁ хаст ва тамом....

Ҷавоб диҳед Иқтибос Шикоят

Хамфикр

Ба Точик:
Фикратонро пурра дастгири мекунам. Ташаккур.

Ҷавоб диҳед Иқтибос Шикоят

oдил

Озодагон магар шарм нест, ки дидаю дониста Фотимаи точикистони мегуед. Хайр чи дар Точикистон таваллуд шудааст. У шахрванди Точикистон ку нест. Айб аст бародарон. Хайрият, ки Гитлер дар Точикистон таваллуд нашудааст, вагарна намедонам Шумо чи менавиштед.

Ҷавоб диҳед Иқтибос Шикоят

шора

Шаги наст ки зани точикро дузд каллоб фохиша гуем бас уст модару хохри худро паст задан дигар мавод нест

Ҷавоб диҳед Иқтибос Шикоят

Эзоҳ илова кунед