Ношукрӣ аз шукрона
Мардуми тоҷик табиатан қаноатпеша ва шокир мебошанд. Ин хислат аз як сӯ бурдҳои зиёд дошта бошад, аз сӯи дигар касро аз мубориза бозмедорад.
Фалсафаи қаноат дар зиндагии мардуми мо таърихи тӯлонӣ дорад. Ҳатто мешавад гуфт, барои миллати мо як навъ фарҳанг шудааст. Адабиёти ҳазорсолаамон низ моро аз андӯхтани сармоя ва расидан ба зиндагии шоиста боз медошт. Ба сабру гӯшанишиниву тарки дунё ва қаноати нозарур талқин мекард. Аз инҷост, ки ҳанӯз ҳам нодорӣ, камбағалӣ барои аксари мо нишони хоксорӣ шумурда мешавад. Вақте ки як аврупоӣ мемирад, барои фарзандаш қасру маблағи зиёд дар бонк мерос мегузорад, вале бештари фарзандони тоҷик пас аз марги падар барои оши худоиаш қарз мекобад.
Ҷои афсӯс аст, ки имрӯз васоити ахбор, мансабдорон, руҳониён ва ҳатто бархе аз зиёиён мардумро боз ҳам ба шукр ва қаноат даъват мекунанд. Ин ҳам дар асри 21. Дар замоне ки сарват қудрат аст. Ва танҳо кишварҳое, ки сарватмандони зиёд доранд, рӯи онҳо ҳисоб мекунанд.
Инро набояд фаромуш кунем, ки дар талоши зиндагии беҳтару сазовортар будан ин маънои ношукрӣ кардан ба шароити мавҷуда нест. Беш аз ин агар чунин талош нашавад, пешрафт низ ба даст намеояд. Рушд дар натиҷаи мубориза ба даст меояд.
Фалсафаи шукронаву қаноат агар дар кутоҳмуддат ба манфиат ҳам бошад, вале дар дарозмуддат рӯҳияи талошу муборизаро аз миён мебарад. Касро хоболуду танбал мекунад. Имрӯз моро зарур аст, ки баракс мардум ба хусус насли ҷавонро дар руҳияи ҷаҳду кӯшиш барои сазовор шудан ба як навъ зиндагии хубу саодатмандона ташвиқ кунем. Муҳимтар аз ин роҳҳои ба мурод расиданро барояшон пешниҳод намоем.
Ба назар бояд, гирифт, ки имрӯз ба кишварҳо ва миллатҳо аз рӯи иқтисоди солиму пешрафта ва вазъи иҷтимоиашон баҳо медиҳанд. Ин танҳо моем, ки бо буда қаноат мекунему барои доштани як бурда нон шукр. Магар бо ин роҳ метавонем, имиҷи давлату миллатамонро дар сатҳи ҷаҳон боло бубарем? Дақиқан наметавонем. Пас бояд ба ҷои ин ақида андешаи тозае биёбем, то роҳҳоеро барои пешрафти кишвар кушояд.
Бо дарки ин масъала бояд ба гардан бигирем, ки тарғибу ташвиқи фалсафаи қаноат ба манфиати миллату давлати мо нест. Ҳар назаре, ки моро аз пешрафт бозмедорад, бояд канораш бигзорем. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
