21 май 2015 11:52Тоҷикистон / Иҷтимоӣ

Наздикони Зеварбону: Холиқзодаро ба Худо супоридем

Наздикони Зеварбону Пирова, як кӯчарӯби ҳалокшуда дар пайи садамаи собиқ ёвари додситони ноҳияи Исмоили Сомонӣ, аз даъвояшон барои рӯёнидани ҷуброни моддию маънавӣ даст кашидаанд.

Мурод Мирзоев, шавҳари марҳум Зеварбону имрӯз, 21 май дар суҳбат ба “Озодагон” гуфт, аз даъво барои талаби ҷуброн аз Фирӯз Холиқзода даст кашидаанд: “Ӯро ба Худо супоридем, дигар даъво намекунем. Мурофиаи додгоҳӣ вобаста ба ин қазия дигар баргузор намешавад”.

Ин дар ҳолест, ки қаблан Додгоҳи ноҳияи Шоҳмансури шаҳри Душанбе ба баррасии даъвои наздикони Зеварбону Пирова барои рӯёнидани ҷуброни зарари моддӣ ва маънавӣ шурӯъ кард. Наздикони марҳум рӯзи 20 май ба “Озодагон” гуфтанд, бештар аз як ҳафта аст, ки мурофиаи додгоҳӣ оғоз шудааст: “Мо ҳудуди 300 ҳазор сомонӣ ҷуброн талаб дорем”.

Зеварбону Пироваи 53-соларо, ки ба ҳайси кӯчаруб фаъолият дошт, субҳи 28 сентябри соли 2014 ҳангоми тамиз кардани роҳи назди меҳмонхонаи “Ҳаят Реҷенсӣ” дар хиёбони Исмоили Сомонӣ, як “Мерседес” бо суръати баланд пахш карда, аз ҷои ҳодиса фирор мекунад. Ҳамкорони Зеварбону, ки шоҳиди ҳодиса буданд, он вақт ба "Озодагон" гуфтанд, қазия соати 4:30 дақиқа рух дод: “Мошин баъди он ки Зеварро пахш кард, ҳатто суръатро паст накарда ҳамчунон ба роҳаш идома дод. Вақте ду ҳамкори дигарамон ин ҳодисаро диданд, аз тарс аз ҳуш рафтанд. Онҳоро ба Қарияи Боло бурданд”.

Наздикони Зеварбону ба “Озодагон” гуфтанд, суръати мошин ба ҳадде баланд будааст, ки ҷасади марҳумро ба қисмҳо ҷудо кардааст. Баъдан гуфта шуд, сари фармони сабукрав Фирӯз Холиқзода, ёвари додситони ноҳияи Исмоили Сомонӣ ва писари Кароматуллоҳ Холиқов, собиқ декани факултети ҳуқуқшиносӣ қарор доштааст. 3 ноябри соли 2014 Додгоҳи ноҳияи Сино бар пояи қонуни афв Холиқзодаро аз ҷавобгарӣ озод кард. 9 декабри ҳамон сол, Додгоҳи шаҳри Душанбе шикояти кассатсионӣ аз қарори афви ӯро бетағйир гузошт.

Фахриддин Додометов, додраси додгоҳи Душанбе он вақт гуфт, наздикони кӯчарӯби марҳум ҳаққи талаби ҷуброни зарари моддию маънавиро доранд.

Акс аз "Азия Плюс"

Мӯҳр

Хабарҳои монанд:

Холикзода кани мардигариатро нишон дех. Инсонро кушти, муфт халос шуди. Дар он дуне чи чавоб медихи?

Ҷавоб диҳед Иқтибос Шикоят

Халос шуди, лекин аз он руъёе,ки якумр туро таъкиб мекунад халос шуда наметавони, он бо ту то худи Гур меравад, сипас ба чазои худ мераси. Хамин сухан бас Аст ба ту " Уро ба Худо супоридем".

Ҷавоб диҳед Иқтибос Шикоят

Dodar.

Kholikzoda be insof budi dar dunyoi ozod gashtan mekhohi .

Ҷавоб диҳед Иқтибос Шикоят

Парвиз

Имруз халос шуди вале, Иншоаллох дари ту хам хамин хел мекубанд, интизор бош...

Ҷавоб диҳед Иқтибос Шикоят

Абдурраҳмон

Холиқзода имкон дошт, ки хунбаҳои марҳумаро пардохта дили соҳибони хунро ба даст оварда, гуноҳашро дар ҳамин дунё бишӯяд. ҳоло ки соҳибони хун қазияро ба Худо супурдаанд, ғайр аз муҷозоти Илоҳӣ роҳи дигаре барои худ нагузоштааст.

Ҷавоб диҳед Иқтибос Шикоят

карам

холикзода медонад, ки ин гунохи мудхиш ва нобахшидани бо хунбахо хам бахшида намешавад, аммо ман бовари дорам ва хар руз дуо мекунам, ки холикзода дар ин дунё хам чазояша базуди хохад дид, уро иншоъаллох, ХУДОИ бахшоянда хеч гох намебахшад,

Ҷавоб диҳед Иқтибос Шикоят

оксакол

Ман хайронам. Ворисони мурда даъво надоранд. Аммо конуни чинояти чаро уро аз тарафи конун ба чавобгари намекашанд? Агар ягон мулло ё ришдор мебуд, говсуд мекарданд.

Ҷавоб диҳед Иқтибос Шикоят

мухочир

Вой бар холи мо бар ин ватану ватандори ...

Ҷавоб диҳед Иқтибос Шикоят

Шариф

Кулухандозро подош санг аст-гуфтааст халк. Туро ба Худо супоридаанд ва он Худои сахтгир худаш медонад бо Шумо чи кор кунад. Лутфи Хак бо ту муросохо кунад, З-он ки аз хад бигзари расво кунад. Акалан рафта ба хамин оила кумак мекарди, бахшиш мепурсиди, тавба мекарди... Вой ба ту, Вой ба ту!!!

Ҷавоб диҳед Иқтибос Шикоят

Кори хуб накарден подош ин роич хаст дуюм ин ки барои дигарон дарси ибрат мешавад яъне хунбахо додан лозим меояд.Макомотро лозим меояд ки новобаста ба даст кашидан аз даъво ин корро то ба охир расонад.

Ҷавоб диҳед Иқтибос Шикоят

Эзоҳ илова кунед