20 май 2015 10:12Тоҷикистон / Иҷтимоӣ / Дидгоҳи хос

Наздикони кӯчарӯб аз прокурор Холиқзода ҷуброн мехоҳанд

Додгоҳи ноҳияи Шоҳмансури шаҳри Душанбе ба баррасии шикояти наздикони Зеварбону Пирова, як кӯчарӯби ҳалокшуда дар пайи садамаи собиқ ёвари додситони ноҳияи Исмоили Сомонӣ, барои рӯёнидани ҷуброни зарари моддӣ ва маънавӣ шурӯъ кардааст.

Наздикони марҳум имрӯз, 20 май ба “Озодагон” гуфтанд, бештар аз як ҳафта аст, ки мурофиаи додгоҳӣ оғоз шудааст: “Мо ҳудуди 300 ҳазор сомонӣ ҷуброн талаб дорем”.

Наздикони Зеварбону мегӯянд, қарор аст, мурофиаи навбатӣ панҷшанбеи 21 май дар Додгоҳи Шоҳмансур идома пайдо кунад.

Зеварбону Пироваи 53-соларо, ки ба ҳайси кӯчаруб фаъолият дошт, субҳи 28 сентябри соли 2014 ҳангоми тамиз кардани роҳи назди меҳмонхонаи “Ҳаят Реҷенсӣ” дар хиёбони Исмоили Сомонӣ, як “Мерседес” бо суръати баланд пахш карда, аз ҷои ҳодиса фирор мекунад. Ҳамкорони Зеварбону, ки шоҳиди ҳодиса буданд, он вақт ба "Озодагон" гуфтанд, қазия соати 4:30 дақиқа рух дод: “Мошин баъди он ки Зеварро пахш кард, ҳатто суръатро паст накарда ҳамчунон ба роҳаш идома дод. Вақте ду ҳамкори дигарамон ин ҳодисаро диданд, аз тарс аз ҳуш рафтанд. Онҳоро ба Қарияи Боло бурданд”. Наздикони Зеварбону ба “Озодагон” гуфтанд, суръати мошин ба ҳадде баланд будааст, ки ҷасади марҳумро ба қисмҳо ҷудо кардааст.

Баъдан гуфта шуд, сари фармони сабукрав Фирӯз Холиқзода, ёвари додситони ноҳияи Исмоили Сомонӣ ва писари Кароматуллоҳ Холиқов, собиқ декани факултети ҳуқуқшиносӣ қарор доштааст. 3 ноябри соли 2014 Додгоҳи ноҳияи Сино бар пояи қонуни афв Холиқзодаро аз ҷавобгарӣ озод кард. 9 декабри ҳамон сол, Додгоҳи шаҳри Душанбе шикояти кассатсионӣ аз қарори афви ӯро бетағйир гузошт.

Фахриддин Додометов, додраси додгоҳи Душанбе он вақт гуфт, наздикони кӯчарӯби марҳум ҳаққи талаби ҷуброни зарари моддию маънавиро доранд.

Мӯҳр

Хабарҳои монанд:

мухиб

Ин як ходисаи нохуш мебошад , прокурор ми шахрванди одди ми инхел ходисара аз хурсанди намекуна. Дар як садама дар ишкошм чонафар аъзои оила халок гардид инхам прокурор гунахгор ин ходисаи нохуш мебошад худо ба сари хечкас наояд.

Ҷавоб диҳед Иқтибос Шикоят

Довуд

Ба Мухиб

Хайр чи гуфтании ту, Холикзода кайф карда дар озоди бгарда. У бечораи занаки рахруба чунон пахш кард, ки аз зарби мошин чанд пора гашт. Чиноят карди РАВ СРОКта гиру ДАР ЗИНДОН шин. Касе набоши. Итари беадолати медони ба чи окубат оварда мерасона МУХИБ???????
Аввал андеша баъд гуфтор

Ҷавоб диҳед Иқтибос Шикоят

БА БОЗОР СОБИР

Дар бораи катли Фархунда ин кадар шеъри ба кавли худат аламовар навишти, дар бораи ин зани бечора, ки рохро барои хаму прокурор барин нохалафхо хоби рохат нарафта тоза мекард, ЧАРО ХОМУШИ?!?!?! ИН КАДАР ХУДАТРО НОТАРС НИШОН МЕДИХИ, АГАР ДАР ИН БОРА ШЕЪР НАВИСИ, ЗИНДА БА ЗИНДА БА ХОК МЕСУПОРАНДАТ!!!

Ҷавоб диҳед Иқтибос Шикоят

saif

Ба Мухиб!
Агар хамон зан наздикони шумо мешуд, мебахшидиш??? шахсе ки хатто суръатро паст накардааст??

Ҷавоб диҳед Иқтибос Шикоят

Номус

Ах, туф бар шумо барин ҳомиёни ҳуқуқу нигаҳбонони тартибот!
Ҳароматон бод он пагонҳо! Шармандаҳо! Ин чапот ба рӯи қонун, ҳукумат ва тартибу низоми давлатдорист! Имрӯз кӯчарӯбро пахш кард, пагоҳ милисаву духтурро мезанад. Медонад, ки дар ин системаи аз фасод пӯсида ҳама корро метавон бо пулу шиносбозӣ "ҳал" кард.

Ҷавоб диҳед Иқтибос Шикоят

Рохгузар

Ба Довуд Салом бародар ягон инсон намехохад чунин мусибат шавад дар насиб будааст худо рахматаш кунад аммо ин чавон аст Фируз шахси бо тамкин ва хуб мебошад якум аз мансаб рафт дуюм догдор шуд барои инам чабр аст сулх хамеша кафили тинчи пешрави аст биёед шуру игво накунем гузариши гунох ин хуб аст якдигарфами кунану аз якдигар узурпурси кунан тамом

Ҷавоб диҳед Иқтибос Шикоят

Арифметика

АВФ ...! Карори АВФ бетагйир...!!!!! Мудоме ки собик декани факултаи ХУКУКШИНОСИ буден, ХУКУКШИНОСОН "ХАККИ УСТОД" гуфта ,КОНУНРО ба як суй мегзоранд- да !

Ҷавоб диҳед Иқтибос Шикоят

Мухочир

Э мардуми соддае падари инкас хозира судяхову прокурорхоро дарс додаги ,,,,, читавр ин шахмро бад тарафдори накунанд гуед ку

Ҷавоб диҳед Иқтибос Шикоят

сиришт

Мутаасифона дар Точикистон тамоми конунун тафтиш болои бечора мардуми зинаи поёни яъне камбагал аст то ба кай дар ватану милати мо зулму ситам болои одамони факиру нодор идома мекунад кай адолат барпо мешавад бояд аз руи адолат хам чуброни моли ва адои гунохашро дар паси пачара гузаронад на авф шавад шояд боз пораву тага давондааст ки авф шудааст бечораи мург дузд бошад паси панчара 5 сол адои чазо мекунаду шахси одам куш бошад 5 руз оё ин аст адолат.

Ҷавоб диҳед Иқтибос Шикоят

хакикат

ха охир ба фикрам шумо низ яке аз хамин хел прокурорхо хастед, ки имруз халки камбагалро хукуки гап задан намедихед. чи хел ходисаи нохуш чаро хатто мошинашро нигох надошта гурехтааст, хол он ки у бояд ёрии худро мерасонид, ана дар ин вакт хукук доштед ки ходисаи нохуш гуед. Агар ана хамон хел занхои мо набошанду кучахоро тоза накунанд чи занхои прокурорхо рафта кучаруби мекунанд, не, агар зани прокурорро ягон мошини камбагал зер мекард, холо вооойййй бар чони ун камбагал буд. вале афсус ки конун танхо барои камбагалон аст.

Ҷавоб диҳед Иқтибос Шикоят

саравроз

конун барои камбагалу бетага будай... ин прокурор одам кушта мегаштай кайф карда бечорахои бетага дар зиндон...

Ҷавоб диҳед Иқтибос Шикоят

Эзоҳ илова кунед