16 май 2015 09:43Тоҷикистон / Рӯ ба рӯ / Тема дня

Ҳукми 22 cоли зиндон ба Изатулло барои қатли раис ва ёвараш

Додгоҳи Хабаровск Изатулло Нигматов, шаҳрванди 24-солаи Тоҷикистонро барои қатли соҳибкори маъруфи ин минтақа Владимир Фукалов ва ёвараш Дмитрий Болшаков ба 22 соли зиндон маҳкум кардааст.

Дар ин бора сомонаи расмии додгоҳи Хабаровск хабар додаааст.

Тибқи иттилои Кумитаи тафтишотии минтақаи Хабаровски Русия муҳоҷири 24-солаи тоҷик дар хонаи соҳибкори 53-сола, ки бо хайрхоҳияш дар минтақа маъруф будааст, кор мекардааст: “Муҳоҷири тоҷик рӯзи 4-уми апрели соли гузашта корфармояшро бо ёвараш ба қатл расондааст. Нигматов интизор шудааст, ки Фукалов аз кор баргардад ва дар гараж ба сари ӯ тир холӣ намудааст. Таппончаро аз ҷойи хоби Фукалов гирифтааст. Сипас ёвари Фукаловро, ки ба бустонсаро омадааст, парронда, ҷасадашонро бо мошин як километр дуртар бурда, оташ задааст”.

Ба иттилои манбаъ, далели даст ба ин ҷиноят задани муҳоҷири тоҷик, соати қиматбаҳои соҳибкор, миқдори муайяни ҷавоҳирот ва беш аз 500 ҳазор рубли русии ӯ будааст: “Ҳарчанд шахси муттаҳам дар аввал худро гунаҳкор намеҳисобиду ҳама иттиҳомот алайҳи худро рад мекард, вале баъд аз пешниҳоди далоили кофӣ иқрор шуд”-иттилоъ додааст Кумитаи тафтишотӣ.

Ба иттилои расонаҳои Русия дар рафти мурофиаи додгоҳӣ Нигматов аз нишондодҳояш даст кашида, таъкид намудааст, ки онро таҳти фишор додааст ва хостааст, ӯро сафед кунанд. Аммо додгоҳ ин ҷавони тоҷикистониро ба 22 соли зиндони низомаш шадид маҳкум кардааст.

Кумитаи тафтишотии минтақаи Хабаровск мегӯяд, айбдоршаванда се соли қабл аз куштор ба Русия омада, дар хонаи соҳибкори қатлшуда кор будааст.

Мӯҳр

Хабарҳои монанд:

Сухроб

Агар ин хабар рост бошад чазои ин мухочир на 22-соли хабс балки катл аст. Инро дар намакдон туф кардан мегуянд.

Ана, ин аст ниёгони Шумо.
Ана, ин аст ҳамон асли “асиле”, ки шумо меҷӯед.

(Бозор Собир марои чунин магасхо низ шеър нависондан даркор)

Ҷавоб диҳед Иқтибос Шикоят

точик

Лаъна ба ту барин инсон ки 3-сол намаки ин хонадонро хурдаву даст ба чунин чинояти сангин зади!!! Ту оё фикр накарди, ки такдири зиеда аз 1 млн. ахолии дигаре,ки дар ин давлат кору зиндагони мекунанад баъд аз ин ходиса ба чи мушкили дучор шудаву мардум ба точик чи гуна муносибат хоханд кард????
Сад хайфи ту барин чавон!!!

Ҷавоб диҳед Иқтибос Шикоят

мухочири 14 сола

дуруги махз аст чихе точики 24 сола бо туфангча кор мефармона и бародари мухочира поставит кардагиян ..вай мурдаги ки пулдор ва бизнесмен боша вая заказ кардагиян и чавони точик лукмаи хуб барои постава

Ҷавоб диҳед Иқтибос Шикоят

Маруфжон

точик,
Агар хамчу хизматгор зуран дар хона доштаги бошад,чи ё таи се сол кор карда сумиша нодода, бо фиребу найранг дар хона дошта бошад чи? Магар имруз кам мардикорон ёфт мешаванд, ки хамин хел дар азобанд, номардон кор фармуда сумиша намедихад, бо айб ба болои точик меафтад, пеш аз гуфтану навиштан чор пахлуи ин масаларо дида баъд хулоса баровардан даркок!!!

Ҷавоб диҳед Иқтибос Шикоят

Эзоҳ илова кунед