15 май 2015 15:24---
Кишвари тазодҳо
Ба ростӣ ин бор хостам на аз камбуду норасоиҳои ҳукумат, балки аз дастовардҳояш бигӯям. Корҳои дар чанд соли охир ба анҷом расонидаи ҳукумати Тоҷикистонро пеши назар овардам.
Бунёди Китобхонаи миллӣ, Чойхонаи миллӣ ва Театри миллӣ, ки сохтмонаш нав оғоз гардидааст, чашмрастаринашон аст.
Аз бунёди Китобхонаи миллӣ аксари мардум изҳори норозигӣ намуданд. Ҳатто рӯшанфикрон низ мегуфтанд, барои кишваре, ки иқтисоди хароб дорад, ҳеч корхонаи истеҳсолиаш фаъол нест, чунин китобхонаи бузург чӣ зарурат дорад?
Агар баъди ба истифода додани Китобхонаи миллӣ аз мардум китоб талабидан ва бо китобҳои нав таъмин накардани ин китобхонаро яксӯ гузорем, бузургтарин хизмати ҳукумати Тоҷикистон дар 23 сол бунёди ҳамин муассисаи фарҳангӣ буд. Охир миллате, ки даъвои фарҳангу тамаддуни ҳазорсоларо дорад чигуна метавонад китобхонае чунин надошта бошад? Ғайр аз ин барои ҷалби таваҷҷуҳи насли ҷавон ба китобу китобхонӣ сохтани ин иншоот шарт буд.
Ҳанӯз баҳси заруру нозарурии Китобхонаи миллӣ ба охир нарасида, баҳси сохтани Чойхонаи миллӣ ба миён омад. Ин тарҳ низ гуё касеро хурсанд насохт. Мардум ҳазору як мисол меовард, ки фарзандонамон дар ғарибӣ гирифтори нонковию мо миллионҳо сомониро барои сохтани чойхона сарф мекунем. Ба ҳар ҳол чойхона сохта шуд. Воқеан бошукуҳ, муҷаллал, зебо. Инъикосгари фарҳанги ғании меъмории миллӣ. Арзиши меҳмони хориҷиро даъват намудану нишон доданро дорад. Аммо тааҷубовар ин буд, ки лоиҳаи Чойхонаи миллӣ чӣ тавр шуду баъди итмоми сохтмонаш ба “Кохи Наврўз” мубадал гардид. Ва имрўз як гӯшааш супермаркет ва дар гӯшаи дигараш ҷое борои барпо намудани “оши наҳор” таъсис додаанд. Хулоса, маълум нест, ки ин иншоот чисту барои чист? Дақиқан чойхона нест! Агар мақсад аз бунёдаш ҳамин ҷои оши наҳору супермаркет бошад, чи зарур буд, ки миллионҳо сомониро харҷ кунем?
Имсол ҳам дар арафаи ҷашни Наврўз Эмомалӣ Раҳмон ба сохтмони бузургтарин театр дар Осиёи Марказӣ оғоз бахшид. Ҳоло мардуме, ки аз бунёди Китобхона ва Чойхона розӣ набуданд, магар аз сохтани театри 100 миллиондолларӣ хурсанд мешуда бошанд? Дар воқеъ аз сохтани театр норозӣ будаҳо магар ҳақ нестанд? Охир ба мардуме, ки ҷои кор надорад, кишвараш буҳронро ба болои буҳрон аз сар мегузаронад, аз ҳама муқаддам бунёди театр аст? Беш аз ин мо барои ин театр ҳунарманд дорем? Магар як ҳунарманди сатҳи ҷаҳониамон дар Олмон ғарибгӯр нашуд? Ё нафари дигараш дар мулки қирғиз шаҳди ғарибӣ намечашад? Ва оё театрҳои мавҷудаи мо барои тамошобин дигар ҷои нишаст намеёбанд?
Хулас, ин бор низ дастовардҳои ҳукумат маро қонеъ накард. Водор ба шубҳаам намуд, ки шояд дигар дар ҳукумат ҳисоб намекунанд, ки агар ин қадар маблағро дар ин роҳ сарф намоем онқадар фоида ба даст меорем.
Намегӯям, ки ба мо театр даркор нест, вале оё ҳамин ҳоло мушкили аввалдараҷаамон ҳамин аст? Магар вазъи хатарбори бозори асъор аз набудани бузургтарин театр ба амал омад ё набудани истеҳсолот ва содироти мол?
Тазод аст ин ҳама, дигар ҳеч! Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
