14 май 2015 15:30Тоҷикистон / Иҷтимоӣ

Муаррифии раҳбари нави намояндагии Вазорати меҳнат дар Русия

Имомуддин Сатторов, сафири Тоҷикистон дар Маскав раҳбари нави намояндагии Вазорати меҳнат, муҳоҷират ва шуғли аҳолии кишвар дар Русияро муаррифӣ кардааст.

Муҳаммади Эгамзод, сухангӯи сафорат ба “Озодагон” гуфт, муаррифии Зоҳир Мирзоев, ки 4 май бо фармони Эмомалӣ Раҳмон, раисиҷумҳури Тоҷикистон ба ин вазифа таъин шуд, дар ҷаласаи ахири сафорат сурат гирифтааст. Оқои Мирзоев дар симмати раҳбари намояндагии Вазорати меҳнат, муҳоҷират ва шуғли аҳолии Тоҷикистон дар Русия Асрор Одинаевро иваз кард.

Зоҳир Мирзоев 34 сол дошта, фориғутаҳсили Донишгоҳи давлатии миллии Тоҷикистон аст. Соли 2002 ба ҳайси менеҷер дар Маркази дастгирии соҳибкорони шаҳри Душанбе ба фаъолият оғоз кардааст. Як муддат сармутахассиси шӯъбаи саноат ва савдои ҳукумати ноҳияи Исмоили Сомонии Душанбе буд. Аз соли 2007 то таъин шуданаш ба вазифаи раҳбари намояндагӣ дар Кумитаи сармоягузорӣ ва идораи амволи давлатӣ фаъолият дошт.
Бо забонҳои тоҷикӣ, русӣ, инглисӣ, олмонӣ ва хитоӣ суҳбат мекунад.

Мӯҳр

Хабарҳои монанд:

Полиглот

Муборак бошад, Точикистонам, бо чунин намояндахои забондон (шухи нест - огои Мирзоев бо панч забон бурро сухан мегуяду менависад) шароити мехнату зиндагии мардикорон хеле бехтар мешавад.

Ҷавоб диҳед Иқтибос Шикоят

рустам

Зохир Мирзоев шуморо ба муносибати ба ин маком сохиб шуданатон табрик мегуям ва якчанд пешниход дорам, ки дар якчояги бо сафорати Точикистон дар Маскав роххои осон намудани бакайдгири, имтихонсупори ва масъалаи сертификатгирии мухочирони мехнатиро чустучу намоед.
Шумо, ки холо чавонед метавонед корхои зиёдеро барои миллату давлати худ амали намоед, яъне ман гуфтани, ки масъалахои имтихонсупори ва сертификатгирии мухочирони кори Точикро дар худи Точикистон ташкил намоед агар имконият бошад, чунки ин хам яке аз роххои паст кардани сатхи камбизоати ба шумор меравад.

Ҷавоб диҳед Иқтибос Шикоят

Эзоҳ илова кунед