Вокуниш ба “Озодагон”: Милитсия тарафдор ва пуштибони касе нест
Вокуниши Раёсати умури дохилии вилояти Суғд инҷо нашр мешавад:
“Милитсия тарафдор ва пуштибони касе нест - Ҳама дар назди қонун баробаранд!
Муҳтавои дар маводи иттилоотии сомонаи интернетии “Озодагон” инъикос гардида ин аст, ки як нафар узви ҲНИТ дар шаҳри Исфара, шаҳрванд Шоирахон Юнусова ба Шуъбаи 2-и ВКД дар шаҳри Исфара бо ариза оиди дуздии амволи хонааш муроҷиат намудааст. Муаллиф бо истинод аз дафтари матбуоти ҲНИТ ва иктибос аз суханони шахрванд Юнусова зикр намудааст, ки кормандони милитсия ба шаҳрванд Шоирахон Юнусова гуфтаанд, замоне ба тафтиши ҳодиса мепардозанд, ки аз сафи ҳизб хориҷ шавад.
Бояд гуфт, ки пеш аз ҳама муаллиф ҳодисаи мазкурро яктарафа аз рӯи нишондоди шаҳрванд Ш.Юнусова инъикос намуда, аз тарафи дигар, яъне мақомоти милитсия ягон иттилоъеро оиди маводи мазкур дарҷ накардааст. Бо овардани далели нокомил муаллиф кушиш кардааст чунин бархурдро ба мавқеъи сиёсии шахрванд Юнусова Ш, ки аъзои ҲНИТ дар шаҳри Исфара мебошад, нисбат дода, дар ин замина ҳодисаи мазкурро тобиши сиёсӣ диҳад.
Пеш аз интишори ин матлаб хабарнигори сомонаи интернетии «Озодагон» мебоист танҳо ба изҳороти баённамудаи дафтари матбуоти ҲНИТ ва шаҳрванд Ш. Юнусова қаноат накарда, бо гирифтани маълумотхои марбута аз мақомоти дахлдор ҳолати ҳодисаро воқеъбинона баррасӣ менамуд ва маводи таҳиянамудааш мукаммал мегардид. Муаллиф дар ин матлаб дар симои кормандони милитсия шахси «маҳдудкунандаи ҳуқуқҳои» шаҳрвандон, хоса аъзоёни ҲНИТ-ро нишон додааст, ки ингуна андешарониҳои ҳангомаҷӯёна асоси вокеъӣ надоранд, чунки;
-Милитсия ҳуқуқу озодиҳои ҳар як инсон ва шаҳрвандро, қатъи назар аз шаҳрвандӣ, ҷои истиқомат, ҷинс, миллат, нажод, забон, эътиқоди динӣ, мавқеъи сиёсӣ, таҳсил, мавқеъи иҷтимоӣ ва молумулкӣ ҳимоя мекунад. (Моддаи 5-и Қонуни ҶТ “Дар бораи милитсия” ).
Бобати далелҳои дар хабаргузории “Озодагон” ишорашуда роҳбарияти мақомоти милитсияи вилояти Суғд санҷиши хизматӣ гузарониданд. Дар рафти санҷиш муайян карда шудааст, ки муроҷиати шаҳрванд Юнусова Ш.В, бе баррасӣ намонда вобаста ба он маводҳои тафтишотӣ ба расмият дароварда шудааст. Холати мазкур на хамчун далели дуздӣ балки бо дастрасии талаботҳои моддаи 255 Кодекси Ҷиноятӣ «Қасдан несту нобуд ё вайрон кардани молу мулк» ҳуҷҷатгузорӣ шудааст. Ба маълумоти таҳиягарони маводи иттилоотӣ мерасонем, ки моҳи сентябри соли 2014 шахсони номаълум бо мақсади қасдан несту нобуд кардани молу мулк, аз набудани соҳибони хона истифода бурда ба ҳавлии истиқоматии шаҳрванд Юнусова Шоира Воҳидовна воқеъ дар суроғаи ноҳияи Исфара, ҷамоати деҳоти Ворух, кучаи Бобо Мусоев хонаи №111 ғайриқонунӣ ворид шуда, қасдан дар яке аз ҳуҷраҳо кӯрпаву болишт ва сару либосҳоро даронида корношоям сохта аз ҷойи ҳодиса ғайб задаанд. Бо ин кирдорашон шахсони номаълум ба шаҳрванд Юнусова Ш.В., 1000 сомонӣ зарари моддӣ расонидаанд. Дар асоси муроҷиати ҷабрдида далелҳои дар боло нишондодашуда аз тарафи кормандони Шуъбаи-2 ВКД дар шаҳри Исфара ба расмият дароварда шуда бо назардошти он, ки дар кирдорҳои шахсони номаълум аломатҳои таркиби ҷиноят дида мешуд бо моддаи 255 Кодекси Ҷиноятии Чумҳурии Тоҷикистон яъне «Қасдан несту нобуд ё вайрон кардани молу мулк» нисбати шахсони номаълум парвандаи ҷиноятӣ оғоз ва тафтишоти пешакӣ ба роҳ монда шудааст.
Айни замон бинобар гузаштани мӯҳлати тафтишот ва аниқ нагардидани шахсони ҷинояти мазкурро содирнамуда парвандаи ҷиноятии мазкур дар асоси талаботҳои моддаи 230 Кодекси мурофиавӣ-ҷиноятии ҶТ боздошта шудааст.
Бояд гуфт ки на дар ҳама ҳолатҳо ҷиноятҳои содиршуда бо “изи гарм” кушода мешаванд, дар баъзан маврид барои ошкор гардидани ҷиноят мӯҳлат зарур аст, ки ҷиноят ошкор шавад. Мо итминон дорем, ки дар заминаи коркарди ахбороти оперативӣ ва бо амалинамоии чорабиниҳои оперативӣ-ҷустуҷӯӣ ҷинояти мазкур кушода шуда, манфиатҳои поймолшудаи ҷабрдида Шоира Юнусова барқарор карда мешаванд.
Маркази матбуоти Раёсати ВКД Ҷумҳурии Тоҷикистон дар вилояти Суғд”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
