13 май 2015 08:29Оcиёи Марказӣ / Тоҷикистон

Дастурҳои Эмомалӣ Раҳмон дар ҷашни Шашмақом (АКС)

Эмомалӣ Раҳмон, раисиҷумҳури Тоҷикистон дар консерти идонае бахшида ба Рӯзи Шашмақом, барои рушди Шашмақом ба санъаткорон ва масъулин дастур додааст.

Ин консерт сешанбеи 12 май дар театри опера ва балети ба номи Садриддин Айнӣ баргузор шуда, дар он ҳунармандони ансамбли давлатии Шашмақом ба номи Фазлиддин Шаҳобов, ансамбли давлатии Фалак, гуруҳҳои рақсии Гулрез, Лола, Филармонияи давлатии Тоҷикистон ба номи Акашариф Ҷӯраев ва дигар санъаткорони тоҷик ҳунарнамоӣ карданд.

Тибқи иттилои дафтари матбуотии раисиҷумҳур, Эмомалӣ Раҳмон ба маҳорати санъаткорон баҳои баланд дода, ҳамзамон барои таъмини рушду такомули бештару беҳтари Шашмақом, “аз ҷумла интихоб ва таълиму тарбияи кадрҳои ҷавону ояндадори соҳа ва саҳмгузорӣ дар тарбияи ҳисси ифтихору сарфарозии насли наврас аз фарҳанги миллии Тоҷикистон дастуру ҳидоятҳои судбахш дод”.

Рӯзи Шашмақом дар Тоҷикистон аз соли 1999 таҷлил мешавад. Созмони байналмилалии ЮНЕСКО Шашмақомро ба номгӯи ёдгориҳои санъати шифоҳии ҷаҳон шомил кардааст.

Аксҳо аз торнамои расмии Президенти Тоҷикистон

Мӯҳр

Хабарҳои монанд:

Рустам

Шашмаком ин таърихи санъати кухани точик аст. Онро гироми доштан хуб аст. Вале хукумати мо аз хамаи масъалахо дида ба санъаткорон диккати зиёд медихад. Хуб мешуд, ки бо олимон низ чунин муносибат мекардан. Боз мегуем, ки олимони мо ягон кор намекунанд, албатта бо 500-600 сомони кадом олими хуб кор мекунад? Ба аксаоияти хофизону ракоосахо хона доданд, лекин ба олимон не. Дар вазорату идорахои давлати низ олимон кор мекунанд, мутаассифона 30 фоизи иловапулие, ки солхои пешин мегирифтанд, дигар намедиханд. Мо бо хофизи не бо илм пеш меравем.

Ҷавоб диҳед Иқтибос Шикоят

Rustam

Ahsan !

Ҷавоб диҳед Иқтибос Шикоят

Эзоҳ илова кунед