07 май 2015 10:21Тоҷикистон / Иқтисодӣ / Тема дня

Коршинос: Кадривазкунӣ як иқдоми тақсими амвол миёни гуруҳҳои мухталиф аст

Ҷамшед Нурмаҳмадзода, раиси нави Бонки миллӣ гуфтааст, талош хоҳад кард, то бозори асъорро ба танзим дарорад. Ин дар ҳолест, ки қаблан коршиносон мегуфтанд, болоравии қурби доллар нисбати пули миллӣ ба буҳрони Русия вобаста буда, имкони танзими он дар Тоҷикистон вуҷуд надорад. Бо таваҷҷуҳ ба ин “Озодагон” аз коршиносон пурсид: РАИСИ НАВИ БОНКИ МИЛЛӢ БА ТАНЗИМИ БОЗОРИ АСЪОР МУВАФФАҚ ХОҲАД ШУД?

Абдуманнон ШЕРАЛИЕВ, таҳлилгар

Шояд танзиме, ки ҷаноби Нурмаҳмадзода дар назар дорад, чизи дигаре бошад. Масалан, раиси қаблии Бонки миллӣ бастани нуқтаҳои мубодилаи асъори хориҷии шахсони воқеъиро ҳам танзим номида буд. Аммо агар раиси нав мехоҳад беқурбшавии бошиддати сомониро боздорад, барои банда ҳам бисёр ҷолиб аст, ки бо чӣ роҳе? Чун қурби асъор ба Бонки миллӣ рабти камтаре дорад. Аз 2-3 роҳе, ки дар ихтиёри Бонки миллӣ аст – ба бозор баровардани асъори зиёд, боло бурдани меъёри калидӣ (ключевая ставка) кадомеро мехоҳад истифода кунад? Бонки Марказии Русия барои боздоштани беқурбшавии рубл дар соли 2014 зиёда аз 80 миллиард доллар масраф кард, ки ҳудуди 50 миллиарди он ба чормоҳаи охир рост меояд. Ва дидем, ки бо ин ҳама масраф поинравии қурби рубл то куҷо боздошта шуд. Бонки миллии мо аз кадом маблағ мехоҳад истифода кунад?

Табаралӣ ҒАНИЕВ, иқтисодшинос

Аз нигоҳи илмӣ бигирем, дар се равиш метавонад, ки барномаи кории худро пиёда созад: якум, равиши танзими уствории қурби пули миллӣ, дувум, ба танзимдарории механизми дохилии ҳаракати пулию молӣ дар дохил ва хориҷи кишвар, сеюм навсозии механизми бонкдориии Тоҷикистон. Дар ин се ҳолат, то андозае беқурбшавии пули миллиро нигоҳ дошта метавонад.

Зулфиқори ИСМОИЛИЁН, коршиноси масоили иқтисодӣ

На. Боло рафтани қиммати доллар дар Тоҷикистон ва поин омадани қурби пули миллӣ ба иллати кори Бонки миллии кишвар нест. Бонки миллӣ иҷозат надорад, ки доллар чоп кунад ва ба муомилот барорад. Долларро аз хориҷа бояд пайдо кунем. Масалан, муҳоҷирони меҳнатии мо бештар доллар ворид мекарданд, ки ҳоло ҳам теъдодашон кам шудааст ва ҳам пули доллар намефиристанд, ки қариб 40-50 дарсад воридоти доллар коҳиш ёфтааст. Аз ин хотир метавонанд то даҳ дарсад поин биёранд ва нигоҳ доранд, агар ба шарте ки қаллобию ҷаллобие, ки саррофон мекунанд, пешашро бигиранд. Вале ман мутмаъин нестам, ки инҳо қиммати долларо поин биёранд ва қурби пули миллиро боло баранд. Аслан ин ба фаъолияти Бонки миллӣ вобаста нест ва кадривазкунӣ, ки дар он ҷо сурат гирифт, як иқдоми тақсими амвол дар байни гуруҳҳои мухталиф дар Тоҷикистон аст.

Мӯҳр

Хабарҳои монанд:

Мутриб

Чавоби Табарали Ганиев, хамчун иктисоддон, доктори илми иктисод ва профессор тамоман хандаовар. Ин суханхоро шахсе метавонад гуфт, ки аз сиёсати хккумат метарсад ва онро дастгири мекунмекунад.

Ҷавоб диҳед Иқтибос Шикоят

кулябец

Курби сомони ба содироти мол ва истесоли дохили кишвар вобастаги дорад . Агар муомилоти пулии дохили аз муомилоти беруни зиёд бошад сомони курбашро гум намекунад.

Ҷавоб диҳед Иқтибос Шикоят

хакикат

пеш аз он ки курби пули миллиро нигох дошт истехсоли молии дохили кишварро зиёд кард ва ба хорич фурухт яъне экспорт кард . дуюм вориди пули хоричирои бисёртар намуд. тамом дигар илоче дигаре нест Бонки милли хеч кор кардан наметавонад то он ки истехсоли ватани зиёд нашавд

Ҷавоб диҳед Иқтибос Шикоят

рохгузар

Бонки милли бояд системаи воридоти асъорро дар чумхури тахти назорати бевоти гирифта, муомилот бо сомониро аз ин хисоб барох монад метавонад системаи бозори асъорро идора намояд. Он маблагхои аз хисоби сохибкорон воридгардидаро дар чт ягон макомоти давлати назорат наменамояд.

Ҷавоб диҳед Иқтибос Шикоят

леброн джеймс

устод Ганиев изо намекаши профессори номдори чумхури хамихели пешниход мекуни синфи 8 будем фанни иктисоди бозоргони мехондем хамин чизхоро медонистем барои хамин иктисоди мо пеш намеравад

Ҷавоб диҳед Иқтибос Шикоят

Эзоҳ илова кунед