04 май 2015 11:20Тоҷикистон / Иҷтимоӣ

АКС: Боздошти “миссионер” –и турк барои ҷалби тоҷикистониён ба Сурия ва Ироқ

Кумитаи давлатии амнияти миллии Тоҷикистон аз боздошти як “миссионер”-и хориҷӣ -- Меҳдӣ Якуш, шаҳрванди 50-солаи Туркия хабар дод, ки ҳамчун сайёҳ вориди кишвар шуда, қасд доштааст, ҷавонони узбаки ноҳияи Рӯдакиро ба ҷангҳои Сурия ва Ироқ ҷалб кунад.

Ба иттилои манбаъ, Меҳдӣ, ки миллаташ узбак буда, зодаи вилояти Қундузи Афғонистон аст, 16 марти соли равон ба Тоҷикистон ворид шуда, дар ноҳияи Рӯдакӣ бидуни ягон санаду иҷозатнома ба ташкили муҳоҷирати ғайриқонунӣ машғул шудааст: “Аз ҷумла ба боварии Пардаев Абдувоҳиди 28-сола, хоҳараш Пардаева Бибироқияи 27-сола, Маҳмадиев Орифҷони 25-сола ва Искандаров Амонуллои 20-сола, миллаташон узбак, зода ва истиқоматкунандагони деҳаи Навбунёди ҷамоати Чоргултеппаи ноҳияи Рӯдакӣ ворид шуда, онҳоро моил кардааст, ки барои кор ба маҳаллаи Ҷайҳон Ҳунари вилояти Шаулаурфаи Туркия мефиристад”.

Мақомоти амнияти Тоҷикистон муътақиданд, ки бо ин роҳ Меҳдӣ Якуш қасд доштааст, ҷавонони тоҷикистониро ба ҷангҳои Сурия ва Ироқ фиристад, чун вилояти Шаулаурфаи Туркия бо ин кишварҳои ҷангзада ҳамсарҳад аст: “Ин шаҳрванди Туркия харҷи роҳро низ ба уҳдаи ҷавонон вогузошта, таъкид намудааст, ки баъди кор дар Туркия ҳамаи ин хароҷотро ҷуброн мекунад. Барои харҷи роҳ хоҳару бародар Пардаевҳо ҳатто молумулкашонро фурӯхтаанд, то ба Туркия раванд”.

Масъулини амнияти Тоҷикистон таъкид мекунанд, ки монеи нақшаҳои Меҳдӣ Якуш шудаанд: “Феълан ин нафар дар боздошт буда, тафтиши парванда бо иттиҳоми сӯиқасд ба ҷиноят ва ташкили муҳоҷирати ғайриқонунӣ алайҳи ӯ идома дорад”.

Мӯҳр

Хабарҳои монанд:

Аспирант

Ачиб аст! Бовар кунед бародарон ин хамаааш аз бесаводии онхо истифода мебаранд. Ахамият дода бошед нафарони зиёд узбактаборанд чунки онхоро тез ба дом меафтонанд. О бедор шавед ин чи рузи сиёх аст аз як оила ду нафар кучо мераванд инхо...... меравад боз мурдааш бар мегардад.... Инхо хатман ба манфиати шахсии худшон одамонро фиреб карда мефиристан ва ин чиз вактхои охир як тичорат шудааст!

Ҷавоб диҳед Иқтибос Шикоят

Mehri

In shakhsro ba oghushi barodaroni ironi bisupored. Chi budani islom va jang dar Suriya va Iroqro baroyash nishon medihand

Ҷавоб диҳед Иқтибос Шикоят

sodik

А кучо виза гирифтааст? Консулхо вакти виза додан муштари кати вомехурад ё ранги анкара ва мазори шариф миенаравхо хаст

Ҷавоб диҳед Иқтибос Шикоят

Эзоҳ илова кунед