29 апр 2015 18:59Тоҷикистон / Иҷтимоӣ
Ниҳоди зертобеи Салимзода: Ҷашни 1-уми май эҳё мешавад
Федератсияи иттифоқҳои касаба бо пахши як иттилоия изҳор доштааст, ки имсол, 1-уми май, Рӯзи байналмилалии ҳамраъйии меҳнаткашони ҷаҳонро бо шиорҳои “Ба мардуми меҳнаткаш - Меҳнати арзанда, ҳаёти арзанда! Ба меҳнати арзанда - музди меҳнати арзанда! Ҷойҳои нави корӣ - роҳи дурусти рушди иқтисодиёт!Риоя Конститутсия ва қонунҳо - кафолати таъмини адолати иҷтимоӣ! Зиндагӣ ва таъминоти арзанда ба собиқадорони ҷангу меҳнат!” пешвоз мегиранд: “Дар тамоми гӯшаю канори дунё, аз ҷумла дар кишвари мо низ бештар аз як миллион аъзои иттифоқи касаба ба кӯчаю хиёбонҳо ва майдонҳо баромада, дар чорабиниҳои идона иштирок менамоянд. Онҳо якҷо, ошкоро ва якдилона нисбати корфармоён дар бораи ҳуқуқҳои меҳнатӣ, манфиатҳо ва имтиёзҳои худ ва муттаҳидии сафҳои иттифоқҳои касаба вохӯрию сӯҳбатҳо анҷом медиҳанд. Минбаъд 1-уми майро дар фазои баланди сиёсию ҷамъиятӣ, ваҳдату якдигарфаҳмӣ, созандагию бунёдкорӣ ҷашн мегирем”.
Ниҳоди зертобеи Шерхон Салимзода бо таъкиди зарурати ҷои кор афзудааст, ки дар шароити муосир ҷои кор ҳам наметавонад манбаи эътимоднок ва кафолатноки беҳбудии зиндагӣ бошад, зеро оқибатҳои вазнини бӯҳрони шадиди ҷаҳонӣ боиси афзоиши сатҳи камбизоатӣ, маҳрумиятҳои иҷтимоӣ гардида, қариб тамоми қишрҳои аҳолии меҳнаткаши дунёро фаро гирифтааст: “Аз ин рӯ, иттифоқҳои касабаро зарур аст, ки баҳри бартараф намудани камбудиҳо ва таъмини шароити хуби меҳнат саъю талош намоянд ва аз корфармоён талаб намоянд, ки чунин шароитро фароҳам оваранд”.
Ин изҳороти Федератсияи иттифоқҳои касаба дар ҳолест, ки Шерхон Салимзода, собиқ додситони кулли Тоҷикистон, рӯзи 18 март раҳбари Федератсияи иттифоқҳои касабаи мустақили кишвар интихоб шуд. Рӯзҳои аввали таъин шудани Салимзода ба вазифаи нав хабарнигори "Озодагон" барои суҳбати муфассал дар мавриди нақшаҳои раҳбари нави Иттифоқаҳои касаба ба қабулаш рафт. Аммо Салимзода ба далели танг будани фурсат аз суҳбати муфассал худдорӣ карда, афзуд, ки мусоҳибаро баъди ҷашнҳои наврӯзӣ анҷом хоҳад дод. Ӯ дар суҳбати кӯтоҳ танҳо таъкид кард, ки талош мекунад, ҳуқуқи коргарҳоро дар кишвар ҳимоя ва ба арзу шикоятҳояшон расидагӣ кунад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
