29 апр 2015 09:37Тоҷикистон / Сиёсат
Муроҷиати муовини аввали Кабирӣ ба генерал Раҳимзода
Ҳусайнӣ дар номаи худ гуфтааст, муносибати охири маъмурини пулис бо пайравони ҲНИТ ӯро водор сохт ба Рамазон Раҳимзода, ки ниҳоди зери итоати ӯ вазифаи пешгирӣ аз ҷиноятҳо ва таъмини ҳамаҷонибаи суботу оромӣ дар ҷомеаро бар зимма дорад, муроҷиат намояд.
Ба гуфтаи муовини аввали раиси ҲНИТ, гӯиё дар шаҳру навоҳии Тоҷикистон таҳдиду фишор алайҳи аъзои ин ҳизб аз сӯи мақомоти иҷроияи маҳаллию, амният, аз ҷумла ниҳодҳои зертобеи ВКД идома дошта, пайравони ин ҳизби бар асоси қонун амалкунандаи Тоҷикистонро маҷбур доранд, то аз сафи он берун шаванд: “Шӯрои сиёсии ҲНИТ зимни баррасии вазъият дар кишвар, махсусан баъд аз шиддат ёфтани фишорҳо, ки имрӯзҳо волоият ва эҳтироми қонунро умуман зери суол бурдааст, мафҳуми "милиса-ҳомии ман”-ро ба шаҳрвандон дигаргуна мебинем. Аз ин рӯ ин ниҳоди ҳизби маро муваззаф сохт, то ба Шумо, ҳамчун роҳбари ин ниҳоди интизомӣ, ки вазифаи пешгирӣ аз ҷиноятҳо ва таъмини ҳамаҷонибаи суботу оромӣ дар ҷомеаро бар зимма дорад, муроҷиат намоям”.
Ҳусайнӣ афзудааст, ин муносибат бо пайравони ҳизби онҳо дар ҳоле идома дорад, ки фаъолияти ҲНИТ-ро Сарқонуни Тоҷикистон иҷоза додаасту касе ҳақ надорад, меъёрҳои онро нодида бигирад. “Ба касе пӯшида нест, ки фаъолияти ҲНИТ меъёри конститутсионӣ буда, дар натиҷаи тафоҳуми миллӣ ва сулҳу созиш ба даст омадааст, гузашта аз ин, тазминкунандаи сулҳу ваҳдат дар кишвар мебошад. Касе, новобаста аз мансубият ва масъулияти хеш ҳақ ва салоҳияти онро надорад, ки меъёрҳои конститутсиониро нодида бигирад. Ҷои тазаккур ҳам ҳаст, ки мавқеъгириҳои ҲНИТ дар ҳолатҳои ҳассос борҳо кишвар ва минтақаро аз хатарҳои гуногун ҳифз намуда, пойдории давлати миллӣ маҳз бо мавқеъгириҳои ватандӯстонаи роҳбарияти ҲНИТ ва боло гузоштани манфиати Ватану миллат аз дигар манофеъ ба даст омадааст”,- навиштааст ӯ.
Муовини аввали раиси ҲНИТ бо зикри ҳолатҳои нақзи қавонини амалкунандаи кишвар аз сӯи маъмурини пулис аз вазири умури дохилии Тоҷикистон, хоҳиш кардааст, “барои ҷилавгирӣ аз қонуншиканиҳо ҷиҳати таъмини волоият ва эҳтироми қонун чораандешӣ намояд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
