Шикояти “ИмрӯзNews” аз пирӯзии Рустам Ҳукумов ба СММ
Холматова имрӯз, 25-уми апрел зимни конфронс дар мавзӯи мушкилоти ҳимояи ҳуқуқии ВАО ва таъқиби беасоси судӣ дар Душанбе гуфт, аризаи даъвогии ӯ омода аст ва ояндаи наздик дар Кумитаи ҳуқуқи башари Созмони милллали муттаҳид мавриди баррасӣ қарор хоҳад гирифт. Ҷониби “ИмрӯзNews” бо вуҷуди он, ки тибқи қарори додгоҳ 50 ҳазор сомонӣ ҷубронпулиро ба Рустам Ҳукумов пурра пардохт намудааст, пирӯзии Ҳукумовро дар ин баҳси додгоҳӣ беасос хонда, талаб дорад, ки адолат барқарор шавад.
Қаблан Рустам Ҳукумов, писари Амонулло Ҳукумов (Амонуллоҳи Ҳукуматулло), собиқ раиси корхонаи «Роҳи оҳани Тоҷикистон», рӯзномаи «ИмрӯзNews» - ро дар паст задани шарафи худ муттаҳам карда, 50 000 сомонӣ ҷуброн талаб карда буд ва додгоҳ ин дархосташро қонеъ кард. Норозигии аслии Рустам Ҳукумов, ба як навиштаи рӯзнома, таҳти унвони «Боқиев ва Ҳукумов «дарди сар» - и падарҳо шудаанд», рабт дорад, ки «ИмрузNews» онро 16-уми октябри соли 2012 нашр кардааст. Назири Нусрат, муаллифи матлаб мегӯяд, қазияҳои боздошти Ҳукумов ва Максим Боқиев, писари раисиҷумҳури собиқи Қирғизистонро ба баррасӣ кашида, дар навиштааш дар ягон ҷо ба таҳқир роҳ надодаст.
Рустам Ҳукумов соли 2008 ба иттиҳоми қочоқи маводи мухаддир дар Русия ба 9 соли зиндон маҳкум шуда буд, вале баъди 3,5 сол ба гуфтаи падараш сафед гардида, соли 2011-ум раҳо гардид.
Номи Рустам Ҳукумов бори дигар баъди он вирди збон шуд, ки моҳи октябри соли гузашта дар маркази ноҳияи Айнӣ зимни як роҳбандӣ бо истифода аз таппончаи пневматикӣ тирпаронӣ карда, аз ҷои ҳодиса фирор кард. Мақомоти ноҳияи Айнӣ ҳам тасдиқ карданд, ки воқеан Рустам Ҳукумов боиси хархаша шуда, то дидбонгоҳи навбатии БДА рақамҳои мошинро иваз карда, мехоҳад фирор кунад, аммо кормандони милиса ӯро таъқиб карда, боздошт мекунанд: “Аз ҷониби ШКД-и ноҳия нисбат ба ин ҳодиса санад тартиб дода, ба прокуратураи ноҳия ирсол шудааст.”
Аммо Рамазон Раҳимзода, вазири умури дохилии Тоҷикистон, 16-уми январи соли равон зимни нишасти матбуотӣ дар Душанбе гуфт, аз рӯи қазияи тирпаронии Рустам Ҳукумов дар ноҳияи Айнӣ тамоми парвандаҳо таҳия ва ба суд ирсол шуданд ва гунаҳкорон муҷозот гардиданд. Ба суол, ки оё шахсан Рустам Ҳукумов ба ҷавобгарӣ кашида шуд, вазири умури дохилӣ посух дод, дар ёдаш нест. Дар маҷмӯъ ӯ таъкид намуд, дар қазия силоҳи ҷангӣ истифода нашудааст ва иштирокдорон асосан ба ҷавобгарии маъмурӣ кашида шуданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
