Президенти Академия: Як кас агар 40 сол роҳбарӣ кунад, дигарон роҳбарӣ накунанд?
Эмомалӣ Раҳмон, раисиҷумҳури Тоҷикистон рӯзи 20 апрел бо имзои қарорҳои ҳукумат директорони панҷ институти Академияи илмҳоро аз вазифа барканор ва ба ҷои онҳо нафарони навро таъин кард. Бо қарорҳои ҷаноби Раҳмон, Абдураҳмон Маҳмадов, собиқ декани Факултаи фалсафаи Донишгоҳи миллӣ (ДМТ) ва собиқ ректори Донишкадаи тарбияи ҷисмонии Тоҷикистон ба ҷои Абдувоҳид Шамолов директори Институти фалсафа, ҳуқуқ ва сиёсатшиносии Академияи улум, Зикриё Акрамов декани собиқи факултаи таърихи Донишгоҳи миллӣ ба ҷои академик Раҳим Масов директори Институти таърих, бостоншиносӣ ва мардумшиносӣ, Акобир Мирзораҳимов, собиқ декани факултаи биологияи ДМТ ба ҷои Абдусаттор Саидов директори Институти зоология ва паразитология ва Лутфулло Саидмуродов собиқ вакили парлумони Тоҷикистон ба ҷои Олим Бобоев директори Институти иқтисодиёт ва демография ва Сахидод Хоркашов ба ҷои академик Акбар Турсон директори Институти забону адабиёт, шарқшиносӣ ва мероси хаттӣ таъин шуданд. Сабаби барканории Акбар Турсон ва Раҳим Масов, баромадан ба нафақа гуфта мешавад, аммо ба иттилои расида, онҳо ба ҳайси корманд фаъолияташонро дар Академияи улум идома хоҳанд дод.
Дар пайи ин тағйирот бархе соҳибназарон гуфтанд, раҳбарони нав тавоноии директорони пешинро надоранд. Фарҳод Раҳимӣ, президенти Академияи илмҳои Тоҷикистон рӯзи 21 апрел дар суҳбат ба “Озодагон” гуфт, “албата, касе инкор намекунад, ки Раҳим Масов ва Акбари Турсон ба сатҳи баланди академикӣ расиданд, лекин ҳар кас мувофиқи синну сол, мувофиқи қобилияти ҷисмонӣ кор мекунад ва ҳақ дорад, ки истироҳат намояд. Дигар ин ки, ҷавонон кай соҳиби вазифаҳои роҳбарӣ мешаванд?”
Ба гуфтаи ӯ, ҳамаи панҷ нафаре, ки тоза ба вазифа таъин шуданд, доктори илм буда, дар замони шӯравӣ таҳсил кардаанду соҳиби унвонҳои илмӣ шудаанд. Онҳо шахсиятҳое ҳастанд, ки дар вазифаҳои гуногуни роҳбарӣ кор кардаанд: “Ё декан будаанд ё ректор ё дар дигар вазифаҳои роҳбарӣ фаъолият намудаанд. Имрӯз вақт аст, ки энергияи бисёр доранд, нерӯи зеҳнии хуб доранд ва аз қобилияти ҷисмонии хубе бархӯрдор мебошанд, ки барои илми тоҷик хидмат кунанд. Ҳамаашон шахсиятҳо арзанда, варзида, дорои дараҷаҳои баланди илмӣ ҳастанд. Худ як бор фикр кунед, як кас агар 30 сол, 40 сол роҳбарӣ кунад, пас дигарон роҳбарӣ накунанд?” Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
