21 апр 2015 17:13Оcиёи Марказӣ / Тоҷикистон

Дӯсти Бахтиёр Худойназаров: Ӯро дурӣ аз Ватан кушт

Темур Бирназаров, коргардони маъруфи қирғиз, ки бо марҳум Бахтиёр Худойназаров робитаи дӯстӣ доштааст, изҳор медорад, Худойназаровро дурии тӯлонӣ аз Ватан кушт.

Бирназаров дар суҳбат бо “Озодагон” гуфт, то ҷое медонад Бахтиёр сактаи ахирро моҳи апрели соли гузашта, зимни банаворгирии филмаш дар Арал паси сар карда буд: “Дили васеи ин коргардони маъруф дигар натавонист бори гарони ғурбати тӯлониро бардорад. Марг ӯро дар дурӣ аз Ватан дарёфт. Аз ҳама ҳузновараш он аст, ки дар Тоҷикистон натавонистанд, ба таври лозимӣ ҳунари Худойназаровро қадрдонӣ кунанд. Дар Ватан Бахтиёр аз эҳтирому маҳбубияти хосе бархӯрдор набуд”.

Ин дар ҳолест, ки ба гуфтаи коргардони қирғиз Худойназаров давоми даҳсолаҳои ахир яке аз пешсафони синамои тоҷик буд: “Бо филмҳояш дар сатҳи ҷаҳонӣ ҳунари филмсозии тоҷиконро муаррифӣ мекард ва дидгоҳи хосаш ба ӯ ҷоизаҳои байналмилалию шуҳрат овард”.

Бахтиёр Худойназаров, коргардони маъруфи тоҷики сатҳи ҷаҳонӣ рӯзи 21 апрел дар соли 50-уми умраш, дар пайи ранҷи тӯлонӣ аз бемории саратон дар шаҳри Берлини Олмон аз олам чашм пӯшид. Мақомоти умури хориҷии Тоҷикистон мегӯянд, омодаанд барои интиқоли ҷасади Худойназаров ба Ватан мусоидат кунанд, аммо наздикони ӯ хостаанд, дар Берлин ба хок супорида шавад.

Бахтиёр Худойназаров 29 майи соли 1965 дар Душанбе таваллуд шуда, дар Тоҷикистон ба ҳайси рӯзноманигор ва ёвари коргардон дар “Тоҷикфилм” кор кардааст. Баъди хатми донишкадаи умумииттифоқии кинематографӣ дар соли 1989 ба таҳияи филмҳо машғул мешавад. “Дар интизори баҳр", "Братан", "Қош ба қош", "Падари моҳтобӣ", "Шик" ва "Танкери Танго" аз маъруфтарин филмҳои ӯ мебошанд.

Мӯҳр

Хабарҳои монанд:

мухлиса

худо рахматаш кунад! охираташ обод бошад! афсус, ки дар хает буданаш ягон нафар аз хукумат барои баргаштани у ба ватан ягон чора наандешиданд.....

Ҷавоб диҳед Иқтибос Шикоят

сухроб:

Хм,хукмат...Хукматда 100 солда и хел одамо даркор набуд ва нест.

Ҷавоб диҳед Иқтибос Шикоят

Истиклол

Худо рахматаш кунад. Ба Тимур Бирназаров гуфтаниям, ки хар хар чи гап назанад, Худойназаров Б-ро ягон кас мачбур накардаст, ки рафта дар Германия зиндагони кунад, агар Ватанашро дуст медошт омода зиндагони кардан мегирифт.

Ҷавоб диҳед Иқтибос Шикоят

Руслан

Худо раҳматаш кунад. Аммо рафиқони муҳтарам ба марги вай Ватан гунаҳкор нест, вай мардака суми калонаш форид рафта дар ватани бегона кор ва фаъолият кард. Вая ягон кас аз Тоҷикистон пеш ардаги набуд, фаъолияташ маҳду ҳам набуд, худаш ин роҳро интихоб карда буд.

Ба Тимур Бирназарав гуфаниям, ки асли кора намедони кам худата рекламу кун, вақте ки одам мурд ба дустони забони мисли шумо аз ҳар сурохи ба монанди тангем пайдо мешаванд. Тоҷикистон дар ин ҷо гунаҳкор нест, кам Тоҷикистонро бо забони ҳароми худ танқид кун

Ҷавоб диҳед Иқтибос Шикоят

Дусти Бахтиёр

Озодагон! Нафарони зиёде дар ёдбуди Бахтиёр суханнони арзанда гуфтанд. Шумо бошед дар рузи мотам ҳам аз зери нохун чирк ёфтед. Медонам ин гуфтаро нашр намекунед, вале акалан хонеду хамин лахзахо камтар самимона бошед! Аз дунё рафтани Бахтиёр андухи калон аст барои дустдорони филмхояш. Вале у дар гурбат набуд. Вокеан дустонаш хама вакт бо у кор мекарданд ва шогирдонаш бо у пайваста дар робита буданд. Бахтиёр он гуна ки мехост, зист, эчод кард!!! Аслан бузургон умри тулони надоранд. Афсус!!
Чои гуфтаи як нафаре ки мо намешиносем, гуфтахои дигаронро биёред. Ё акалн филмхояшро тахлил кунед.

Ҷавоб диҳед Иқтибос Шикоят

Эзоҳ илова кунед