21 апр 2015 14:47Тоҷикистон / Сиёсат

Тоҷикистон “Оши Палав”-у “Фалак”-ро ба рӯйхати ЮНЕСКО пешниҳод кард

Вазорати фарҳанги Тоҷикистон “Оши палав”-ро ба Феҳристи фарҳангии ғайримоддии ЮНЕСКО пешниҳод кардааст.

Тавре аз ин ниҳод иттилоъ доданд, феълан аз ҷониби мутахассисони вазорат омӯзиши илмӣ, ҳуҷҷатнигорӣ ва таҳияи матни мукаммали номгӯйи "Оши палав" дар бахши таомҳо ва анъанаҳои миллӣ ба анҷом расида, ҳуҷҷатҳо аллакай пешниҳод гардиданд. Ба иттилои манбаъ, Тоҷикистон дар бахши санъати иҷросозӣ мусиқии суннатии тоҷик -- “Фалак”-ро низ ба мероси фарҳангии ғайримоддии ЮНЕСКО пешниҳод намудааст.

Ин пешниҳодҳо дар ҳолеянд, ки дар ҷаласаи навбатии Кумитаи байниҳукуматии ЮНЕСКО оид ба мероси ғайримоддии фарҳангӣ, ки соли равон дар Намибия доир мегардад, "Чакан" барои ворид намудан ба Феҳристи фарҳангии ғайримоддии ЮНЕСКО мавриди баррасӣ қарор хоҳад гирифт.

Ба иттилои Вазорати фарҳанг, ҳоло аз ҷониби мутахассисон корҳо дар самти пешниҳоди ҳунари "Читгарӣ" ва номгӯйи "Атлас" ба Феҳристи мероси фарҳангии ғайримоддии ЮНЕСКО идома доранд. Масъулини Вазорати фарҳанг муътақиданд, пешниҳоди номгӯйҳои мазкур имконияти мусоиди муаррифии фарҳанги ғановатманди миллати тоҷик дар арсаи байналмилалӣ ба ҳисоб рафта, барои гиромидошт, ҳифз ва ба наслҳои оянда интиқол додани он имконият фароҳам меоранд.

Мӯҳр

Хабарҳои монанд:

Салмон

Ба ҷои “Оши Палав”-у “Фалак” хуб мешуд риштароши, масҷид маҳкамкуни, бесатри ва бединиро пешниҳод мекард.

Ҷавоб диҳед Иқтибос Шикоят

Файз

Охир ин оши палав аз точико нест, ку мо бояд куртобро пешниход мекардем

Ҷавоб диҳед Иқтибос Шикоят

Dev

Peshnihodi hub , vale nomi taomro rushanu vozeh dar meboyad eft,to ki ba"d taassufhuri nashavad. Ba nazari man "Palav" ne "Palab" boyad boshad!

Ҷавоб диҳед Иқтибос Шикоят

Насибҷон

Файз,
Ба Файз. Аз ҷумлаат рӯшан аст, ки ту , Файз, тоҷик нестӣ. Агар тоҷик ҳам бошӣ, аз таърих ва фарҳангамон бӯйе ҳам набурдаӣ. Палав яке аз хӯрокҳои асосӣ ва ба навиштаи мардумшинос Шишов, хӯроки ашрофии(аристократӣ) мост. Ин хӯроки миллиамон, ки онро дар меҳмондорӣ охирин хӯроки дастархон меноманд ва пас аз хӯрдани он меҳмон бояд " як лаҳза набошад"( " пас аз ош, як лаҳза мабош"). Дар ҳама ҷои тоҷикнишин, чи дар Самарқанду Бухоро, Хуҷанду Ҳисор, Хатлону Зарафшон, Дарвозу Бадахшон, Кобулу Балх, Ҳироту Шероз, Исфаҳону Машҳад, Чусту Тирмиз, Риштону Сӯх ... палав хӯроки маъракаи шодиву ғам ва зеббахши дастурхони тоҷикон аст. Дигар ақвоми минтақа пухтани палавро аз мо, тоҷикон ёд гирифтаанд. Аз ин нигоҳ, ту, Файз, пеш аз ин ки чизе бигӯӣ, нахуст андеша кун, то доштаҳоямонро бо ду дасти адаб ба бегонагон наспорӣ ва ё бо ҳарфи ноҷо дӯстро душман нагардонӣ.

Ҷавоб диҳед Иқтибос Шикоят

Хосият

Ба назарам хамин корхоро вакти шахраки Саразмро ба ЮНЕСКО пешниход кардан огоз мекардед. Акнун 10 соли дигар аз паси ин мавзуъхо даву тоз хохед кард, илохо ин номгуйхо дар ЮНЕСКО эътироф шаваду хамсоягони мо, ки хамаи чии моро аз они худ карданиянд сухта муранд...

Ҷавоб диҳед Иқтибос Шикоят

Рустами Достон

Ин андешаи нестандарчахон аз магзи кадом хирадманд баромада бошад. Масхарабози. Наход дар фарханги чандинхазорсолаи точикон ягон чизи арзандатар барои ба Юнеско пешниход кардан ёфт нашавад.

Ҷавоб диҳед Иқтибос Шикоят

Эзоҳ илова кунед