20 апр 2015 17:16Тоҷикистон / Сиёсат

Сухангӯи Убайдуллоев мансаби нав гирифт

Шавкат Саидов, сухангӯи раиси шаҳри Душанбе директори Муассисаи давлатии "Телевизиони пойтахт" таъйин гардидааст.

Ӯ дар ин мақом Шаҳло Мӯсоеваро иваз намуд, ки моҳи январи соли 2014 ба ҷои Абдуқодири Абдуқаҳҳор раиси ин шабакаи телевизионӣ таъин гардида буд. Хонум Мусоева то расидан ба ин мақом Идораи фарҳанги ҳукумати шаҳри Душанберо раҳбарӣ мекард ва ҳоло маълум нест, чи мақомеро соҳиб мешавад.

Шавкат Саидов ба ҷуз аз сухангӯи шаҳрдори Душанбе будан, ёвари Маҳмадсаид Убайдуллоев дар Маҷлиси миллӣ, палатаи болоии парлумони Тоҷикистон ҳам ҳаст.

Телевизиони “Пойтахт” соли 1996 таъсис ёфта, муассисаш ҳукумати шаҳри Душанбе мебошад. Дар аввал раҳбарии ин телевизионро Раҳмон Остон бар ӯҳда дошт ва соли 2012 курсияшро ба Абдуқодири Абдуқаҳҳор дод, ки аз моҳи январи соли сипаришуда ба ин сӯ курсии раҳбари Идораи фарҳанги ҳукумати шаҳри Душанберо дар ихтиёр дорад.

Мӯҳр

Хабарҳои монанд:

Аминов Хасан

Муборак шавад Шавкат Саидов ман махсусан мухлиси Шумо хастам барори кор орзумандам хамавакт мувафак бошед устоди азизи ман.

Ҷавоб диҳед Иқтибос Шикоят

Jon

Салом.

Мегум ки ин шахс ягон варзишгар бошад ки Шумо мухлисаш ҳастен?

Ҷавоб диҳед Иқтибос Шикоят

дил

чаро? хатман бояд варзишгар шуд то ки мухлис пайдо намои? Суханвари низ махорат аст ва онро на хар кас дорад

Ҷавоб диҳед Иқтибос Шикоят

Р.Каримова

Шавкатчон бародари азиз,барои ба душ гирифтанат ин масъулияти чиддиро офарин мегуям,чунки Шумо метавонед дар хакикат симои асосии пойтахтро нишон дихед.Таги чанд соли охир бахусус панч соли охир симои шахри Душанбе ба кулли тагьийр ёфт,ки ин бевосита захматхои хамарузаи раиси мухтарами шахр Махмадсаид Убайдуллоев мебошад ва Шумо тавонистед мувафакиятхои кори хокимияти шахрро ба воситаи матбуотхои даври пахн намоед,аммо на хамаашро.Барои ояндаи коратон мувафакият ва барор хохонам....Шумо ба ин меарзед,яке аз бехтарин сухангуйхои осиёи маркази мехисобам ........

Ҷавоб диҳед Иқтибос Шикоят

Эзоҳ илова кунед