Дастури Убайдуллоев барои барчидани “либосҳои бегона” аз Душанбе
Тибқи иттилои дафтари матбуоти шаҳрдорӣ, зимни ҷаласа дар иртибот ба риояи расму оинҳои миллӣ, ҳифзи арзишҳои маънавӣ ва пешгирӣ аз таблиғоти фарҳанги бегонаи адёнӣ дар шаҳр, масъулини Агентии стандартизатсия, метрология, сертификатсия ва нозироти савдо оид ба шаҳри Душанбе вазифадор карда шуданд, ки ҷиҳати боздошти воридшавии молу маҳсулот ва сару либосҳои мавриди таваҷҷуҳ ва барчидани онҳо аз нуқтаҳои савдо тадбирҳои воқеӣ андешанд.
Ин дастур барои боздошти воридот ва барчидани "либосҳои барои фарҳанги тоҷикон бегона" аз нуқтаҳои савдои шаҳри Душанбе дар ҳолест, ки қаблан маъмурини пулис низ ба мубориза алайҳи ҳиҷоб равона карда шуданд. Рамазон Раҳимзода, вазири умури дохилии Тоҷикистон бо зикри таваҷҷуҳи рӯзафзуни бархе аз занони тоҷик ба либоси барои фарҳанги мо гӯиё бегона супориш дода буд, ки барои ҷилавгирӣ аз ин раванд миёни мардум корҳои фаҳмондадиҳию профилактикӣ гузаронда шавад.
Инчунин Убайдуллоев ба Раёсати умури дохилӣ, додситонӣ, Раёсати назорати давлатии молиявӣ ва мубориза бо коррупсияву Раёсати давлатии назорат ва танзим дар соҳаи нақлиёти шаҳри Душанбе дастур додааст, қарори охири худ дар мавриди манъи вуруди васоити нақлиёти мусофиркаши ғайришаҳрӣ ба пойтахтро таҳти назорати қатъӣ қарор диҳанд. Убайдуллоев Сарраёсати меъморӣ ва шаҳрсозию Кумитаи идораи замини шаҳрро вазифадор кардааст, ки барои таваққуфи воситаҳои нақлиёти ғайришаҳрии мусофиркашонӣ нуқтаҳои мушаххасаро дар чаҳоргӯшаи шаҳр муайян намоянд.
Дар ин ҷаласаи шаҳрдори Душанбе низ масоили кадрӣ баррасӣ шуда, ба хотири андешидани тадбирҳои кадрӣ дар тамоми субъектҳои хоҷагидории шаҳр ва ноҳияҳо дастур шудааст, ки раисони ноҳияҳо, сардорони раёсатҳои марбута барои ишғоли мансабҳои давлатӣ аз 5 то 7 номзадҳои ҷавону соҳибихтисос ва арзандаро дар давоми 10 рӯз пешниҳод кунанд.
Маҳмадсаид Убайдуллоев ба хотири таҳкиму вусъати корҳои ободонӣ дар ҳудуди шаҳр ва шунидани арзу шикояти сокинони пойтахт тасмим гирифтааст, бевосита худ дар чорабинии “Рӯзҳои шаҳр дар ноҳияҳо” ҳамроҳи роҳбарони аввали сохторҳои шаҳрӣ иштирок кунад. Баргузории чорабинии “Рӯзҳои шаҳр дар ноҳияҳо” шуруъ аз 30 апрели соли равон оғоз шуда, ҳар ҳафта рӯзи панҷшанбе барпо мешавад ва ҳафтаи аввал дар ноҳияи Шоҳмансур баргузор хоҳад шуд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
