16 апр 2015 11:37Тоҷикистон / Иҷтимоӣ / Тема дня

АКС Оғози пардохти нафақа баъди эътироз дар маркази Душанбе

Дар пайи эътирози даҳҳо нафақахӯри шаҳри Душанбе аз таъхири пардохти нафақаашон масъулин ваъда доданд, ки ним соат баъд тақсими маблағҳо оғоз хоҳад шуд.

Ҳамидов Салим, нафақахӯри 68-сола, ки дар назди бинои Амонатбонк дар хиёбони Исмоили Сомонии шаҳри Душанбе аз таъхиркории масъулин шикоят мекард, дар суҳбат бо “Озодагон” гуфт, қаблан аввали ҳар моҳ нафақаашонро мегирифтанд: “Ин моҳ аз 1-ум гфтанд, ки 5-ум биёед, баъд 10-ум гуфтанд, баъд 15-ум гуфтанд, вале то ҳол нафақаро надода истодаанд”.

Ҷурабек Ақназаров, масъули раёсати нафақаи Бонки давлатии Амонатбонк дар шарҳи ин қазия ба “Озодагон” гуфт, нафақа аз ҷониби Оҷонсии суғуртаи иҷтимоӣ ва нафақаи назди ҳукумати Тоҷикистон маблағгузорӣ мешавад, ки то ҳол сурат нагирифта буд: “Пештар мо пешпардохт мекардему баъдан аз Агентӣ мегирифтем. Аммо феълан Агентӣ қудрати онро дорад, ки саривақт маблағгузорӣ кунад ва бинобар ин мо аз пешпардохт худдорӣ кардем”.

Дар пайи ин суҳбатҳо ва эътирози нафақахӯрон масъулини “Амонатбонк” соати 11:00 эълон карданд, ки аллакай маблағи нафақа аз ҷониби Оҷонсии суғуртаи иҷтимоию нафақа гузаронда шуда, пардохти маблағ ба нафақахӯрон баъди ним соат оғоз хоҳад шуд.

Ин дар ҳолест, ки ба иттилои масъулин теъдоди нафақахӯрон дар шаҳри Душанбе беш аз 49 ҳазор нафарро ташкил медиҳад.

Мӯҳр

Хабарҳои монанд:

Башорат

Проблемахо бисеру лек занакхои кучагии мо таги дари сафорати Олмон рафта кимкадом Додочонро те мегуяд, о Додочонро талаб накунеду пенсияхоро талаб кунед намешавадми?

Ҷавоб диҳед Иқтибос Шикоят

душанбе

амаки мешавад, ягон заррае фикр накунед. кризис омаааагииияй.

Ҷавоб диҳед Иқтибос Шикоят

АДСИН

Бобои Салим барои чи дуруг мегуед, дар ш.Душанбе нафака хар мохе баъди таърихи 15 сурат мегирад. Кай дар санаи 1-ум ё 5-ум нафака гирифтед. Илтимос хабархои дуругро нагуед.

Ҷавоб диҳед Иқтибос Шикоят

Бобои Салим

Ах ха ха):::АДСИН лекин номи хуб монди худатро (АГЕНТИИ ДПВЛАТИИ СУГУРТАИ ИЧТИМОИ).Кормандони АДСИН гапро бисер наекнеду мардумро бо нафака сари вакт таъмин намоед.Тамоми клрхонахову сохибкорон аввал андозхои ичтимоиро месупоранд.

Ҷавоб диҳед Иқтибос Шикоят

Корманди Агенти

Вобаста ба мавзуи аз љониби Агентї сариваќт маблаѓгузорї нагардидани талаботи моњонаи нафаќа ва кўмакпулињо дар ноњияњои шањри Душанбе ба маълумот мерасонем, ки аслан маблаѓгузории саривактии талаботи нафаќа ва кумакпулињои иљтимої аз воридоти андози иљтимої вобастагї дошта, музди мењнати кормандони ташкилоту муассисањо дар охири моњ њисобї карда мешавад, ки дар ин замина сарчашмаи асосии воридоти маблаѓњои Агентї, яъне андози иљтимоии њисобгардида ба шумор меравад, ки ин барои таъмини нафаќа ва кумакпулињои иљтимої равона карда мешавад.
Ќайд кардан зарур аст, ки Агентї маблаѓгузории талаботи моњонаи нафаќа ва кўмакпулињои иљтимоиро дар ноњияњои шањри Душанбе њармоња 14 рўз пеш аз муњлат таъмин менамояд.

Ҷавоб диҳед Иқтибос Шикоят

Эзоҳ илова кунед