13 апр 2015 09:40Оcиёи Марказӣ / Тоҷикистон

Табаров дар Муъминобод, дар канори ҳамсараш ба хок супурда шуд

Соҳиб Табаров, академик ва адабиётшиноси номдори тоҷик, ки 12-уми апрел аз олам чашм пӯшид, дар зодгоҳаш- ноҳияи Муъминободи вилояти Хатлон дар канори қабри ҳамсараш ба хок супорида шуд.

Тавре наздикони Соҳиб Табаров ба "Озодагон" хабар доданд, ӯ чанд моҳи ахир аз касолати пирӣ ранҷ мебурд ва ду рӯз пеш аз маргаш аз сухан гуфтан ҳам монд. Шогирдонаш мегӯянд ӯ чанд соли ахир ба парастор ниёз дошт, аммо ба ҷои парастор духтараш- Саодатбону ӯро нигоҳубин мекард. Академик Табаров қаблан аз шаҳрдори Душанбе дархост карда буд, то ӯро бо як парастор таъмин кунад, аммо ҳамсафонаш мегӯянд ӯ то охирин рӯзи ҳаёташ бе парастор буд.

Соҳиб Табаров соли 1924 дар ноҳияи Муъминободи вилояти Хатлон ба дунё омада, дар 24 солагиаш дар замони ҳукумати Шӯравӣ узви вобастаи Фарҳангистони улуми Тоҷикистон шуд. Оқои Табаров, узви вобастаи Академияи илмҳои Тоҷикистон, доктор ва профессори фахрии Донишгоҳи миллии Тоҷикистон буд. Ӯ муалифи беш аз 850 асару мақолаҳои илмӣ мебошад. Китобҳои “Ҳаёт, адабиёт, реализм” (дар панҷ ҷилд, солҳои 1966-1989), “С. Айнӣ – қофиласолори адабиёти советии тоҷик” (1977), “Мунзим. Беҳбудӣ” (2002) ба қалами ӯ тааллуқ доранд.

Мӯҳр

Хабарҳои монанд:

Истиклол

худо рахматаш кунад, устод бисер инсони хуб буданд.

Ҷавоб диҳед Иқтибос Шикоят

Саид

Ёдашон ба хайр.
Вокеан хам Сохиб Табаров олими хеле забардаст буданд.
Аз он ки шахрдори нисбати он кас гуё беэътинои зохир мекардааст асоси вокеи надорад ва духтарашон низ ягон бор сари ин мавзуъ гилае хам накарданд.
Шунидан кай бувад монанди дидан. Агар ба навиштачоти Устод касе заррае шиносои дошта бошад, дар ин лахзахо беихтиёр охи сард мекашад. Алвидоъ устоди гироми....

Ҷавоб диҳед Иқтибос Шикоят

ба озодагон

Озодагон соли 124 ё 1924

Ҷавоб диҳед Иқтибос Шикоят

Худо рахмату магфират намояд ба бозмондагонашон сабр дихад (омин)

Ҷавоб диҳед Иқтибос Шикоят

569

Чоятон чаннат бод абармарди точик.Хизмати ин шахс дар адабиети точик беназир аст.Хамеша дар хотири миддат хохад монд!

Ҷавоб диҳед Иқтибос Шикоят

Фирдавс

Руҳаш шод бод. Чаро фарзандонашон раҳматиро нигоҳбин накарданд? Чаро аз шаҳрдори Душанбе дархост карда буд, то ӯро бо як парастор таъмин кунад? Кӯдаконаш нигоҳ намекарданд, чаро парасторро ба кор нагирифт? Раҳматӣ одад карданд, ки ҳама бепул бошад.

Ҷавоб диҳед Иқтибос Шикоят

Комил

Худованди мутаъол раҳмату мағфират кунад

Ҷавоб диҳед Иқтибос Шикоят

Эзоҳ илова кунед