10 апр 2015 08:19Тоҷикистон / Иқтисодӣ
7 назар. Дарси коррупсия ба кӣ дода шавад: хонандаҳо ё мансабдорон?
Ахиран, дар ҷаласаи ҳайати мушовараи Вазорати маориф ва илм, ки шанбеи чоруми апрел баргузор шуд, пешниҳод шуда, ки дар барномаҳои таълимии мактабҳои кишвар дарси мубориза бо коррупсияро ворид кунанд. Ба дунбол бисёре аз андешамандон ва коршиносон гуфтанд, беҳтар аст, чунин дарсҳо ба мансабдорон омӯхта шавад. Дар зимн, “Озодагон” ҳам аз ҳафт соҳибназари тоҷик пурсид: ДАРСИ КОРРУПСИЯ БА КӢ ДОДА ШАВАД: ХОНАНДАҲО Ё МАНСАБДОРОН?
Хуршед АТОВУЛЛО, коршинос
То ҷое шунидам дарсе ҳам, ки рабт ба дин дорад бояд дар мактаби миёна таълим дода шавад. Агар чунин бошад, ҳоҷат ба дарси зиддикоррупсия нест. Агар дарси зиддикоррупсия дар донишгоҳҳо дода шавад, беҳтар аст, чун қисме аз донишҷуён мансабдорони оянда ҳастанд.
Ато МИРХОҶА, муовини сармуҳаррири нашрияи “Ҷумҳурият”
Дар мактаб, ки таълим додан лозим бошад, албатта ба хонандагон рабт дорад. Агар сарвазир ва вазорат чунин тасмим гирифта бошанд, пас ин иқдом зарурист.
Умед ҶАЙҲОНӢ, коршинос
Ҳам донишомӯзонро ва ҳам мансабдоронро бояд аз пайомадҳои фасодкорӣ дар кишвар огоҳ кард. Вале мансабдоронеро, ки даст ба фасод мезананд, бояд ба додгоҳ кашид.
Ҳикматулло САЙФУЛЛОЗОДА, коршиноси масоили сиёсӣ
Бале, масъалагузорӣ духура менамояд ва ин хоси ҷомеъаест мисли Тоҷикистон, ки роҳи ҳал дар куҷост. Вақте мушкилоти масъулияти волидайн дар тарбия ва таълими фарзанд мавриди баҳс қарор гирифт, доираҳои баҳс ба ин фикр расиданд, ки вақте волидайн ба тарбия таваҷҷуҳ ё имкони сарф кардани вақти хешро дар ин самт надоранд, пас чигуна ин масъалаи муҳим ҳалли хешро пайдо мекунад? Ҳоло айни ҳамин масъала бояд мушкили дигареро ҳал кард, он ҳам барҳам задани коррупсия дар ҷомеъаи кишвар. Вале чигуна ва аз чӣ бояд оғоз кард? Агарчи корҳои зиёде дар ин маврид анҷом ёфтанд, вале коррупсия кам нашуд, балки фарогири тамоми ҷомеъа гардид. Пас ҳоло аз нигоҳи банда, ҳукумат рӯ овардааст ба ислоҳи масъала дар афкори насли наврас, инро аз таъин намудани дарси таълим дар низоми маъориф фаҳмидан мумкин аст. Аммо омилони коррупсия ба дараҷае мурракаб ва печидаанд, ки такмил ва тақвияти афкори хонанда алайҳи коррупсия чандон муассир нахоҳад буд, агарчи онро амри зарурӣ гуфтан мумкин аст. Асли мушкил муносибати мақомот ва масъулини ҳукуматӣ бо ин падидаи номатлуб аст, ки мутаасифона бо таъсису барҳам задани ину он ниҳод ҳич коҳиш пайдо намекунад. Ба ҳар ҳол, ҷомеъа ба ин умед аст, ки бо омадани Рустами Эмомалӣ, фарзанди сарвари давлат бо сарварии Оҷонсии мубориза бо коррупсия масъулини воломақоме пушти панҷара бурда шаванд, ки бо пуштибонии онҳо корманди зерниҳодаш даст ба коррупсия мезанаду нисбати ӯ чорае намеандешад.
Исфандиёри НАЗАР, шоир
Ин хоста як вақтҳадаркунӣ, як фиреби назар чизе беш нест. Ба хонанда дар ин бора чи мегӯянд? Вақте калон шудед пора нагиред ё пора надиҳед? Ҳангоми қабул пул надиҳед ё барои ба даст овардани ҷойи кор пул пешниҳод накунед? Чиро мегӯянд ва чи тур мегӯянд? Беҳтар аст, ки ин дарсро дар тамоми идораҳои давлатӣ ба роҳ монанд ва ба онҳо аз оқибатҳои ин амали зишташон дарак диҳанд.
Муҳибуллоҳи ҚУБОН, коршинос
Аввал муайян бояд кард, ки он чи гуна дарс хоҳад буд, илвагӣ ва ё ҳамчун як фанни алоҳида. Ба ҳар ҳол ин иқдоми хуб аст, зеро ҳамон талаба мансабдори оянда аст. Ва ё мансабдори имрӯза шогирди дирӯза аст.
Лола ОЛИМОВА, журналист
Ин кори дуруст аст, ки сарвазир тасмим гирифтааст, мубориза бо ришваситонӣ аз мактабҳо оғоз шавад. Беҳтар мешуд, ки аз кӯдакистонҳо ин кор сар шавад. Мумкин ин як пешниҳод аст, ва механизми онро ҳоло хуб фикр накарданд. Аммо ин аз он гувоҳӣ медиҳад, ки коррупсия то ба ҷое расидааст, ки давлатдорон ҳам дигар чашмонашонро пӯшидан наметавонанд. Бигзор тайёр кунанд муаллимонро барои гузарондани ин дарс. Мумкин онҳо низ баъд аз хондани барнома, тайёрии хуб дида, дигар аз пора гирифтан шарм доранд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
