09 апр 2015 18:56Тоҷикистон / Дин ва зиндагӣ

Шӯрои уламо: Гоҳе фарзандонро ба намози ҷумъа баред

Шӯрои уламои Маркази исломии Тоҷикистон бо нашри як матлаби иборат аз 30 банд масъулияти падару модар дар тарбияи фарзандро аз нигоҳи дини Ислом бо такя ба оятҳои Қуръон шарҳ додааст.

Масъулини Маркази исломии Тоҷикистон дар баробари омӯзиши илму ҳунар бурдан ба намози ҷумъаву шинос кардани фарзанд бо равиши зиндагии паёмбари Ислом ва Қуръонро яке аз масъулиятҳои дигари волидайн хондаанд. Дар банди 12 ва 13-и ин матлаб, ки дар сомонаи расмии Шӯрои уламои Маркази исломии Тоҷикистон - “Muftiyat.tj” нашр шудааст, гуфта мешавад, “гоҳе онҳоро ба намози ҷумъа ва маҷлисҳои динию фарҳангӣ бибаранд. Онҳоро бо Қуръон ва равиши зиндагии Расули Худо (с), инчунин бо суханон ва андарзҳои бузургон ошно намоянд”.

Ба навиштаи масъулини ин марказ, волидайн муваззафанд, ба фарзандони худ раҳму шафқат бо зердастон, илму дониш ва ҳунарро омӯзанду дар қалби онҳо боварӣ ва эътимодро эҷод кунанд: “Бо имон ва ахлоқу одоби динию иҷтимоӣ онҳоро ошно намоед”.

Дар матлаб инчунин таъкид шудааст, барои фарзанд бояд фазилати корҳои динию дунявӣ ва боло донистани манфиатҳои ҷомеа аз фардиро биомӯзанд: “Дар умури дину дунё онҳоро масъулиятшинос тарбият намоянд. Ба онҳо биомӯзанд, то ҳамвора фазилати умури ухравиро бар умури дунявӣ муқаддам бидоранд ва ҳифзи манфиатҳои ҷомеаро бар манфиатҳои фардӣ бартарӣ диҳанд”.

Мӯҳр

Хабарҳои монанд:

оксакол

Находеееее! Мешудаст ку! Рост мегуед. Рузе ки рейд набошад, баранд мешад бачахоя. Фикри хуб.

Ҷавоб диҳед Иқтибос Шикоят

Шохин

Ё Оллох. Умар ёр шуд.

Ҷавоб диҳед Иқтибос Шикоят

муслимчон

мухтарам муфти мегуфтед, ки аз синни чандсола барем ба намози чумъа ва шинос кардани фарзанд бо ислом хаминашро хам мегуфтед хело хуб мешуд.

Ҷавоб диҳед Иқтибос Шикоят

Сомон

Домуллои азиз,“Дар умури дину дунё онҳоро масъулиятшинос тарбият намоянд. Ба онҳо биомӯзанд, то ҳамвора фазилати умури ухравиро бар умури дунявӣ муқаддам бидоранд ва ҳифзи манфиатҳои ҷомеаро бар манфиатҳои фардӣ бартарӣ диҳанд”. барои огохшудан, фахмаидани ин гуфтахои Шумо фарзандонамонро аввлан ба мактаб, институт донишгоххо, барои одами хаматарафа бофахм шуданашон ин корхоро кардан лозим, оиди тарзи диндори хамаи мардуми точик мусулмонаст, ва аз тифли дар хонаашон, бояд падару модарашон омузанд......

Ҷавоб диҳед Иқтибос Шикоят

Маъруф

Дуруст аст. Дар баробари илми дунё инсон бояд хамчун мусулмон одобу ахлоки хуб дошта бошад ва арконхои дини исломро хуб ичро намояд. Лекин баъзехо худро мусулмон шуморида, харгуна амалхои ношоиста ва суханхои кабех мегуянд, ки ба дини ислом зарар мерасонад.

Ҷавоб диҳед Иқтибос Шикоят

БЕНОМ

Ассалому алейкум. Бубахшед аз конспектхои навиштаи Шумо мо калонсолон хеч чиз омухта наметавонем пас кудакон чи омузанд, чи тавр дар як чумла 4 бор ЧаНоБи ОлИ гуянд.

Ҷавоб диҳед Иқтибос Шикоят

Эзоҳ илова кунед