03 апр 2015 15:17Тоҷикистон / Дин ва зиндагӣ / Тема дня

Муовини муфтии Тоҷикистон куштори Фархундаро маҳкум кард

Домулло Сайид Акбар, муовини раиси Шӯрои уламои Маркази исломии Тоҷикистон қатли Фархундаи 27-солаи афғон аз ҷониби тӯдаи мардон дар шаҳри Кобули Афғонистонро ба шиддат маҳкум кард.

Ӯ рӯзи 3 апрел дар Масҷиди марказии шаҳри Душанбе дар намози ҷумъа бори дигар аз қазияи ин духтари афғон ёдовар шуда, гуфт, ин амали тӯдаи мардон дар Афғонистон як кори ваҳшиёна буд. Ба гуфтаи домулло Сайид Акбар, Фархунда бо иттиҳоми қуръонсӯзӣ дар Кобул дар ҳоле аз сӯи як гуруҳ кушта шудааст, ки як зани порсо ва олима будааст: “Вақте тафтиш кардаанд, Фархунда қуръонсӯзӣ накардааст ва як зани порсо ва олима будаву ибодати Худоро мекардааст”.

Муовини раиси Шӯрои уламои Маркази исломии Тоҷикистон дар охир аз сокинони кишвар хост, таҳаммулпазир бошанд ва бидуни доштани иттилои дақиқ аз ҳукм кардан дар ҳаққи якдигар худдорӣ варзанд.

Фархунда, номи як духтари 27- солаи афғон аст, ки рӯзи 20 март аз ҷониби тӯдаи мардон бо иттиҳоми қуръонсӯзӣ дар шаҳри Кобул - пойтахти Афғонистон кушта шуд. Вале дар пайи тафтиши ин қазияи пулиси Кобул эълон кард, Фархунда Қуръонро насӯхтааст. Дар робита ба ин қазия 13 маъмури пулис аз вазифаҳои худ барканор шуда, 18 нафар боздошт гардиданд.

Ҷомеаи мадании Афғонистон ба ин амал вокуниши тунд нишон дода, тайи чанд ҳафтаи ахир дар тамоми вилоятҳои ин кишвар роҳпаймоиҳо идома дорад.

Мӯҳр

Хабарҳои монанд:

Муким

Мусулмони хам меъёр доштагист. Наход инсон ин гуна вахши бошад? Худованд халки точикро аз гуна бетартиби нигох дорад.

Ҷавоб диҳед Иқтибос Шикоят

Хайём

Акидахои галати мазхабии мо (МУСУЛМОНОН) ба як ФИРЪАВН табдил шудаанд, ки МОРО дар АСОРАТИ ФИКРИИ ХУД гирифтаанд. Дар сари рохи мо (пешоруи мо) дарёи НИЛ аст. Ва як ХАЗРАТИ МУСО лозим аст, ки дасти моро бигираду аз ин дарё гузаронад !!!!! Дар замони хозира ин ХАЗРАТИ МУСО КИ МЕТАВОНАД БОШАД ?
КУРЪОН !!!!! КУРЪОНЕ , КИ БО ДАСТУРИ ЧАНОБИ ОЛИ , ПРЕЗИДЕНТИ ЧУМЪУРИИ ТОЧИКИСТОН ЭМОМАЛИ РАХМОН БО ХАРФХОИ ШИНОСО ВА ЗАБОНИ ТОЧИКИИ БА ХАМА ФАХМО БА ТАБЪ РАСИДААСТ !!!!!
Хар яки мо мусулмонон бояд КУРЪОНро хонда амал намоем , на ин ки муллохову нимчамуллохои ифротиро сачдаву гуш кунем !!!!!:?!!!!

Ҷавоб диҳед Иқтибос Шикоят

шахром

хамин аловидин дар роликхои хачвияш мегуяд ки интизом интизом интизом. бояд конун риоя намоем

Ҷавоб диҳед Иқтибос Шикоят

махлие

ин афгонхо мисли украинский майдан рафтор кардиян мисли фашистон, ин хамааш аз окибати аз дини ислом бехабар будан аст.

Ҷавоб диҳед Иқтибос Шикоят

Эзоҳ илова кунед