24 мар 2015 10:00Тоҷикистон / Иқтисодӣ / Тема дня

АКС: Хайри “экстрасенси маъруф” дар ҳузури Эмомалӣ Раҳмон

Турсуной Зокирова, соҳибкорзан ва экстрасенси маъруф дар қаламрави Иттиҳоди Давлатҳои Мустақил 23-юми март дар ҳузури Эмомалӣ Раҳмон дар шаҳри Қайроқум 10 хонаро ройгон ба ниёзмандону ятимон тақдим намуд.

Ӯ зимни ифтитоҳи бинои панҷошёнаи истиқоматӣ, ки бо харҷи беш аз 3 миллион сомонӣ сохтааст, худро пайрави Эмомалӣ Раҳмон гуфта, дар хитоб ба раисиҷумҳур афзуд, “шумо ятимпарвареду мо пайрави шумо...”.

Тибқи иттилои дафтари матбуоти раисиҷумҳури Тоҷикистон бинои бунёдкардаи Турсуной Зокирова дорои 35 хонаи зебою барҳаво буда, 10 хонаи он ба маъюбон, ятимон ва оилаҳои ниёзманд ройгон тақдим гардид: “Калидҳои ин хонаҳо ба соҳибони хуштолеашон аз ҷониби Сарвари давлат Эмомалӣ Раҳмон ва худи соҳибкорзан супурда шуд. Тавре аён гардид, бинои истиқоматӣ ва хонаҳои он бо тарҳи зебо ва бо шароити мусоиди замонавӣ бунёд ёфтаанд”.

Инчунин Турсуной барои ҷарроҳии дили 14 кӯдаку навраси ниёзманд кӯмак карда, дар ҳузури Эмомалӣ Раҳмон барои бунёди ятимхона, бемористони касалиҳои дил ва чанд бинои дигар изҳори омодагӣ кардааст.

Турсуной Зокирова дар баробари корҳои хайраш бо қобилияти фавқулодаи экстрасенсорияш дар қаламрави ИДМ маъруф буда, ғолиби барномаи машҳури “Битва экстрасенсов-4” мебошад.

Дар сомонаи махсуси Турсуной Зокирова дар шабакаи интернет гуфта шудааст, ки ӯ қобилияти фавқулодаи худро баъди фавти модараш кашф кардааст. Турсуной Зокирова соли 1956 дар шаҳри Хуҷанд дар як оилаи серфарзанд чашм ба дунё кушода, соҳиби 3 фарзанд мебошад: “Баъди таваллуди фарзанди сеюм табибон мегӯянд, ӯ мубталои саратони сина шудааст, вале Зокирова пешниҳоди ҷарроҳиро рад карда, баъди 14 соли мубориза бар ин беморӣ ғолиб шудааст. Пойҳои Зокирова низ баъди марги модараш дар соли 1993 аз кор мондаанд ва бо мушкилӣ роҳ мегаштааст. Гарчанде тамоми бадани Зокирова дард мекардааст, табибон даъвое наёфтаанд ва ниҳоят ӯ мустақилона ба табобати худу дигарон оғоз кардаааст”.

Дар сомонаи махсуси Турсуной Зокирова гуфта шудааст, ки ӯ иттилоъро ба воситаи тасбеҳу корд мегирад. Ӯ тасбеҳи махсусаш бо 121 гандумро дар вақти намоз дида, баъдан фармоиш медиҳад, ки барояш чунин тасбеҳро омода кунанд.

Ӯ, ки дар “Битва экстрасенсов-4” дар шабакаи ТНТ ғолиб шудааст, изҳор медорад, ки тоҷик аст, вале аз ғайб ба ӯ иттилоъ бо забони узбакӣ мебиёяд. Ӯ ба суол дар ин бора посух додааст, ки “ман узбак нестам ва ҳатто бо ин забон сухан гуфтан наметавонам. Аммо гуфтугӯҳои узбакиро мефаҳмам. Намедонам, барои чӣ, аммо фариштаҳоям бо ман бо забони узбакӣ сухан мегӯянд ва ман онро тарҷума карда, мерасонам”.

Мӯҳр

Хабарҳои монанд:

adl

Wohima... in honaro az tarafi hukumat sohtanu bad yak zanakro yoftanu guyo hudash sohta boshadu hair kard. Reklama dawom dorad.

Ҷавоб диҳед Иқтибос Шикоят

ориф

ана гап дар кучо ояндаи точиконро ки маслихатгор аст ХУДОЕ миллати азизро дар панохи худат нигахдор омин

Ҷавоб диҳед Иқтибос Шикоят

хайрон

турсуной ном доштай афташ афти узбаки бо у ба узбаки гап мезадаанд вале у точик ))))))

Ҷавоб диҳед Иқтибос Шикоят

дардошно

Вохимахои хамешаги ва рекламави ва бепоя. Хамин дуруг ба ки даркор? Аз ин дуругхо даст кашеду вазьи пули сомониро фикр кунеду паст кардани нархи махсулотро ки бухрон хамаро фаро гирифт.

Ҷавоб диҳед Иқтибос Шикоят

sss

Kori Hair,hair ast va in isboti buzurgii inson ast....Ammo namefahmam, charo u zan honahoro sohtu taksimkuniro prezident kard????? Ajib...

Ҷавоб диҳед Иқтибос Шикоят

Камолиддин

Ассалому алейкум Озодагон, ман барои хайри инсоният коре надорам чун онҳо барои чунин кирдорашон назди холиқи якто аҷрашонро мегиранд, аммо то ҳол нафаҳмидам чаро Президент қонуни имзокардаи худро иҷро намекунад ё саҳлангорӣ менамояд, чунки дар моддаи 482 кодекси ҳуқуқвайронкунии маъмурӣ барои ҷодугарон ва фолбинон ҷазо дар ҳаҷми 1600-2000 сомони барои маротибаи аввал ва дар давоми сол дуюм маротиба ҷарима 2400-4000 ҷарима муақаррар гаштааст, ҳол он ки дар ҶТ чунин афрод хеле зиёданд,

Ҷавоб диҳед Иқтибос Шикоят

Хамроз

Холо аз ин пас бав забони узбаки статуси куддусият дода, минбаъд амр содик карда мешавад, ки дуоро ба забони узбаки хонед, зеро "Фариштахо" забони точикиро намефахманд, гупта реклама мекунанд.

Ҷавоб диҳед Иқтибос Шикоят

1616

Вой бар холи сохибкорон. Сохибкор андоз месупорад. Гамхориро бояд давлат нисбати халкаш кунад на ин ки сохибкор. Мансабдорони азиз тамоми сохибкорон ва сармоягузорон фирор карда истодаанд. Омилхои фирор муайян аст. Окибат чи мешуда бошад Худо медонад.

Ҷавоб диҳед Иқтибос Шикоят

Ахмад

Як зани фолбин бо кадом рох ин кадар пул чамъ кардааст? Албатта бо рохи чодугари ва сехр. Назди фолбинон рафтану аз онхо кумак талаб намудан аз кабили ( кушоиши кор, тумор, бахткушои, гарми , хунуки, сехру чоду намудани шахсе ва гайрахо) ШИРК аст! Дар Куръони Карим омадааст, ки Худованд ба гайри ширк дигар гуноххои бандахояшро мебахшад. Мувофики аходиси набави хар касе ба назди фолбин меравад ва сухани фолбинро тасдик мекунад он шахс ба Куръон имон надорад. Ин зан фаришта не чин дорад. Бояд Фариштаро аз Чин фарк кард. Фолбинон бо чинхо хамкори мекунанд.
Хар ки созад кавли фолбинро кабул,
Дар хакикат кофир асту ло кабул.
Ё куни тасдик кавли фолбин,
Ё куни дашноми Рабул оламин.

Ҷавоб диҳед Иқтибос Шикоят

Мах

Пайгамбари Худо Мухаммад (с) мефармояд: Касам ба он Куръоне ки ба ман нозил шудааст шахсе, ки гапи фолбин (бинукро) тасдик кунад ва гуяд, ки у рост мегуяд аз имон хорич мешавад яъне КОФИР аст.

Ҷавоб диҳед Иқтибос Шикоят

Зафар

Ин зан гарчанде фолбин бошад хам, аз баъзе рухониёни беномусу фитнаангез кори хайру савобаш зиёд аст.

Ҷавоб диҳед Иқтибос Шикоят

baxa

ин амаш воима Фанди замона

Ҷавоб диҳед Иқтибос Шикоят

Эзоҳ илова кунед