20 мар 2015 11:31Тоҷикистон / Фарҳангу адаб

Умед Ҷайҳонӣ: Наврӯз бе солшумории миллӣ дар ҳадди рӯзи кадуву харбуза хоҳад буд

Ҳамасола дар остонаи ҷашни Наврӯз дар доираҳои мухталиф баҳси баргаштан ба солшумории ҳиҷрии хуршедӣ доғ мешавад. Имсол низ истисно набуд ва дар зимн “Озодагон” аз се соҳибназари тоҷик пурсид, ки “БАРОИ ГУЗАШТАН БА СОЛШУМОРИИ МИЛЛӢ ЧӢ МОНЕЪА ВУҶУД ДОРАД?”

Абдуқодири РУСТАМ, нависанда

Монеа ба назарам танҳо тавҷеҳи сиёсии ин мавзӯъ аст. Яъне зимомдорони ҳукмати Тоҷикистон метарсанд ба хашми Русия гирифтор бишаванд. Русия ҳар иқдомеро, ки кишварҳои собиқи Шӯравӣ дар амри таҳаққуқи ҳувияти миллӣ анҷом медиҳанд, ба унвони берун рафтан аз маҳдудаи фарҳангӣ, иқтисодӣ ва сиёсии худ талаққӣ мекунад ва таҳлилгарону хабарнигоронашро алайҳи он кишвар бармеангезад.

Нурмуҳаммади АМИРШОҲӢ, таърихнигор

Замина вуҷуд надорад. Замина, ки вуҷуд надорад, чӣ гуна ба он мегузарем. Одитарин чиз гузаштан ба хатти форсӣ аст, ки ҳоло ба он омода нестем, ҳоло солшумориаш тамоман чизи дигар аст. Ҷомеаи Тоҷистон ба ин чиз тайёр нест. Чанд сол мо баҳс кардем ва мубориза бурдем, худи донишмандон ба ин чиз розӣ нестанд. Бадбахтӣ ин аст. Ҳеч кас дастгирӣ намекунад. Равшанфикрҳо, ки дастгирӣ намекунанд, ҳамин тавр мемонад.

Умед ҶАЙҲОНӢ, пажуҳишгар

Агар манзур аз солшумории миллӣ солшумории ҳиҷрии хуршедӣ аст, ки аз Наврӯз оғоз меёбад, монеъа ҳамин аст, ки он солшумории исломист. Дигар ин ки Наврӯз ҳам, ки сароғози он солшуморӣ аст, чандон аҳамияте надорад. Зеро аз як сӯ давлат, ки бо ойинҳои исломӣ мубориза дорад, ҳаргиз солшумории исломиро расмӣ нахоҳад кард, аз дигар сӯ, Наврӯз бе ин солшуморӣ ҳеч маънову мисдоқе нахоҳад дошт ва чизе дар ҳадди рӯзи кадуву харбуза хоҳад буд.

Мӯҳр

Хабарҳои монанд:

Кулоббии мусулмон

Рост мегуй бародар. Ононе ки бо ислом мушкил доран бо навруз ва соли шамси мушкил доран. Ин соли Хофизу Саъдию Рудаки Исмоили Сомони, на русхои масехи ё еатолик.

Ҷавоб диҳед Иқтибос Шикоят

Аъзам

Чанги шахрвандй тараккиёти Точикистонро хело хам окиб партофт.Гузаштан ба алифбои форсй аз он зиёдтар окиб мепартояд.Солхои 89-90 асри гузашта "рушанфикрон" хаёху бардоштанд,ки ба алифбои ниёгон бармегардем.Хамон солхо чи кадар мутахассисхо баромада рафтанд. Ин дафъа мутахассисони тахчой баромада мераванд.Максад факат гузаштан ба ин хуруфот бошаду он тарафашро фикр накунем,ба Афгонистони дуюм табдил меёбем.

Ҷавоб диҳед Иқтибос Шикоят

Тохир Сафарпур

Ана, чехраи ориёии тоза. Гапхояш хам мисли ориёихо, лакаби интихобкардааш хам тахчои - Чайхуни, агар чи баъзе думравихо хануз дорад, ки ба камтачрубагияш далолат мекунад.

Ҷавоб диҳед Иқтибос Шикоят

islomako

Масъалаи гузаштан ба солшумории ачдоди масъалаи догу мухими чомеаи Точикистон нест. Аввал иктисодиётро боло бардоштан лозим аст. Дигар масъалаи гузаштан ба хати ниёгон. Мегузарем гуфтану мондан ба талаби замон мувофик нест. Яку якбора гузашта хам намешавад. Хуб мешуд, ки масъалаи соатхои хати ниёгонро дар мактаб зиёд кардан бардошта мешуд.

Ҷавоб диҳед Иқтибос Шикоят

Фаррух

Шӯрбахтона, Умед дуруст мегӯяд. Шояд солшуморие "тоҷикона" ба роҳ андозанд ки ҳам хуршедӣ буваду ҳам ба Ислом коре надошта бошад. Масалан солшуморӣ аз оғози соли навишти Авасто бошад. Вале ин ҳам мешавад аз як дине гирифта бар дини дигар задан. Чун дини зардуштӣ низ комилан тоҷикона нест. Беҳтарин пешниҳод аз назари ман ин истифода аз як навъи солшумории Ҷалолӣ истифода шавад ва соли аввал соле ки Хайём ин пешниҳодро карда буд пазируфта шавад (1079). Аз рӯи ин солшуморӣ ки тамоман тоҷиконау илмист, имрӯз аввали фарвардини соли 938-ум мебуд.

Цитата: Кулоббии мусулмон

Кулоббии мусулмон,
Кулоббии мусулмон,

Ҷавоб диҳед Иқтибос Шикоят

Эзоҳ илова кунед