20 мар 2015 10:47Тоҷикистон / Тема дня

Поёни тафтишоти парвандаи Ҷамолиддин Маҳмудов то чанд рӯзи дигар

Вакилони мудофеи Ҷамолиддин Маҳмудов, узви боздоштшудаи Раёсати олии Ҳизби наҳзати исломии Тоҷикистон мегӯянд, интизор меравад, ҳафтаи равон тафтишоти парвандаи зерҳимояашон ба итмом расад.

Зарафо Раҳмонӣ, яке аз се вакили мудофеи ҷаноби Маҳмудов рӯзи 20 март дар суҳбат бо “Озодагон” гуфт, эҳтимол дорад, ҳафтаи равон тафтишоти парвандаи оқои Маҳмудов ба поён расад. Хонум Раҳмонӣ, ки се рӯзи пеш бо зерҳимояи худ мулоқот кардааст, вазъи ӯро хуб арзёбӣ карда, афзуд, то ҳол аз чизе шикоят накардааст: “Ҷаноби Маҳмудов аз фишор ё чизе дар боздоштгоҳи муваққатӣ ба мо шикоят накардааст ва вазъаш ҳам хуб аст”.

Ҷамолиддин Маҳмудов дар баробари узви Раёсати олии ҲНИТ будан, бо пешниҳоди Эмомалӣ Раҳмон, раисҷумҳури Тоҷикистон намояндаи ин ҳизб дар Комиссияи марказии интихобот ва раъйпурсии кишвар буд. Ӯ рӯзи 10 феврали соли равон аз сӯи Кумитаи давлатии амнияти миллӣ боздошт гардид. Ин ниҳод бо нашри изҳороте боздошти ин узви аршади ҲНИТ дар арафаи интихоботи парлумонии кишварро шарҳ дода, гуфт, дар манзили истиқоматии Латиф Сардорови 60-сола, истиқоматкунандаи деҳаи Чуқураки Болои ҷамоати Навободи ноҳияи Ҳисор ду таппончаи тамғаи Макаров, чор тирдон, 51 дона тир ва 1 запали таркандаи норинҷаки дастӣ ёфт ва мусодира кардаанд, ки ба гуфтаи Сардоров ба Ҷамолиддин тааллуқ доштааст.

Вале Шӯрои сиёсии ҲНИТ бо нашри изҳороте боздошт ва кушода шудани парвандаи ҷиноӣ алайҳи Ҷамолиддин Маҳмудовро маҳкум намуда, ин корро як амали сирф сиёсӣ ва марбут ба раванди интихобот донист ва аз Эмомалӣ Раҳмон хост, “бо дарназардошти нақши шахсии оқои Маҳмудов дар назорат бар оташбас ва расидан ба сулҳ баъд аз ҷанги шаҳрвандӣ дар Тоҷикистон қазияи мазкурро зери назорат бигирад".

Ҷамолиддин Маҳмудов ҳоло дар ҳабси пешакӣ қарор дошта, рӯзи 13 феврали соли равон Додгоҳи ноҳияи Исмоили Сомонии шаҳри Душанбе қарори то ду моҳ дар боздоштгоҳ мондани ӯро содир кард.

Мӯҳр

Хабарҳои монанд:

Кулоббии

Устод Худо сабрат бта фарзанди точик. Иннааллоха маа собирин.
Аллохумма фукка кула асир...

Ҷавоб диҳед Иқтибос Шикоят

Адолат хох

Ин ша Аллох ки казоват одилона сурат бгирад ва ин бародаре ки барои овардани сулх сахм дорад озод шавад

Ҷавоб диҳед Иқтибос Шикоят

Ислом

Айни замон дар сари кудрат арбобхое хастанд ки хар боб мезананд сиесат худ чизи ифлос буд хаст ва мемонад

Ҷавоб диҳед Иқтибос Шикоят

Манбаъ

Ӯро мегӯянд шиъа шудагӣ. Так что ҳукумат албатта ӯро сафед мекунад ва озодаш хоҳад кард

Ҷавоб диҳед Иқтибос Шикоят

Сино

Ээээ соз ку ... Комисияда одам надоштастгуен ХНИТ хм

Ҷавоб диҳед Иқтибос Шикоят

Абубакр

Хама махбусони бегунохро Аллох начот дихад,албатта ин такдир аст,Чалолиддини Махмуд дар замони имзои сулх хизматхои беназир кардааст,

Чаро бачаи Хукумов озод шуд, чанд инсонхоро кушт ва дар н Айни милитсияро парронид чаро бо як чаримаи ночиз озод шуд ,аз Аллох битарс,ОЗОДАГОН озод бош чоп кун ба номат сазовор бош,

Ҷавоб диҳед Иқтибос Шикоят

Эзоҳ илова кунед