Бонки Ҷаҳонӣ дар парлумони Тоҷикистон таҳаввулот ворид сохт

Ҷихати тақвияти зарфият ва иқтидори иқтисодии парлумон дар бахши молия дар назди кумитаи иқтисод ва молияи МН котибот таъсис дода шуд.

---

Тавре Муҳаммадато Султонов, сухангӯи палатаи поёнии парлумони Тоҷикистон ба хабаргузории “Озодагон” иттилоъ дод, ин тасмим бар асоси ёддошти ҳусни тафоҳум ва ҳамкорӣ бо дастгирии Бонки Ҷаҳонӣ, дар доираи барномаи тақвиятдиҳии идоракунии давлатӣ дар Тоҷикистон аз сар гирифта шудааст. Султонов афзуд, котиботи мазкур бояд тавассути пурзӯр намудани мақом ва иштироки парлумон дар ҷараёни буҷет  ва дар тамоми давраи буҷетӣ аз ҳисоби беҳгардонии таҳлили маълумоти буҷетӣ ва самаранок гузаронидани муҳокимаҳои буҷетӣ, баланд бардоштани самаранокии ҳисоботи молиявии ҳукуматдар назди парлумон ва ҷомеаи шаҳрвандӣ комёб шавад.

Манбаъ ҳамчунин гуфт, амаликунии бомуваффақияти лоиҳа метавонад иқтидори кумитаи иқтисод ва молияро (ва дигар кумитаҳои зирабтро) тавассути таъсиси котибот  бо кормандони варзида дар таҳлил ва таҳқиқ, гузаронидани таҳқиқҳои мустақил ва ҷамъи маводҳои таҳлилӣ барои омодасозии тағйироту тавсияҳо оид ба ҷараёни буҷет тақвият диҳад. Дар доираи лоиҳа чораҳои кӯмак кардан ба ҷараёни коркарди методологияи омодасозии буҷети шаҳрвандӣ муайян шудааст, ки метавонад Тоҷикистонро ба ташаббуси “Шаффофияти буҷет” ҳамроҳ намояд ва иқтидори мониторинги шаффофияти буҷетро баланд намуда, системаи робитаҳои берунаи парлумонро дар масълаи буҷет беҳтар гардонад, тренингҳо ва омӯзиши кормандон, ки барои банизомдарории омодасозии маводҳои лозима оиди буҷет барои ВАО ва аҳли ҷомеа ташкил созад.

Зимнан Султонов қайд кард, ки ба ҳайати котибот афроди зерин шомиланд: Қосим Мӯъминов, роҳбари котибот, Людмила Боронова ва Раҳима Тӯйчиева- мушовирон таҳлилгарон, инчунин Заррина Маҳмадалиев ба ҳайси мушовир-маъмур.{jathumbnail off}

Мӯҳр