14 мар 2015 10:22Тоҷикистон / Ҷавонон ва варзиш

Раиси Кумитаи ҷавонон: Ҳар инсони комил ба сарвар ниёз дорад

Аҳтам Абдуллозода, раиси Кумитаи ҷавонон, варзиш ва сайёҳии Тоҷикистон аз ҷавонони кишвар даъват кардааст, ба тақлиди фарҳанги бегона роҳ надода, бештар фарҳанги худро тарғиб ва муаррифӣ намоянд.

Ҷаноби Абдуллозода ин нуктаро рӯзи 13 март зимни мулоқот бо гуруҳе аз ҷавонон, ки курси “Сарварони ҷавон”-и назди Донишгоҳи миллиро хатм кардаанд, иброз доштааст.

Наврӯз Қурбонов, масъули бахши таҳлилу иттилооти Кумита ба “Озодагон” гуфт, Аҳтам Абдуллозода дар мулоқот бо ҷавонон масоили гароиши ҷавонон ба гуруҳҳои ифротӣ, фарҳанги либоспӯшӣ, арҷ гузоштан ба анъанаҳои суннатиро ба баррасӣ гирифтааст. Манбаъ мегӯяд, раиси Кумита ба масъалаи оиладорӣ низ дахл намуда, пош хурдани оилаҳои ҷавонро хеле ташвишовар арзёбӣ кардааст.

Аҳтам Абдуллозода аз омода намудани ҷавонони сарвар, ки дар курси “Сарварони ҷавон”-и назди ДМТ ба таҳсил фаро гирифта мешаванд, истиқбол намуда, гуфтааст: “Ҳар инсони комил ба сарвар ниёз дорад. Сарвари дар байни ҷавонон муҳим аст”.

Мӯҳр

Хабарҳои монанд:

Чавонони Точикистон

Чаноби Абдуллозода худ чавононро ба рохи сарвари хидоят мекунеду вале аз дунёи рохбарикунанда бехабаред!!! Агар ки донед пас фарк миёни харби ва маънавиётро ба мизон гузоред! Шумо холо дар самти маънавиёт фаъолият доред, зиёд мехостем ки раванди корро дар ин ришта ба хуби омузед! Олами низоми дигару олами маънавиёт дигар мухтарам Ахтам Абдуллозода!!!!!

Ҷавоб диҳед Иқтибос Шикоят

Саид

Чи суханхои берабту бидуни мантик - инсони комил ба сарвар ниёз дорад. Инсон агар коил бошад танхо ба яздон ниёз дорадцу бас.

Ҷавоб диҳед Иқтибос Шикоят

донишҷу

муҳтарам раис дуруст қайд кардааст " Ҳар инсон ба сарвар ниёз дорад". масалан. мо ақл савод идеа дорем аммо таҷриба не ба мо сарваре лозим аст ки ба мо роҳро нишон диҳад

Ҷавоб диҳед Иқтибос Шикоят

Эзоҳ илова кунед