05 мар 2015 13:09Тоҷикистон / Иҷтимоӣ

Азми Русия барои бештар кардани мактабҳои русӣ дар Тоҷикистон

Русия ҷудо намудани бурсияҳои махсусро барои бештар кардани мактабҳои русӣ ва густариши омӯзиши забони русӣ дар Тоҷикистон баррасӣ мекунад.

Игор Шувалов, муовини нахсутвазири Русия дар нишасти Кумиссиюни байниҳукуматии Тоҷикистону Русия, ки 4-уми март дар Маскав баргузор гардид, изҳор доштааст, ки ихтисоси бурсияҳои махсус барои ташкили марказҳои омӯзиши забони русӣ ва мактабҳои русӣ дар марказҳои навоҳии Тоҷикистон дар назар аст.

“Русия барои амалӣ кардани лоиҳаҳои махсус дар муносибои байнидавлатӣ, аз ҷумла барои ворид кардани маҳсулоти меваюу сабзавот манфиатдор аст. Русия имконоти таъсис додани лоиҳаҳои бурсиявӣ барои эҷоди марказҳои омӯзиши забони русӣ ва мактабҳои русӣ дар Тоҷикистонро баррасӣ мекунад”, - изҳор доштааст Шувалов.

Ин иқдом дар ҳолест, ки ахиран мақомдорони Русия аз танг шудани ҷойи забони русӣ ва афзоиши таваҷҷуҳ ба забони англисӣ дар Тоҷикистон изҳори нигаронӣ карданд. Аз ҷумла Игор Лякин-Фролов, сафири Русия дар Тоҷикистон зимни як мусоҳиба бо хабаргузории русии “РИА Новости” дар робита ба мақоми забони русӣ гуфт, ҳарчанд талабот ҳанӯз ба забони русӣ зиёд аст, вақтҳои охир ҷойи он танг шуда истодааст: “Мутаассифона бояд қайд кунам, ки муҳити истифодаи забони русӣ рӯз аз рӯз тангтар шуда истодааст. Теъдоди тоҷикистониёне, ки забони русиро медонанд, майли камшавӣ дорад. Аз бисёр ҷиҳат ин ба он вобастагӣ дорад, ки Тоҷикистонро даҳҳо ҳазор сокини русзабон тарк карданд ва нафаре нест, ки мактаббачаҳо бо ӯ бо забони русӣ гап зананд. Имрӯз суҳбатҳо бо забони русӣ дар кӯчаю ҷойҳои ҷамъиятӣ камтар ба гӯш мерасанд. Аҳамият додам, ки дар Душанбе низ шиору овезаҳо бо забони русӣ кам шудаанд. Ниҳодҳои давлатӣ дар бисёри ҳолатҳо бо овезаҳо бо забони тоҷикӣ иктифо мекунанд”.

Сафири Русия дар Тоҷикистон бо зикри ин раванд аз он изҳори таассуф кардааст, ки дар Тоҷикистон овезаю шиорҳо бо забони англисӣ майли афзоиш доранд: “Дар ҳоле ки тибқи Сарқонун ва дигар анъанаҳое, ки дорем овезаю шиорҳо бояд бо забони тоҷикию русӣ бошанд. Зарур аст, ки дар барномаҳои мактабӣ низ таваҷҷуҳ ба забони русӣ бештар шаваду соатҳои таълими забони русӣ зиёд карда шаванд”.

Мӯҳр

Хабарҳои монанд:

точдор

бисер икдоми хуб аст, чунки забон дони чахон дони . Дар пойтахт аз дехоту музофотхо омадагихо хатто ба забони адаби сухан гуфта наметавонанд, ки ин айб аст. дар мактаб забони точики ва адабиети клоссики точикро хонда лек онро намефахманд. бисер хуб мешуд агар дар мактабхои мо махсусан дар кишлок забонхои руси бештар ва инчунин забони англисию французи ва немиси омузанд хеле хуб мешавад. ин точдорон бояд забони хоричиро ед гиранд.

Ҷавоб диҳед Иқтибос Шикоят

Ahmad

вазир бояд қабл аз ҳама сабаби фбетаваҷyҳии миллати Тоҷик нисбати забони Руси илман таҳқиқ кунадy бад ба ин иқдом даст занад то воқеан ин забон ба дарди миллати Тоҷик ва дустии байни миллатҳо истифода шавад. Миллати Тоҷики мо қаблан забони Русиро барои он меомухтанд ки ин забон барои пешбyрди корy фаолияташон дар Рyсия ба кор мерафт.Вале, имрузҳо мо мебинем ки қонyнҳои нав ба нав барои фишор болои муҳоҷирин дар порлyмони Рyсия ба тасвиб мерасанд. Миллатгароҳои Рус бо қатлy ғораташон миллатҳои ғайри Русро безор карданд.

Ҷавоб диҳед Иқтибос Шикоят

Кулоби

Забони Ангиси Чахони Хаст .Руси Дар Чахон Бакор Намеравад.Мо Бояд Авал Забони Форситочикро Хуб Нагз Бубинем Бад Забони Аглисиро.

Ҷавоб диҳед Иқтибос Шикоят

Эзоҳ илова кунед