02 мар 2015 18:23Тоҷикистон / Сиёсат / Тема дня

Гузориши Лебедев ба Президент: Интихобот демократӣ буд!

Эмомалӣ Раҳмон, раисиҷумҳури Тоҷикистон дар пайи эълони натиҷаҳои интихоботи парлумонӣ, баъди зуҳри 2-юми март Сергей Лебедевро, ки ба ҳайси раҳбари гурӯҳи нозирони кишварҳои аъзои Иттиҳоди Давлатҳои Мустақил дар Тоҷикистон қарор дорад, ба ҳузур пазируфтааст.

Лебедев, раиси Кумитаи иҷроия-дабири иҷроии Иттиҳоди Давлатҳои Мутақил, ки барои назорат аз болои интихоботи парлумонӣ ба Тоҷикистон омадааст, ба Эмомалӣ Раҳмон изҳор доштааст, ки интихобот дар фазои демократӣ, шаффоф ва мутобиқ ба талаботи қонунгузории Тоҷикистон ҷараён гирифт.

Тибқи иттилои дафтари матбуоти раисиҷумҳури Тоҷикистон Лебедев аз мушоҳидаҳои нозирони ИДМ дар ҷараёни омодагӣ ва баргузории интихоботи парлумонии Тоҷикистон иттилоъ дода, аз ҷумла зикр намуд, ки аз 9 кишвари иттиҳод 257 нозир дар ин гурӯҳ қарор доранд ва онҳо дар тамоми шаҳру ноҳияҳои кишвар ҳузур доштанд.

Дафтари матбуоти раисиҷумҳур мегӯяд, дар мулоқот ҳамчунин доир ба масоили вобаста ба ҳамкориҳои дигари кишварҳои аъзои Иттиҳоди Давлатҳои Мустақил ва нақши Тоҷикистон дар ин иттиҳод сурат гирифт.

Мӯҳр

Хабарҳои монанд:

Точик

Президент низ аз руи одат хамонхоеро кабул мекунад ки балегуи у бошад. Ин чи хел Президент аст ки кудрати чавобдихи то хатто ба журналистои гайридавлатиро надорад.

Ҷавоб диҳед Иқтибос Шикоят

точик

Хамаи нозирони ИДМ мисли афсонагуёни хукумати мо чанд рузе ки дар кишвари мо буданд аз хеч чиз хабар хам ндошатнду дуругашон осмони аст. инхо хамашон намояндахои хукуматхои диктатури мебошанд. зиёфатхоро аз пули халки точик аз налоги мардум хурданду хиёнат карданд равед кишвархои худ ки шарманда кардеде

Ҷавоб диҳед Иқтибос Шикоят

кэмп дэвид

Албатта шаффоф набуд инро мардуми солимфикр хуб медонад. Лекин русхо ба умеди он ки точикистон ба таможенный союз дохил мешаванд ба ин интихоботи мо чашмпуши карду шаффоф хисобид, инчунин ОБСЭ низ ба умеди он ки точикистон долларро мепарастаду ба таможенный союз ворид намешавад, чашм пушиду гуфт ки шаффоф аст. Ин бозихои Януковичро, ки хамаро мехост фиребад монанд шудку.

Ҷавоб диҳед Иқтибос Шикоят

Эзоҳ илова кунед