21 фев 2015 12:57Тоҷикистон / Сиёсат

Нигаронии Зоиров аз бахилӣ ва “гуруҳи махсус”-и нобудкунандаи варақаҳо

Раҳматилло Зоиров, раиси Ҳизби сотсиал-демокарти Тоҷикистон мегӯяд, гуруҳи махсусеро мушоҳида кардаанд, ки ба нобудсозии маводи таблиғоти пешазинтихоботии ҳизбаш машғул мебошанд.

Ӯ 21-уми феврал бо пахши як муроҷиатнома аз мақомоти ҳифзи ҳуқуқ ва Комиссияи марказии интихобот ва раъйпурсӣ дархост намудааст, то пеши роҳи ин амалро гиранд: “18 феврал дар маҳаллаҳои 103, 104 ва 13-15-и шаҳри Душанбе чунин як гурӯҳи нобудкунандаи варақаҳои таблиғотӣ аз ҷониби намояндаҳои ҳизб дастгир шудаанд, аммо аз сабаби бетаҷрибагии намояндаҳои ҳизб ва бисёр ҷавон будани ашхоси дастгиршуда -17-19 сола, онҳоро ҷавоб додаанд”.

Раиси ҲСДТ инчунин таъкид мекунад, ки дар бархе аз навоҳии кишвар худи намояндаҳои мақомоти қудратӣ ба нобуд кардани маводи таблиғотии аҳзоб машғул мешаванд: “Давоми дирӯз, масалан, дар Шаҳритус ба ин кор ду корманди милитсия, 1 намояндаи КДАМ машғул шудаанд. Ин ҳолатро чанд нафар аз гуруҳи таблиғотии ҲСДТ шоҳид шудем”.

Зоиров бо зикри он, ки феълан 80 дарсади варақаҳои таблиғотии ҲСДТ ва дигар аҳзоб дар Душанбе нобуд шудаанд, суол гузоштааст, ки “барои чӣ ва кӣ мардумро аз иттилои дақиқи интихоботӣ ва ҳизбҳоро ба харҷи беҳудаи маблағ мубтало мекунад? Бе чуну чаро дар ин кор қувваи махсус амал мекунад, яъне тасодуфӣ нест. Кист ин бахилтарин қувваи дар Тоҷикистон амалкунанда?”.

Мӯҳр

Хабарҳои монанд:

Фаро ш.Кулоб

Аз дасти шумо хамин кадар гап меояд хар сол гапи шумо хамин интихобот ки наздик шуд бахонахо сар мешавад, барои медонед ки кам одамон ба шумо овоз медиханд, 90%мардум ба хизби Сарвари Давлат овоз медихад барое ки арзанда хаст.ба хизби шумо аз 10% чикадар ки расад, аз бахилитона бахонахо пеш меоред. Хизби шумо ба мардум чи хизмат кардааст, кани чавобашро нависед?

Ҷавоб диҳед Иқтибос Шикоят

Андарз аз Шугнон

Мухтарам Р. Зоиров кори шумо факат тафрикаандозию айбчуист. Ё медонед, ки голиб намеоед ба муттахамкуни гузаштед. Охир шумо хукукшиносед, бо факту далел гап занед. Чун дар дигар корхо низ аз дигарон факту далел ва асоснокиро талаб мекунед. Барои шумо, ки хама хамчун хукукшинос шуморо мешиносанд , чунин гапхои подархаво, номуайян, айб аст. Агар шахси хукукшинос чунин гуфтору рафтор дошта бошад, вой бар холаш. Суханони шумо гапхои "занохои лаби об чи гуфтанд?"-ро ба хотир меорад.

Ҷавоб диҳед Иқтибос Шикоят

Фаро ш.Кулоб

Ба Андарз
Андарз бародар Рохбари Давлат марди бекинаву дилсоф аст, Аллох нигахбонаш , агар инхо чои Рохбари Давлатда мешидан Худо нигох дорад аз он руз, ба инхел гапхои ки инхо мезанан хату хаварат аз Сибир меомад бисёр мардуми берахман инхо.

Ҷавоб диҳед Иқтибос Шикоят

точик

Андарз аз Шугнон,
Хайр бигузор онхо голиб наоянд пас барои чи шумо агар бовари доред уи голиб меоед ба чунин монеагузорихо рох медихед? Телевизиони давлати аз пули мардум кор мекунад лекин дар хизмати танхо шумост. Мардонавор икрор шавед ки ХХДТ дар байни мардум обруй надорад ва танхо бо истифодаи зури мехохад сари кудрат монад.

Ҷавоб диҳед Иқтибос Шикоят

Мохир

Мухтарам Зоиров точикон аз оманшуд бахил буданд ва бахил хоханд мондл

Ҷавоб диҳед Иқтибос Шикоят

Голиб

АНДАРЗИ ШУГНОНИ, "занохои лаби об чи гуфтанд?"-ро ту мегуи, на Р.Зойиров. Кай бад буданро аз замират нест мекуни. Тавре зиндаги намо, ки мурданро фаромуш накун, чун абади нести. Ростиро пеша намо

Ҷавоб диҳед Иқтибос Шикоят

Эзоҳ илова кунед