Русский  >>  فارسی  >>  Ҷумъа 30 октябр 2020, 09:43

Раҳнамо ҳизби ҳокимро “офтоб” гуфту Кабирӣ худро “сарбоз”

10 феврал 2015, 17:25

Мулоқоти номзадҳо аз аҳзоби гуногун дар ҳавзаи интихоботии ноҳияи Шоҳмансур баъди зуҳри 9 феврал баҳси гармеро ба вуҷуд овард. Номзадҳо ва намояндаҳои аҳзоб дар ин мулоқот дар бархе ҳолатҳо воқеиятро гузошта, аз бадеият, аз ҷумла, аз санъати ташбеҳ истифода мекарданд.

Абдулло Раҳнамо, масъули Маркази тадқиқоти стратегии назди раисиҷумҳур, ки Ҳизби ҳокими халқӣ-демократии Тоҷикистонро дар ин ҳамоиш муаррифӣ мекард, изҳор дошт, ҲХДТ офтоб аст. Ӯ дар баромадаш мақоли “Офтоб омад далели офтоб”-ро кор бурда, аз ироаи муфассали барномаи пешазинтихоботии ҲХДТ худдорӣ кард.

Шодӣ Шабдолов, раҳбари коммунистони Тоҷикистон дар ин мулоқот аз ваъдаҳои “осмонӣ”-и бархе вакилон интиқод намуд, ки барои ғолиб шудан дар арафаи интихобот маошу нафақаҳои баланд ва дигар ваъдаҳои дурӯғ медиҳанд. Ӯ муътақид аст, дар Тоҷикистон бояд кор аз маҳви бесаводӣ шурӯъ шавад ва таъкид намуд, кори парлумон пешбурди сиёсати қонунгузорӣ аст, на ироаи ваъдаҳои дурӯғ.

Раҳматилло Зоиров, раиси Ҳизби сотсиал-демократи Тоҷикистон дар ҳамоиши аҳзоб дар ҳавзаи Шоҳмансур ба душмантарошӣ ишора карда гуфт, ин амалҳо бояд ҳарчӣ зудтар аз байн бурда шаванд. Ӯ таъкид кард, сухану эъродҳояш набояд ба маънои танқид фаҳмида шаванд. Ба иддаои Зоиров суханҳояш танҳо ба хотири пешрафту ислоҳ ҳастанд.

Муҳиддин Кабирӣ, раиси ҲНИТ низ бо ишора ба сулҳу оромии кишвар таъкид сохт, ҳукумат бояд ин ҳама аҳзобро дар канораш дошта бошад ва аз пешниҳодҳои хуби онҳо истифода кунад. Ӯ афзуд, "агар ташаббусҳои ҳукумат созанда ва фарогири манофеи тамоми миллат бошанд, мо ба ҳайси сарбоз омодаем ба ҳукумат хидмат кунем". Раиси ҲНИТ ҳангоми муарифии номзадҳои ҳизбаш -- Руқия ва Муҳаммадҷони Нурӣ таъкид намуд, фарзандони марҳум Сайид Абдуллоҳи Нурӣ бояд ҳамчун рамзи сулҳ ва ваҳдати миллӣ ба парлумони Тоҷикистон роҳ ёбанд.

Мулоқоти намояндаҳои аҳзоби сиёсии Тоҷикистон бо интихобкунандаҳо доранд. Интихоботи парлумонии Тоҷикистон якуми март баргузор мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • халим

  • 10 феврал 2015 17:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаро фарзандони Нури хамчун рамзи Сулху Вахдат ба парлумон рох меёфтаанд, хамчун номзади ХНИТ. Рамзи сулх моем, ки шикасту рехти хонахоямонро ба начом нарасонида бо шарофати шумо сиёсатмадорон ба мушкилихои ичтимои гирифторем, аммо ба хамаи ин сабру тахаммул дорем, Зео мо халкем ва рамзи сулху Вахдат моем- бо сабру токате, ки шумо мансабхохонро дорем.... ай)))
Посух додан
  • Сабр

  • 10 феврал 2015 18:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рохбарони хизб дар Кургонтаппа низ аз хамин сенария истифода кардан монанди баромади Кабири, Зоиров ва ваъдахои ва миннатхои хизби хоким
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хизб ки бисёр шуд кор расво мешавад,касоб бисёр шуд гов харом мемурад.Сулхро Аллох овардааст ин чанги немису точик набуд ки дигар тенч нашавад.Парвардигор медонад киро Подшох кунад бехтарин Рохбарро дорем Аллох интихобаш кардааст мо хам тарфдорашем.Аз хама боло интихоби Аллох аст,бахели накунед бахела гураш танг аст.Рахмат ба сабру токатат Рохбари давлат бо ин баъзеи инхо чихел кор мекунед ман хайронам Аллох нигохбонат.
Посух додан
  • Linguist

  • 10 феврал 2015 21:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман ин нафарро хира-хира аз замони донишчу буданаш зохиран мешиносам, аммо на он кадар медонистам, ки дар тамаллук сухани хазрати Мавлоноро бо кадом гарази худгароёна ба ин лахну оханг истифода кунад. Вой сад вой, ки мардум суханбозиро аз андозу буурун буурдаву бар ивази обру шармзадаги барои хеш мехаранд. Аз он афроде ки аз даргохи адаб ба чомеа бо чунин агроз берун раванд, умеде нахохи дошт, чун эшон рисолат ва мартабати ин коргохи суханро ба бод бурдаанд, ки басо хайф бошад. Охир чаро ин нафар дарк намекунад, ки ин хамон хизби собик КПСС аст, не беш аз он.
Посух додан
  • Кулоби бача

  • 10 феврал 2015 22:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
786
Салом миллат, ман аз Абдулло Раҳнамо, масъули Маркази тадқиқоти стратегии... пурсиданиюм ин вазифаро ё масулиятро ту маъно мекарди?.
Вакте мо мегем сулх, яъне ду тараф дорад, чаро як тарафи сул кардаги доимо номаш хушному дурускор ва тарафи дигари номаш ношиносу аз ватан дур ва вазифаи имзо шудаи дар созишномаи сулх махрум кани адолат ва ростгуйи?
Хар шахрванд хакку хукуки хос дорад на як гурух ва як ду одам ва хешону табораш.
Посух додан
  • insof

  • 10 феврал 2015 23:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
barodaro islom piruz ast. bo h.n.i.t. be h.n.i.t. oyandai osiyoi miyona islom ast. INSHoAlloh.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом ба мардуми бохушу боварманд!
Товарищ КАбири! ИН ду бозмондагони Нуриро Шумо рамзи сулху вахдат мешуморед?!.МАрдумро содда мапиндоред.Назхатихо хечгох рамзу вахдат набуданд ва нахоханд шуд! Шумо ва хизбатон аз Дин суиистифода накунед! Каме имондору ростравон бошед.ВАссалом.
Посух додан
  • Ahmad

  • 11 феврал 2015 11:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Раҳнамо ва Раҳнамоҳои бозингар имруз дар атрофи ҳизби халқи димократи ҷамъ омаданд. Барои инхел инсонҳо пyл курси аз ҳама чиз болотар меистад. Кабири бошад фарзандони раҳмати Yстод Нyриро рамзи сyлҳ хонда мехоҳад онҳо вориди порлyмон гарданд. Агар фарзандони раҳматии Yстод Нyри бо истедод бо салоҳият мухлис ва самими бошанд пешбарии онҳо дуруст аст вале агар кор баракс бошад пешбарии онҳо ҳам барои он ки падарашон раҳбати низби наҳзат бyд нодуруст аст. Раҳбарон биоед фиреби мардyмро бас кyнедy ояндаи кишвар ва миллатро дар назар бигиред.
Посух додан
  • Муҳоҷир

  • 11 феврал 2015 14:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кабирӣ дар барномаи пешазинтихоботиаш пеш аз ҳама бояд ҳифзи арзишҳои исломиро, аз қабили иҷозаи сатрпӯшӣ ба талабаҳову донишҷудухтарони тоҷик, ба масҷид рафтани ноболиғон ва амсоли онро ваъда диҳад, хубтар мешуд. Ба суханони ин Абдуллои Раҳнамо бошад, умуман бояд бовар накунем, зеро ӯ 20 сол пеш "роҳнамо"-и мухолифин буд ва он замон низ бо ингуна суханпардозиҳои болохонадораш аз онҳо дифоъ мекард.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хамноми ман хеле мулоим шуда, "ба Хукумат хизмат мекунем" гуфтааст. вале бо кадом руй боз шарт гузоштааст, номаълум. Хизмат вазифаи чонию имонии шумо хам хаст, мухтарам вакил. Осудагии таъминнамудаи хамин Хукумат аст, ки мардум кор мекунад ва андоз месупорад ва беш аз шаш хазор сомонияшро шумо барои "хизматхо"-ятон нуши чон мекунед....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй бародаро, Ман худам дар он вохури будам. Ин кадар гапи вохима. .
Хамон Рахнамо ХХДТ-ро офтоб нагуфт-ку. Нагуфт, ки ин хизб офтоб аст. Гуфт, ки муаррифии чизе, ки рушан ва аён аст, бисёр кори осон аст. Масалан, кадимиён мегуфтанд, ки барои муаррифии офтоб захмати зиёде даркор нестай, чашм бошад, худат мебиниша . Барои дидани корхое, ки ХХДТ ва Президент дар ин кишвар кардааст, мехнати зиёде лозим нест. Вай осон будани маррифии ин хизбро кайд кард.
Вале ба хар хол баромади ин чавон аз баромади хамаи он ветеранхои сиёсат ва рохбарони хизбхо - Шабдолов, Зоиров, Кабири ва гайрахооо бисёр бехтар буд. Толор бисёр оли кабул кард. Мо лаззат бурдем. Бори аввал ХХДТ дар пеши одамон чунин бо касбияти баланд ва тахлили оли муаррифи шуд
Ин мухимм аст.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!