10 фев 2015 10:38Тоҷикистон / Иҷтимоӣ

Бахши нави сомонаи "Бе миёнаравҳо"-и Убайдуллоев фаъол шуд

Шаҳрдории Душанбе ба хотири саривақт баррасӣ ва ҳаллу фасл кардани шикояту мушкилоти сокинон ва меҳмонони пойтахти Тоҷикистон дар сомонаи “Бе миёнаравҳо”-и худ бахши наверо илова кард.

Ба иттилои дафтари матбуоти шаҳрдорӣ, дар торнамои www.bemiyonaravho.tj бахши наве бо номи “Ҳимояи ҳуқуқи истеъмолкунандагон” фаъол гардидааст. Манбаъ мегӯяд, сокинон ва меҳмонони пойтахт метавонанд арзу шикоят ва муроҷиатҳои хешро дар ҳолатҳое, ки ҳуқуқҳояшон ҳангоми хариду дастрасии мол, кору хизматрасонии муносиб ва босифат поймол мешаваду боиси зарар ва зиёни онҳо мегардад, ба шаҳрдорӣ дар ин бахши сомона иттилоъ дода, посухи дахлдор бигиранд.

Шаҳрдории Душанбе дар шарҳи ин иттилоияи худ аз сокинон афзудааст, аз маълумоти пешниҳодкардаи сокинон ва ташаббускорони аҳли ҷамоатчигии пойтахт барои пешгирӣ аз фурӯш ва дар муомила қарор доштани молу маҳсулот ва кору хизматрасоние, ки боиси зарар дидани истеъмолкунандагон мешавад, истиқбол намуда, пешопеш аз ҳамкорӣ ва ҳусни тафоҳум миннатдори худро баён мекунад.

Сомонаи “Бе миёнаравҳо” марбут ба шаҳрдории Душанбе аст, ки бо дастури Маҳмадсаид Убайдуллоев бо мақсади ҳалли фаврии мушкилоти сокинони пойтахт таҳия гардида, давоми 2 соли охир фаъолият дорад.

Мӯҳр

Хабарҳои монанд:

Рустам

Ба Раиси Мачлиси миллии Мачлиси Олии ЧТ, Раиси шахри Душанбе
мухтарам Убайдуллоев М.У.
Тахти рохбарии хирадмандонаи Шумо симои пойтахти Точикон руз аз руз ободу зебо мегардад. Шумо чун марди бофазилату кордону ободкор фахри давлату миллати мо хастед.
Мухтарам Раис! Дар мавзей теппахои шарки ё худ восточные холмы зиндагони мекунам. Мардуми мавзеъ аз беоби ва берохи танкиси мекашанд ва хама дар як фикр хастанд, ки мухтарам Раиси шахр аз ин мушкилоти мо хабар надоранд, вагарна ин мушкилот халли худро меёфт. Аз Шумо хохиш менамоем, ки дар халли ин мушкилот дасти кумак ба мо дароз кунед. Аз дастгириатон сипосгузорем. Сокинони мавзеи теппахои шаркии шахри Душанбе, нохияи Шохмансур....

Ҷавоб диҳед Иқтибос Шикоят

душанбе

Мухтарам Раиси шахри Душанбе.
илтимос, хамин мушкили шахрвандонро ро як ба тахти назорат гире. Масалаи маршруткаву автобусе ки дар шахр кор мекунанд. На ба кор ва на аз кор омадан, чун як шахрванд бисьер мушкил шуда истодааст. Ягон тартиби асри 21 нест. Дигар камбудихо охиста охиста мешавад.

Ҷавоб диҳед Иқтибос Шикоят

Эзоҳ илова кунед