05 фев 2015 15:47Тоҷикистон / Сиёсат / Тема дня

Оғози ҷалби тоҷикон ба хидмат дар Русия: 6 нафар танҳо аз Тюмен

Виталий Мудрук, сардори бахши ҷалби наваскарон ба хидмати ҳарбӣ дар вилояти Тюмен имрӯз, 5 феврал зимни як нишасти хабарӣ дар бораи таваҷҷуҳи зиёди шаҳрвандони Тоҷикистон ба хидмат дар сафи қувваҳои мусаллаҳи Русия суҳбат кардааст.

Ӯ таъкид кардааст, танҳо аз вилояти Тюмен дар соли гузашта 6 шаҳрванди Тоҷикистон тариқи шартнома ба хидмати ҳарбӣ дар Русия сафарбар шудаанд: “Аз аввали соли равон то ҳол ҳудуди 10-15 шаҳрванди дигари Тоҷикистон барои хидмати шарномавӣ муроҷиат кардаанд. Теъдоди шаҳрвандони украинӣ низ тақрибан ҳамин қадар аст. Аз Узбакистон 5 ва аз Қазоқистон ду нафар ба мо муроҷиат кардаанд.”

2 январи соли равон Владимир Путин, раисиҷумҳури Русия фармонеро содир кард, ки тибқи он хориҷиён имкон пайдо карданд, ба таври шартномавӣ дар артиши Русия хидмат кунанд. Дар ин фармон, ки торномаи расмии ҳуқуқии Русия нашр кард, омадааст, “ҳарбиёне, ки шаҳрвандони хориҷианд, имкон доранд дар вазъияти ҷангӣ ва муноқишаҳои ҳарбӣ, мутобиқ ба тартиби муқарраркардаи ҳуқуқи байналмилалӣ ва қонунҳои Русия, ба артиш ҷалб шаванд.”

Дар ин фармони Путин таъкид мешавад, ин муқаррарот ба шаҳрвандони хориҷие, ки дар пайгарди қонунӣ ва ё додгоҳ қарор доранд ва инчунин муҳлати адои ҷазояшон тамом нашудааст, дахл надорад.

Мӯҳр

Хабарҳои монанд:

Фирдавс

Додситон бояд рӯйхати ин шаҳвандонро тартиб дода. шаҳрвандии онҳоро бозгардонад, моликияти онҳоро тассаруф кунад. Ва ворид ба хоки ҶТ манъ кунад ва ба хок супоридани маъит онҳоро манъ кунад.

Ҷавоб диҳед Иқтибос Шикоят

456

Маблаги шартномаашон чанд рубль бошад?

Ҷавоб диҳед Иқтибос Шикоят

Коршинос

Ҳукумати Тоҷикистон бояд ин протсесро зери назорат дошта бошад. Оё Конститутсияи Тоҷикистон ба шаҳрвандон иҷозат медиҳад, ки дар сафи артиши кишвари бегона бошанд?
Онҳо маҷрӯҳ шаван, кии онҳоро нафақа медиҳад ва аз кадом роҳ? Ҳукумати Руссия то ҳол масъалаи пардохти нафақапулӣ ва пардохтҳои иҷтимоиро ҳал накардааст...

Ҷавоб диҳед Иқтибос Шикоят

Миллат

Точиконе, ки ба сафи артиши давлати бегона хизмат менамоянд, бояд тарики автомати аз шахрвандии Точикистон махрум шаванд. Артиш ин як асбоби сиёсист, ки ба нафъи давлати сохиби ин артиш хизмат менамояд ва дар холати чанги бо ин давлат метавонад фишоре ба мо оварад. Ин дар холест, ки шахрвандони мо бо худи мо метавонанд чанг бикунанд. Инро бояд конунбарори охистаи мо алакай дарк мекард!

Ҷавоб диҳед Иқтибос Шикоят

Фроситочик

Мухтарам Чаноби Оли Ягон Конуни Навкабул Кнен дар Бораи Шахрвадон ки Дар Расияа Хастан .Хизмати Харбикнан дар Расияа Чиноят Елоншон кнен.Аксарияти Милати Мо Бесавод Хаст Расия Истифодашон Мебаран Украинада Мекшаншон

Ҷавоб диҳед Иқтибос Шикоят

Миллат

Бародар, хамин шахрвандии Точикистон ба ки лозим аст? Ин мардакхо аз ночори тарки ватан кардаанд. Хукумати Точикистон дар фикри онхо нест. Бигзор бо кадом рохе ки набошад, зиндагиашонро пеш баранд. Шахрвандии Точикистон гупта бо шиками гурусна гарнданд?

Ҷавоб диҳед Иқтибос Шикоят

Фроситочик,

Дар хамон Украина рафта мури бехтар аз он аст, ки дар Точикистон бекору хору залил боши.

Ҷавоб диҳед Иқтибос Шикоят

хуб

ин икдоми хуб аст, чунки писарон мехоханд зиндагии хуб дошта бошанд ва оилаашонро хуронда фарзандонашонро дар мактабхои хуб хононанд. аз ин ру ин рохро интихоб кардаанд, мутаассифона дар кишвари мо касе ки сумдор аст вале магзи сараш пуч бо сумаш аттестатро харида метавонад муаллимон барои сум бесаводро бахои аъло мегузоранд бо чунин кадрхо ин кишвар обод намешавад.

Ҷавоб диҳед Иқтибос Шикоят

pom

Чӣ кор дорӣ ба онҳо? Ту кистӣ ки дафни майити як бандаи муъминро манъ мекунӣ? Дар кадом асос? Фариштаи покӣ? Беҳтараш, дафни фанатикҳоеро манъ кардан лозим аст, ки дар мамлакатҳои араб зархарид шудаанд ва боз ба миллати худ рӯирост таҳдид мекунанд, бо амри куффор мӯъминонро мекушанд.
Ҳеҷ кас ҳақ надорад дафну ҷанозаи бандаи муъминро манъ кунад, як бандаи муъминро кофир ҳукм кунад, агар он банда ба яккаву ягонагии худованд ширк наорад, ба малоикаҳои ӯ, ба паёмбарони ӯ, китобҳои ӯ, рӯзи қиёмат, дар дасти аллоҳ будани тақдир шак наорад. Кулли аъмоли дигар дар рӯзи ҷазо қазоват карда мешаванд. Имрӯзҳо ингуна мушрикон зиёд шудаанд, ки аз пеши дасти худ ҳар касеро хоҳанд кофир ҳукм мекунанд. Аз худованд тарсед.

Ҷавоб диҳед Иқтибос Шикоят

Эзоҳ илова кунед