03 фев 2015 11:03Тоҷикистон / Иҷтимоӣ

Ибни Сино: Ёрии таъҷилӣ 24 соат ва бе истироҳат фаъолият мекунад

90 дарсади маризони бемористони Ибни Сино аз хидмати бахши Ёрии таъҷилӣ истифода мебаранд. Дар ин бора аз бемористони мазкур хабар доданд.

Ба иттилои манбаъ, бештар беморони сармохӯрдагӣ, фишорбаландӣ, нафарони маҷрӯҳ ва шахсоне, ки таби баланд доранд ё аз ғизо заҳролуд шудаанд, дар муддати то 6 соат дар Ёрии таъҷилӣ ташхису табобат гирифта, мувофиқи тасмими пизишк ба бахшҳо мунтақил ва ё мураххас мешаванд.

“Бахши Ёрии таъҷилӣ 24 соат дар рӯз бидуни истироҳат фаъолият карда, доим бо пизишкони навбатдор ва кормандони таълимдида таъмин мебошад. Инчунин мошини Ёрии таъҷилӣ низ аз ҷузъҳои бахши Ёрии таъҷилӣ буда, барои расонидани маризони вазнин омодааст. Худи мошин ҳам бо таҷҳизоти ҳаётнигоҳдоранда муҷаҳҳаз буда, ба иборае беморхонаи сайёр мебошад”,-меафзояд сарчашмаи хабар.

Манбаъ мегӯяд, бахши Ёрии таъҷилӣ аз дорувориҳое, ки худи бемористон ворид мекунад ва василаҳои масрафии якмасрафа таъмин аст, ки кафолати пешгирӣ аз сироят ва таъмини сифати баланди табобатро медиҳанд: “Инчунин озмоишгоҳи замонавии муҷаҳҳаз ва дастгоҳҳои рентгену томограф аз хадамоте мебошанд, ки пизишки Ёрии таъҷилӣ фаровон аз онҳо истифода мекунад”.

Мӯҳр

Хабарҳои монанд:

Барзу

Чаро нанавиштед, ки барои даъвати ёрии таъчилии тиббии "точики" чанд сомони мегиранд?)))))

Ҷавоб диҳед Иқтибос Шикоят

Доктор

"Точики" чи маъни дорад? Ерии тибби хама чои дуньё як аст. Маълум, ки назарат ба точик ва точики аз пасти сарчашма мегирад. Бозгуи холи худат хасти! Барза...!

Ҷавоб диҳед Иқтибос Шикоят

Рузноманигор

Барзу, агар мехохи хизмати арзони бесифату сирояткунандаи тибби дастрас куни бирав ба дигар бемористонхо, о туро мачбур накарданд, ки ба Ибни Сино рави. Агар киммат хам бошад, он чо хади акал сирояти намешавию табобати хуб мегири.

Ҷавоб диҳед Иқтибос Шикоят

Эзоҳ илова кунед