Тоҷикон дар куштори Толмачев муттаҳам мешаванд

Вазорати умури дохилӣ дар якҷоягӣ бо Хадамоти федеролии амнияти Русия аз боздошти муттаҳамон дар куштори Олег Толмачев, сардори хадамоти нозирони минтақавии ШКД-и ноҳияи Ново-Пределкино хабар доданд.
Ба иттилои мақомоти рус дар куштори Толмачев, ки 3-юми июни соли 2014 дар ғарби Маскав 10 тир хӯрдааст, шаҳрвандони Тоҷикистон муттаҳам мешаванд.
Яке аз муттаҳамон дар ин куштор Қодиров арзёбӣ мешавад, ки моҳи ноябри соли гузашта дар доираи амалиёт алйҳи “Бандаи ГТА” боздошт шуда буд: “Ду дастандаркори дигари ин куштор бо дархости мақомоти рус дар Тоҷикистон боздошт шудаанд. Боздоштшудагон Каримов ва Ғуломов, шаҳрвандони Тоҷикистон мебошанд.”
Олег Толмачев, бегоҳи 3-юми июн зимни бозгашташ аз хонаи маъшуқа ба хонаи худ бо 10 тир кушта шуда буд. Қотилон аз ҷои ҳодиса бо ду мошин фирор кардаанд ва қаблан мақомоти Русия соҳибони ин ду мошин, сокинони Калуга ва Тамбовро ба иттиҳоми ин куштор дар пайгарди қонунӣ эълон карда буданд.
Аммо феълан куштори ин маъмури пулис низ ба дӯши афроде вогузошта шудааст, ки дар узвият ба “Бандаи ГТА” муттаҳам мешаванд. Абдумуқим Мамадҷонов, яке аз шаҳрванди Тоҷикистон аст, ки моҳи ноябри соли гузашта ба иттиҳоми узвият дар ин гуруҳ боздошт шуда буд. Ин гуруҳ дар қасди амалҳои террористӣ ва дастикам 14 куштор дар шоҳроҳи “Дон” муттаҳам мешуданд. Мақомоти рус эълон карда буданд, ки аксари аъзои ин гурӯҳ зодагони Тоҷикистону Узбакистон ва Қирғизистон буда, роҳбари аслии он ба Тоҷикистон фирор кардааст.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |