ВИДЕО: Зуҳуров: Табобатро давлат бояд ба уҳда гирад!
Шукурҷон Зуҳуров, раиси Маҷлиси намояндагон рӯзи 28 январ гуфт, ҳоло дар Тоҷикистон зиёда аз 350 ҳазор шахс нафақахур мебошад, ки нафақаи онҳо хеле паст ва бо сабади истеъмолӣ баробар нест.
Ин ҳам дар ҳолест, ки ба гуфтаи ӯ, баъзе аз сокинон бо пули нафақа зиндагӣ доранд: “Онҳое то соли 1994 ба нафақа баромадаанд ҳоло 200 сомонӣ нафақапулӣ мегиранд, ки онҳо ҳама муйсафеданд. Инҳо нафароне мебошанд, ки ба 600 ё 800 сомонӣ барои харидани доруву нигоҳубини саломатӣ ниёз доранд.”
Раиси Маҷлиси намояндагон низ аз масъулини Вазорати тандурустӣ ва ҳифзи иҷтимоии аҳолии кишвар талаб кард, ба нафақагирони маъюб бештар диққат диҳанд ва дар фикри ба роҳ мондани табобати ройгони онҳо аз ҷониби давлат бошанд: “Нафақаи онҳо мутаассифона кам аст ва бояд онҳо аз дигар имтиёзҳо истифода баранд, аз қабили табобати ройгон. Вақте табобат ройгон бошад, албатта пул кам сарф мешаваду пули нафақаи гирифтаашро ба хурду хурок харҷ мекунад. Ин бисёр ҷиддӣ гирифта шавад. Табобатро давлат бояд баруҳда гирад.”
Инчунин Шоди Шабдолов, раиси Ҳизби коммунистии Тоҷикистон ва намояндаи ин ҳизб дар парлумон низ ба ин баҳс шомил шуда, гуфт ҳаҷми нафақапулӣ хеле поин аст: “Ин нафақае, ки ҳоло онҳо мегиранд, рафта як бор дар дорухона пурсед, ду се таблетка мешавад, ҳоло хурдану зистан як тараф истад.”
Ин талаби Зуҳуров дар бораи баланд бурдани ҳаҷми нафақа замонест, ки раисҷумҳури кишвар – Эмомалӣ Раҳмон дар паёми ахири худ ба парлумон гуфт, аз моҳи сентябри соли равон ҳаҷми маош ва нафақапулӣ боло бурда хоҳад шуд.
Ба иттилои расмӣ ба ҳолати 1 октябри соли 2014 дар Тоҷикистон 618 ҳазору 915 нафар нафақахур ба қайд гирифта шуда, андозаи миёнаи нафақаи онҳо 230 сомониро ташкил медиҳад. Аз ин нишондод 163 ҳазору 707 нафар маъюбон мебошанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
