27 янв 2015 12:13Тоҷикистон / Иқтисодӣ

ВИДЕО: “Корхонаи Кока-кола то 15 миллион сомонӣ ба буҷа фоида меорад”

Қодири Қосим, раиси Кумитаи давлатии сармоягузории Тоҷикистон аснои нишасти хабарии ниҳодаш дар шаҳри Душанбе гуфт, корхонаи истеҳсоли Кока-кола дар пойтахти кишвар охирҳои соли 2015 ба истифода дода мешавад.

Ӯ мегӯяд, корхонаи мазкур дар мавзеи мавсум ба Политехникуми шаҳри Душанбе дар ҷои собиқ заводи арматура бунёд хоҳад шуд. Оқои Қосим афзуд, сохтмони корхона дар ду марҳила ҷараён мегирад: “Марҳилаи аввал бо ҷалби 20 миллион доллар ва марҳилаи дуюм бо ҷалби 30 миллион доллар анҷом шуда, дар марҳилаи аввал 200 ҷои корӣ ва дар марҳилаи дуюм ташкил шудани то 500 ҷои корӣ дар назар аст”.

ВИДЕО ИНҶОСТ

Раиси Кумитаи давлатии сармоягузорӣ гуфт, ин корхона метавонад дар давоми фаъолияти худ ба буҷаи кишвар то 15 миллион сомонӣ фоида биёрад: “Истеҳсоли солонаи он 5 миллион литр нушокии ғайриспиртӣ мебошад”.

Ба қавли Қодири Қосим бунёди корхонаи Кока-кола, ки яке аз брендҳои машҳури ҷаҳон аст, обрӯву нуфузи Тоҷикистонро барои ҷалби сармоя бештар хоҳад кард.

Мӯҳр

Хабарҳои монанд:

Бобо

Кока-кола дар чои заводи арматурбарори о ба чои ин оби намедонам бе мазза хамон завода намесозед, ки кор пеш равад.

Ҷавоб диҳед Иқтибос Шикоят

Истиклол

Чавоб ба Бобо, хамон агар заводи коларо созан хаминашба шукр гуфтан даркор.
1.Аз обхои арзони бемазаи сапал халос мешем.
2.Чавонони бекор бо чойхои кор таъмин мешаванд
3.Байни РС-кола ва Кока-кола ракобат рух медихад, ки дар инчо мизочон бурд мекунад, яъне, ки обхои нушока арзон мешаванд.

Ҷавоб диҳед Иқтибос Шикоят

Тошмахмад

Зиндагиро магар танхо бо оби кока кола гузаронидан мумкин аст. обхои истехсоли худамон бехтаринанд.Мисол Оби Зулол

Ҷавоб диҳед Иқтибос Шикоят

Истиклол

Чавоб ба Тошмахмад, вакте, ки Обро харидори кардед як чор тарафашро хонед баъд гап занед. Хамон Оби зулол хам бренди хоричи мебошад, ки штаб квартираш дар Амрико мебошад.

Ҷавоб диҳед Иқтибос Шикоят

адл

КОКА КОЛА захри котил барои саломати

Ҷавоб диҳед Иқтибос Шикоят

Эзоҳ илова кунед