27 янв 2015 10:24Тоҷикистон / Иқтисодӣ / Дидгоҳи хос

(САДО) Раҳматзода дар бораи лағви барвақтии "лимит" ва омори "дурӯғ" ба Президент

Рустам Раҳматзода, раиси “Барқи тоҷик” мегӯяд, изҳороти Эмомалӣ Раҳмон, раисиҷумҳури Тоҷикистон дар бораи таъминоти 12-соатаи аҳолии деҳоти кишвар бо барқ воқеӣ мебошад.

“Озодагон” дар пасманзари шикояти сокинони навоҳии Тоҷикистон, ки мегӯянд, дар як шабонарӯз аз 7 то 10 соат барқ мегиранд, аз раиси “Барқи тоҷик” суол кард, ба раисиҷумҳури Тоҷикистон дар бораи 12 соат таъмин будани аҳолии кишвар бо барқ, кӣ иттилоъ пешниҳод кардааст?

Раҳматзода изҳор дошт, ин иттилоъро “Барқи тоҷик” пешниҳод кардааст ва он дурӯғ нест: “Мо ба Президент дар мавриди он, ки мардум 12 соат барқ мегиранд, иттилои дуруст пешниҳод кардем. Қаблан воқеан камбудиҳо буданд ва бархе навоҳӣ камтар аз 12 соат барқ мегирафтанд. Ҳозир онро ислоҳ кардаем. Бовар накунед, равед дар деҳот бинед, ки мардум аз 12 соат кам барқ намегиранд.”

Масъулини “Барқи тоҷик” аз сокинон даъват намуданд, дар сурати риоя нашудани меъёри 12-соата ба телефони боварии ин ширкат занг зананд ва ин камбудӣ фавран ислоҳ хоҳад шуд. Раиси "Барқи тоҷик" инчунин ваъда дод, ки имсол лимитро нисбат ба соли пешӣ барвақттар лағв мекунанд, чун сатҳи оби дарё ва захираҳо нисбатан зиёд мебошад. Ӯ таъкид кард, ки агар обуҳаво мусоид ояд, маҳдудияти барқро аввали моҳи март лағв хоҳанд кард.

Ин дар ҳолест, ки Эмомалӣ Раҳмон, раисиҷумҳури Тоҷикистон, рӯзи 23-юми январ дар паёми солонааш ба парлумон норасоии барқро мушкили рақами 1-и кишвар арзёбӣ намуд. Ӯ бо зикри талошҳои ҳукумат барои таъмини мардум бо барқ изҳор дошт, сатҳи таъминот бо барқ беҳтар шудааст: “Таъминот бо барқ каме ҳам бошад, беҳтар шудааст. Агар 10 соли пеш аз 2 то 4 соат барқ мегирифтанд, ҳозир мардум беш аз 12 соат барқ мегирад. Инчунин тамоми корхонаҳои истеҳсолӣ ва марказҳои маъмурӣ бо барқ таъминанд.”

Ин таъкидот дар ҳолест, ки бисёри сокинони навоҳии кишвар ба “Озодагон” иттилоъ доданд, ки ҳанӯз ҳам дар як шабонарӯз, камтар аз 10 соат барқ мегиранд.

Мӯҳр

Хабарҳои монанд:

торик

12 соат дуруг мегуяд.Дар чамоати Кирови н.Вахш чор соат сахар ва чор соат бегох барк медиханду халос!як чахон ташаккур.

Ҷавоб диҳед Иқтибос Шикоят

сокини торикистон

дар деҳоти ноҳияи панҷакент ҳам 8 соат дар шабонаруз медиҳанд. Ин иддаои раиси барқи тоҷик дуруг аст.

Ҷавоб диҳед Иқтибос Шикоят

Didor

Парво накунед пеш аз интихобот свет хатман мешавад.Шумо овозхоятонро аз хама мухимаш ба ХХДТ дихед свет мешавад.

Ҷавоб диҳед Иқтибос Шикоят

Доно

Дар нохияи Абдурахмони Чоми низ дехот аз 8 соат зиёд баркро намебинад. Ба ки бовар кунем?

Ҷавоб диҳед Иқтибос Шикоят

Сухроб

Раиси барки точик аз поколенияи дуругуйхое будааст, ки ошкоро дуруг мегуяд, Наход у чунин фикр кунад, ки замон замони дуругу качкорист, вокеан хам нагло дуруг гуфт

Ҷавоб диҳед Иқтибос Шикоят

Коля

Доно,
Ба ҳхдт овоз медиҳӣ ё ба дигар, аздусар ҲХДТ "пируз" мегардад, албатта агар дунё ба охир нарасад. Комилан бовар дорам.

Ҷавоб диҳед Иқтибос Шикоят

душанбе

хамин раисои хозиразамон ба фикрум дар хакикат ягон информатсияи реали надоран. як руз эшмат чи гуя хамун аст, дувум руз тошмат чи гуя хамура боз гап мезана. нест ягон гапи росту факти далел.

Ҷавоб диҳед Иқтибос Шикоят

sarob

ин раис аз бебаркии кулл дар панчакенту айни бехабар аст??

Ҷавоб диҳед Иқтибос Шикоят

ораш

инхо дехот гуфта факат дангарара дар назар доранд

Ҷавоб диҳед Иқтибос Шикоят

Эзоҳ илова кунед