23 янв 2015 11:48Тоҷикистон / Иҷтимоӣ / Тема дня

“Коре кунед, ки Президент дар хориҷ нею дар дохил табобат гирад”

Эмомалӣ Раҳмон, раисиҷумҳури Тоҷикистон дар паёми солонааш ба парлумон рушди соҳаи тандурустии кишварро зарур хонд.

Раисиҷумуҳури Тоҷикистон изҳор дошт, ки дар соҳаи тандурустӣ корҳо бояд тавре роҳандозӣ шаванд, ки президент, вазири тандурустӣ ва вакилон ба хориҷа нараванду дар дохил табобат гиранд.

Раисиҷумҳури Тоҷикистон инчунин ташхиси тиббиро барои издивоҷкунандагон муҳим хонд: “Ҳаматарафа ташхиси тиббии издивоҷкунандагон ва никоҳ миёни хешовандон омӯхта шаваду аз он ҷилавгирӣ гардад. Мо ҳама барои ҷавонон хушбахтӣ мехоҳем.”

Ӯ гуфт, хушбахтӣ дар хонаводаҳое, ки маъюбанд, аз нигоҳи руҳӣ равонӣ мушкил аст: “29-уми декабр аз як муассиса дар Варзоб боздид кардам. Як писарчаи 10-сола, ки аз пой маҳрум буд, ба ман гуфт, бобоҷон ман гӯши шумо як гап мегӯям. Хам шудам ва ӯ ба гӯшам гуфт, бобоҷон шабҳо пойҳоям дард мекунанд, маро ба ҷойе равона кунед, ки табобат гирам. Ман чӣ кор кунам? Чунин ҳолатҳо садҳо ва ҳазорҳо шудаанд. Ин мушкили ҷиддӣ аст.”

Раисиҷумҳур гуфт, вақте хонадоршавии хешовандон зиёд мешавад, хатари аз байн рафтани миллат ба вуҷуд меояд. Ӯ сафараш ба кишвари арабро мисол оварда, илова намуд, “он мардум барои зиёд кардани миллат ва солимӣ идивоҷ бо хориҷиёнро иҷозат доданд. Шумораашонро аз 100 ҳазор то 1,5 миллион нафар расонданд.”

Эмомалӣ Раҳмон гуфт, ягон ҷои шарму изо нест ва волидон бояд ба духтарону писаронашон фаҳмонанд, ки чӣ кор дуруст асту чӣ не. Ӯ пешниҳод намуд, ки соли 2015 дар кишвар Соли Оила эълон карда шавад.

Мӯҳр

Хабарҳои монанд:

Жозефина

Дуруст. Вакти он расидааст, ки ба хонадоршавии байни фарзандони амаку, амма ва хола хотима гузошт. Нафакат аз лихози Анатоми - Биологи хуб нест, балки ин боиси ташаккул ва рушд накардани миллат мегардад.Агар ин одат аз байн бардошта шавад,кавмгарохи ва махаллбозиро аз байн мебарад ва миллати ба маънои томашро руи хасти меорад.

Ҷавоб диҳед Иқтибос Шикоят

Халил

Тамоми шароитро Хукумати мамлакат барои олимону донишчуён фарохам кардааст, бикушед натанхои сохаи тандурусти балки тамоми сохахои кишвари мо рушд кунад, то мо ба дигар кишвархо ва ба технологияю медитсинаи онхо ниёзманд бошем. Хатто аз бучаи давлат ба дигар кишвархо бахри тахсил мефиристонанд хоенд олим шавед, кашф кунед, сазовор ба он гамхории сарвари давлат шавед.. рахмат озодагон шумохам ин икдомхои Чаноби Олиро пазирои кунед

Президенти кишвар хамеша барои пешравиву ободии кишвар акидахои начибонаро ироа медорад. Ин яке аз он пешниходест, ки табобат дар дохили чумхури хам ба нафъи иктисодиёти кишвар асту хам боварии мардум ба сохаи тибби чумхури меафзояд.

Ҷавоб диҳед Иқтибос Шикоят

Лукин шароит нест ку хизматрасонии паст боз пули зиед мегиранлд як узии як орган аз 10 то 20 с ойлук 250 с казоват кунен худ

Ҷавоб диҳед Иқтибос Шикоят

Эзоҳ илова кунед