Кабирӣ роҳпаймоии Грознийро зиндашавии уммати исломӣ гуфтааст
Маҳмудҷон Файзраҳмонов, сухангӯи ҲНИТ дар суҳбат бо “Озодагон” гуфт, дидори Кабирӣ бо Абдурраҳмонов дар ҳошияи роҳпаймоии дастаҷамъӣ ба ҷонибдорӣ аз Муҳаммад (с) рӯзи 20 январ дар шаҳри Грозний баргузор шуд. Ба гуфтаи ӯ, раиси парлумони Чеченистон аз иштироки вакили Тоҷикистон дар роҳпаймоӣ ба ҷонибдорӣ аз паёмбари Ислом (с) истиқбол карда, барои қабули даъват ва ташриф овардан ба шаҳри Грозний миннатдорӣ баён кардааст. Раиси ҲНИТ низ дар навбати худ аз ин иқдоми Рамзан Қодиров, раисҷумҳури Чеченистон дар пайи маъракаҳои ахири зиддиисломии Ғарб истиқбол карда, ин роҳпаймоиро ҷавоби қатӣ ба исломситезон донистааст: “Ин чорабинӣ на танҳо як роҳпаймоии мусолиматомез алайҳи сӯистифода аз арзишҳои динӣ буд, балки оғози эҳё ва зиндашавии уммати исломӣ ва гоми муҳиме дар таҳкими сулҳи ҷаҳонӣ аст.”
Дар ҳамин ҳол дафтари матбуотии парлумони Чеченистон низ аз иштироки Муҳиддин Кабирӣ дар ҷаласаи кории яке аз кумитаҳои ин ниҳод хабар додааст. Ба иттилои манбаъ, раиси ҲНИТ рӯзи 20 январ дар ҷаласаи Кумита оид ба робитаҳои байналмилалӣ ва байнипарлумонии парлумони Чеченистон бо ҳузури аъзои ин кумита - Сайд Ҳамзат Ҷамалуллайл, Ҳусейн Яхиханов, Магомед Алҳазуров, Амруддин Мирзаев ва Мансур Абубакаров иштирок кардааст.
Дар ин ҷаласа, ки таҳти раҳбарии Ҷамбулат Умаров, раиси кумитаи мазкур баргузор шуд, дурнамои ҳамкориҳои ниҳоди қонунгузории ду кишвар ва масоили марбут ба барномаҳои зиддиисломии баъзе аз кишварҳои Ғарб баррасӣ шудаанд. Умаров низ аз ташрифи ин вакили парлумони Тоҷикистон ба Чеченистон ба хотири иштирок дар роҳпаймоӣ ба ҷонибдорӣ аз Муҳаммад (с) қадрдонӣ карда, онро нишона ва амали як мусалмони воқеӣ донистааст.
Дафтари матбуотии парлумони Чеченистон менависад, Муҳиддин Кабирӣ дар ин ҷаласа суханронӣ карда, вазифаи асосии мусалмонон дар шароити феълиро нигаҳ доштани сулҳу оромӣ ва тазкими ваҳдат хондааст: “Пас аз ҳодисаи Фаронса, мо куштори журналистонро шадидан маҳкум кардем. Дар кишварҳои мутамаддин набояд эҳсосоти динии мусалмонон, масеҳиён ва ғайра таҳқир шавад ва бояд нисбати арзишҳои умумӣ ва инсонҳо таҳаммулпазир бошанд.”
Раиси ҲНИТ рӯзи 18 январи соли равон ба хотири иштирок дар роҳпаймоии дастаҷамъӣ дар Чеченистон ба ҷонибдорӣ аз Муҳаммад (с) озими шаҳри Грозний шуд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
