21 янв 2015 09:53Тоҷикистон / Сиёсат / Рӯ ба рӯ / Тема дня

Посухи КМИР ба "кибр"-и Сайфуллозода ва "таҳқир"-и Воҳидова

Комиссияи Марказии интихобот ва раъйпурсии Тоҷикистон ба изҳороти Файзиниссо Воҳидова, ҳуқуқшиноси тоҷик ва Ҳикматулло Сайфуллозода, номзад аз Ҳизби наҳзати исломии Тоҷикистон дар бораи санҷиши забондонии номзадҳо ба парлумон, посух гуфтааст.

Ба иттилои КМИР Файзинисо Воҳидова дар расонаҳо парлумони кишварро ниҳоди шахшуда ва санҷиши донистани забони давлатиро таҳқир ҳисобидааст: “Файзинисо Воҳидова қайд кардааст, ки “ҷорӣ шудани санҷиши донистани забони давлатӣ барои номзадҳо ба вакилӣ дар парлумон таҳқири намояндагони мардумӣ аст, ки дар Тоҷикистон кору зиндагӣ мекунанд”.

КМИР мегӯяд, бо ин ақида розӣ нест ва санҷиши забондонии номзадҳо талаботи қонунгузорӣ ва меъёри маъмулӣ дар таҷрибаи ҷаҳонӣ мебошад: “Шумо ҳуқуқшинос ҳастед ва аз қонунҳои кишвар хуб бохабаред. Мувофиқи талаботи Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ҳар як шаҳрванди Ҷумҳурии Тоҷикистон вазифадор аст забони давлатиро донад ва коргузории мақомоти ҳокимияти қонунгузор, иҷроия ва судӣ дар Ҷумҳурии Тоҷикистон ба забони давлатӣ сурат мегирад. Чаро ин меъёрҳои қонунро нодида мегиред ва оид ба ин масъала мардумро ба иштибоҳ мебаред. Шахсе, ки забони давлатиро намедонад чӣ гуна қонун таҳия мекунад? Илова бар ин, санҷидани сатҳи забони давлатиро донистани номзадҳо на танҳо дар Ҷумҳурии Тоҷикистон, балки дар аксарияти давлатҳои ҷаҳон мавҷуд аст.”

Инчунин Комиссияи марказии интихобот ва раъйпурсӣ кибру ғурури нозарури Ҳикматулло Сайфуллозода, номзад аз ҲНИТ-ро бемаврид хондааст. Сайфуллозода дар мавриди санҷиши номзадҳо гуфтааст, «он чи, ки ман медонам, худи имтиҳонгирандагон намедонанд. Аммо бо вуҷуди ин аз мо талаб карданд, ки тарҷумаи ҳолро супорем. Баъдан ҳайати комиссия ин навиштаи маро таҳсин хонданд. Ростӣ, намедонам, ки ҳадаф аз супоридани имтиҳон чӣ буд».

Дар мавриди ҳадафи санҷиши номзадҳо КМИР такроран овардааст, ки ин талаботи қонун аст ва бе донистани забони давлатӣ вакили парлумон наметавонад дар таҳияи қонунҳо саҳми назаррас гузорад.

Мӯҳр

Хабарҳои монанд:

Сухан

Рости гап, хастанд нафароне, ки дар парлумон ва хукумат кор мекунанд, забони точикиро хуб намедонанд ва дигар забонхоро хам хеле чала медонанд.

Ҷавоб диҳед Иқтибос Шикоят

Точик

Апаи Файзинисо, дар парлумони Точико Вакили мардуми бо забони Точики фикру акида ва Ал- ваъдау дайнора, ки ба халки Точик додааст, изхор карда тавонад.

Ҷавоб диҳед Иқтибос Шикоят

Корбар

Маро як чиз озурда мекунад, ки дар аксар вазорату идорахои калидии кишвар забони муоширати кормандон ин забони руси шудааст. Чаро мо бо забони модарии худ сухбат карданро айб медонем ? Кумитаи забон бояд ин масъаларо зери наазорати худ гирад.

Ҷавоб диҳед Иқтибос Шикоят

Барзу

Мухтарам раис ва аъзоёни КМИР!. Дар ягон меъёри конунгузории Точикистон талабот нисбати имтихонсупори барои муайян кардани сатхи забондонии номзадхо ба вакили пешбини нашудааст. Пас, дуруст аст, ки шумо на факат меъёри конунро нодуруст маънидод карда, онро мохиятан тахриф сохтед, балки бо ин амалхои худ аз доираи салохият баромадед.... Дар давлати хукукбунёд, агар вокеан чунин мебуд, ин факт аллакай бахои хукуки меёфт. Лекин, хайхот, назорату контроли КОНУН дар Точикистон, мутаасифона, хануз хеле фалач аст...

Ҷавоб диҳед Иқтибос Шикоят

Эзоҳ илова кунед