19 янв 2015 09:57Тоҷикистон / Дидгоҳи хос

Се назар: Ба гармшавии муносиботи Тошканду Душанбе бовар доред?

Мақомоти Тоҷикистон ба сафири Узбакистон пешниҳод кардааст, маҳдудияти виза байни Тошанду Душанбе бекор шавад. Дар зимн “Озодагон” аз коршиносон пурсид: Ба гармшавии муносиботи Тошканду Душанбе бовар доред?

Набӣ Юсупов, журналист

Тоҷикистон ва Узбакистон ду кишвари бародар дар тули таърих аст. То пайдоиши Шуравӣ ҳеч марзе миёни ин мардум вуҷуд надошт. Маҳз дар замони Шӯравӣ ин марзҳо ба таври қолабӣ ва маъмурӣ миёни ин кишварҳо ва субъектҳои хоҷагидорӣ муайян шуданд, на миёни мардум. Ба ин хотир бовари дустӣ ва муносибатҳои ҳамсоядорӣ бояд вуҷуд дошта бошад. Танишҳои лафзӣ ҳамавақт вуҷуд дошт ва дорад. Талош бояд кард, ки ин танишҳо ба низоъҳои байни давлатӣ табдил нашавад. Хусусан ман бовар дорам ва мехоҳам, ки мо дар як фазои дӯстӣ ва ҳамдигарфаҳмӣ на танҳо бо Узбакистон, балки бо тамоми ҳамсояҳо зиндагӣ кунем.

Мустафо Берандӣ, коршиноси масоили сиёсӣ

Агарчанде дар чанд соли ахир муносибат байни кишвари мо ва Узбакистон бо сабаби омилҳои ба ҳама маълум сард буд, ман ин иқдоми Тоҷикистонро қобили таҳсин мешуморам. Ман ҳамеша хушбин ҳастам. Ду кишвари ҳамсоя бояд равобити хубу ҳасана дошта бошанд, ки пеш аз ҳама ба манфиати мардуми ҳар ду кишвар хоҳад буд. Кашидани симхору сохтани девори сангин байни марзҳои ду кишвар ба суди касе нахоҳад буд. Дар ин замина таҷрибаи кишварҳои аврупоӣ қобили омўзиш аст ва умед дорам, ки дар оянда тамоми он монеҳое, ки садди муносиботи дустонаи ду кишвари дусту ҳамсоя мегарданд, бардошта хоҳанд шуд ва рафъи виза ва аз сар гирифтани парвозҳоро ин фоли нек дар равобити Тоҷикистону Узбакистон медонам.

Улфатхоним Мамадшоева, фаъоли сиёсӣ

Мо доим нисбати якдигар шикоят дорем. Баъзан дар мавриди сарҳад, гоҳе дар мавриди об ва гохе дар бораи якравии раҳбаронамон. Агарчанд мо аз давраҳои қадим бо Узбекистон муносибатҳои хуби ҳамсоягӣ доштем ва бояд бо ин далел мо чунин муносибатро нигоҳ дорем, зеро дар Тоҷикистон шумораи зиёди узбекҳо ва дар Узбекистон шумораи зиёди Тоҷикон зиндагӣ мекунанд. Мутаасифона, дар ин масъала якравии ҳар ду ҷониб гоҳо монеа мешавад.

Мӯҳр

Хабарҳои монанд:

Назаршох

Вобаста ба ваъзи кунунии дунёи муосир, амбитсияхоро сарфи назар карда, муносибатхои хамсоягиро бояд хуб кард. Ягон хамсояи мо дар халли мушкилихо ва хатархое, ки ИСТИКЛОЛИЯТХОИ моро тахдид мекунад, дар танхои баромада наметавонанд.

Ҷавоб диҳед Иқтибос Шикоят

Мухаббат

Албатта бовари дорам.Бояд муносибатхо дустона бошад ва хамдигарфахми бшад. Бисьери чизхо аз рохбаро вобаста.Ба кадамхои аввалин-офарин мегуям.Рахмат ба Президентамон!

Ҷавоб диҳед Иқтибос Шикоят

Аз он ки мо бо узбекон дар муносбати хуб нестем ин ба зарари мо точикон аст чунки раву омад ки нашавад точикони ончо аз мо чудо шуда забони точикиро фаромуш мекунанд.Хирадманд накушад ба чанг гуфтаанд гузаштагон бояд ки дустиро баркарор намуд хатман.

Ҷавоб диҳед Иқтибос Шикоят

Коршинос

Хуб аст, ҳамсоягӣ ҳаққи Худо гуфтаанд. Лекин бояд минбаъд зиракиро аз даст надиҳем, алалхусус ҳукуматдорон. Сабаби фавран ба хуб намудани муносибатҳо пардохтани сарварони ҳарду кишвари ҳамсоя, ин таҳдиди буҳрони иқтисодӣ ва зиёд шудани хатари ҳамлаи муҷоҳидон ба Осиёи Марказӣ мебошад.

Ҷавоб диҳед Иқтибос Шикоят

номалум

ОЗОДАГОН шумо кадом вакте, ки калимаи Узбакистинро бо Узбекистон ислох кардед дар хамон вакт муносибатхо хуб мешавад. Озодагон дар хакикат озода бошед суханони маро чоп мекунед.

Ҷавоб диҳед Иқтибос Шикоят

Энсиклопедист

Озодагон, Ислохаш накун. Бигузор аввал онхо Тожика ба ТОЧИК дуруст гуфтану навистанаша ёд гиранд. Баъд фикр мекунем.

Ҷавоб диҳед Иқтибос Шикоят

Мухочир

Дусти бо хамсоя ин хислати хуби инсони аст. Иншооллох хуб мешавад. Нисбати киргизхо бо узбекхо доду гирифти зану шавхари бисьёр аст .Худо нафармод бо киргизхо онхо бародар ё ки дусти вафодор шуда наметавонанд.

Ҷавоб диҳед Иқтибос Шикоят

Умеда

Многому можно и нужно поучится у узбеков. Хотябы культуре . Нам бы это не помешало.

Ҷавоб диҳед Иқтибос Шикоят

Эзоҳ илова кунед