Кӣ ҳақ аст? Вазири тоҷик ё сарвари ХБА

Ҷаҳон дар садади бӯҳрони навбатии молиявист.

---

Ҷилавгирӣ аз ин кризис танҳо дар ҳолате имконпазир аст, ки ҳамаи кишварҳо талаботи дохилии худро дар ҳоли мувозӣ нигоҳ доранд. Ин нуктаро Кристин Лагард, сарвари Хазинаи Байналмилалии Асъор иброз дошт. Лагард, ки зимни як дидор бо журналистон дар Вашингтони Амрико сӯҳбат мекард ҳамчунин гуфт, ҳолати дар иқтисоди ҷаҳон ба миёномада ҳам ба кишварҳои мутараққӣ ва ҳам ба давлатҳои рӯ ба рушд таалуқ дорад.

Ин дар ҳолест, ки тақрибан як моҳ пештар Фаррух Ҳамралиев, вазири рушди иқтисод ва савдои кишвар ба хабаргузории  «Озодагон» гуфта буд, ки мавҷи дуюми буҳрони иқтисодии дарпешистода ба Тоҷикистон таъсир нахоҳад кард. Номбурда он замон изҳор намуд, ки: «Мо нишондодҳои иқтисодии кишварҳоеро, ки ба онҳо муносибати зичи иктисодӣ дорем, аз қабили Чин, Русия, Туркия ва Эрон пайваста мавриди таҳлилу омӯзиш қарор медиҳем. Натиҷаи таҳлилҳо нишон доданд, ки мавҷи дуюми буҳрон ба иқтисодиёти кишвари мо таъсиргузор нест».{jathumbnail off}

Мӯҳр