17 янв 2015 10:30Тоҷикистон / Сиёсат / Акс / Тема дня

АКС: Падари раҳбари ифротиён дар Суғд: Паронед, нест кунед, инҳоро!

Туйчибой Абдуллоев, падари “Абдулло Увайс” – ки яке аз саркардаҳои ифротиён дар Суғд арзёбӣ мешавад, аз мақомоти тоҷик хостааст, алайҳи гуруҳҳои ҷиноию ифротӣ муборизаи беамон баранд.

Вазорати умури дохилии Тоҷикистон дар пайи боздошти гуруҳи 10 нафарии аъзои Ҳаракати исломии Узбакистон, суҳбати телевизионӣ бо Туйчибой Абдуллоев, падари “Абдулло Увайс”-ро пахш кард, ки зимни он Абдуллоев аз рафтори писараш интиқод намуд. “Ҳанӯз вақти пешвозаш дар фурудгоҳ дидам, ки тамоман тағйир ёфтааст. Шимҳо боло, риш мондааст. Аз намозхонияш хурсанд шудам, аммо рафтораш тамоман дигар. Чанд моҳ насиҳат кардам, нашуд. Ман тарафдори намозхониям, аммо роҳи ҳалол бошад. Ман падар, дилам месӯзад, аммо роҳи пешгирифтаи инҳо дуруст нест. Ин роҳи ҳаромба илоҷаш бошад, паронед, нест кунед, инҳоро аз Тоҷикистон. Шукр гуфтан, даркор, ки ҳукумати Тоҷикистон ин қадар шароит фароҳам овардааст.” изҳор дошт, Абдуллоев дар ҳоле, ки гиря гулӯгираш мекард.

Мақомот Ҷалол Юсупов бо лақаби “Абдулло Увайс”-ро дар он муттаҳам мекунанд, ки дар муҳоҷират шомили Ҳаракати исломии Узбакистон шуда, вазифа гирифтааст, ки ба Ватан баргашта ҷавонони дигарро низ ба ин ҳаракат ворид кунаду барои таъсиси хилофати исломӣ замина фароҳам орад: “Ӯ дар ноҳияи Спитамен, аз ҷумла шаҳраки Нов, ҷамоатҳои Истиқлол, Улҷабоев ва Куруш 9 нафар ҷавони дигарро ҷалб карда, бо роҳи қасамёдкунӣ иттиҳод мекунанд.”

Тавре боздоштшудагон иқрор кардаанд, онҳо ҳадафи таъсиси хилофати исломӣ, кӯмак ба оилаҳои фавтидагон, озод кардани шарикони худ аз маҳбасхонаҳоро доштаанд. Тариқи қасамёдкунӣ онҳо уҳдадор шудаанд, ки дар сурати зарурат кӯмаки модию ҷонии худро барои ҷанг дар дохилу хориҷ дареғ нахоҳанд дошт.

Мақомоти пулиси Тоҷикистон мегӯянд, феълан алайҳи боздоштшудагон аз рӯи иттиҳоми ташкили иттиҳоди ҷиноӣ парванда боз шуда, тафтишот идома дорад.

Мӯҳр

Хабарҳои монанд:

Fariza

ozodagon, wumo chi xonandagonatona axmak fikr karden? az televizor aks girifta guzoriw bo aks gufta nawr mekuned. kasbi jurnalistiroham axmak karden. ravene diga somonai wumo namedarom.,,,

Ҷавоб диҳед Иқтибос Шикоят

акрам

Худо шохидаст ин хама тухмат аст. Кадом бачаи калонда вазифа даркор шидай и бечорохора мешносм. Кадоам одами бо акл дар тчк гурухи ДИМШ-РО тасис дода дават ба суи у мекунанд? ! Модеме, ки ришро ичозат на мебинанд. Ачиб бародарон

Ҷавоб диҳед Иқтибос Шикоят

Бомба

Ифротиён бо вуҷуди таъқибу боздошткуниҳо, руз то руз зиёд мешаванд. Ҳукумат бояд аз ии хулоса кунад, ки ин усули онҳо куҳна шуда, самарае намедиҳад. Бояд роҳи дигар, роҳи муносибати хубро пеша кард. Дар акси ҳол шикаст ногузир аст.

Ҷавоб диҳед Иқтибос Шикоят

Рохравон

Фарзанди хуб боги Падар- фарзанди баъд доги Падар.

Ҷавоб диҳед Иқтибос Шикоят

Эзоҳ илова кунед