Муовини Убайдуллоев дар бораи барномаҳои танқидӣ: “Аз дидани онҳо шарм медорем”
Оқои Хайруллоев рӯзи 16 январ дар нишасти хабарие гуфт, баъзе аз сокинони ноҳияи Ҳисору Рудакӣ, Шарора ва шаҳри Ваҳдат партовҳои худро дар партовгоҳҳои пойтахт мепартоянд. “Ҳамин халтаҳои селофанӣ бисёр як чизи аҷибе шудааст, ки сокинон аз ноҳияи Ҳисор, Шарора, Ваҳдат ва ноҳияи Рудакӣ, ки мошини сабукрав доранд, партовҳои худро ҳангоми омадан ба шаҳр оварда, дар нахустин партовгоҳи пойтахт мепартоянду гузашта мераванд, чун аз деҳаҳои онҳо партовҳорро намебароранд”,- афзуд ӯ.
Муовини аввали шаҳрдори Душанбе инчунин аз сатҳи фарҳанги шаҳрнишинии баъзе сокинони пойтахт шикоят карда гуфт, онҳо партовҳои худро ҳар куҷо рост омад мепартоянд ё фарзандони нобилиғи худро вобаста мекунанд. Насрулло Хайруллоев дар идома раванди намоиши барномаҳои интиқодӣ дар ин мавзӯъро “тезу тунд” хонда, иқрор кард, “мо низ аз дидани онҳо шарм медорем.”
Ӯ аз намояндагони ВАО-и кишвар даъват кард, бештар ба сокинон масъулияти шаҳрвандиро таблиғу ташвиқ кунанд: “Баъзе аз сокинони хонаҳои баландошёна партовҳои худро дар қуттиҳо намепартоянд, саҳар ба шавҳараш медиҳад, ӯ бароварда дар пушти гузаргоҳи хона мемонаду ба кор меравад. Бо ин ҳол мо даъво мекунем, ки шаҳри мо ифлос аст, биёед аз тариқи тамоми ВАО масъулияти шаҳрвандиро таблиғ кунем.”
Дар идома Зафар Сафаров, раиси ноҳияи Синои пойтахт низ ба ин масъала дахл карда, гуфт, дар рӯбарӯи дурбинҳои рӯзноманигорон нафароне дар бораи мушкили партовҳо гап мезананд, ки худ ҳаққи хидматрасонии баровардани партовҳоро солҳо насупоридаанд: “Вақте мегӯяд, мо пурра маблағи баровардани партовҳоро супоридаему сари вақт онҳоро намебароранд, рафта санҷиданд, солҳо насупоридааст. Замоне ки журналисти муҳтарам дар эфир ба нафаре сухан медиҳад, аввал ҳуҷҷатҳояшро бинад, ки дар асл супоридааст ё не. Ба мо маблағи баровардани партови сахти маишӣ медиҳанд, аммо яхдону дигар чизҳоро низ оварда мепартоянд.”
Ба гуфтаи Насрулло Хайруллоев ҳоло 65 мошин ба баровардани партовҳои пойтахт машғул буда, дар як рӯз аз ҳудуди шаҳри Душанбе 700 тонна партов берун мешавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
