16 янв 2015 13:18Тоҷикистон / Сиёсат / Тема дня

Низоми пурзӯри хидмат дар Тоҷикистон баъди таҳдиди "баҳори гарм"

Рамазон Раҳимзода, вазири умури дохилии Тоҷикистон, иттилоъ дар бораи таҷаммӯи ҷангҷӯён дар наздикиҳои сарҳад ва таҳдиди “баҳори гарм” ба кишварро тасдиқ кард.

Раҳимзода ба суоли “Озодагон” оид ба он ки гӯиё ҳудуди 4 ҳазор ҷангҷӯ дар назди сарҳади Тоҷикистон ҷамъ омадаанд ва таҳдид доранд, баҳори соли равон худро нишон хоҳанд дод, посух дод, “воқеан чунин маълумот вуҷуд дорад. Дар пайи амалиёт алайҳи ҷангҷӯён дар қаламрави Покистон онҳо ба наздикиҳои сарҳад ҳаракат доранд.”

Ӯ гуфт, дар ҳайати ин ҷангҷӯён аъзои созмонҳои гунонуни террористӣ, аз қабили Толибону Ҳаракати исломии Узбакистон қарор доранд: “Мо ҳар гуна иттилоъро дарёфт карда истодаем ва бо мурури дарёфти иттилоъ чораандешӣ мекунем. Баъди дарёфти иттилоъ доир ба хатарҳо аз Афғонистон хидмати низомиёни тоҷик ба низоми пурзӯр гузаронда шудааст. Чораандешӣ карда истодаем, баъзе гуруҳҳоро аллакай боздошт кардаем.”

Вазири умури дохилӣ таъкид намуд, дар боробари чорабиниҳо аз ҷониби Тоҷикистон Афғонистон низ мубориза хоҳад бурд: “Афғонистони пешӣ нест ва низомиёни ин кишвар бо техникаи муосир таҷҳизонида шудаанд.”

Раҳимзода илова намуд, ояндаи наздик дар Афғонистон намояндагии Вазорати умури дохилӣ ифтитоҳ хоҳад шуд, ки муборизаи ду кишварро алайҳи ҷинояткорӣ ҳамоҳанг ва пурзӯртар хоҳад кард.

Ахиран Замир Кобулов, фиристодаи вижаи Владимир Путин, раисиҷумҳури Русия дар умури Афғонистон аз таҷаммӯи ҷангҷӯён дар сарҳади Тоҷикистон хабар дода, аз таҳдиди “баҳори гарм” дар Осиёи Марказӣ суҳбат карда буд: “Тибқи иттилое, ки ба мо расида истодааст, ҷангҷӯёни Афғонистон иддао доранд, баҳори оянда худро нишон хоҳанд дод. То баҳор интизор мешавем, вақт нишон хоҳад дод. Ба ҳар сурат мақомоти Тоҷикистон, Узбакистон ва Қирғизистон ин иттилоъро доранд ва бояд чораҳои дахлдор андешанд.”

Мӯҳр

Хабарҳои монанд:

Савдои

Ин толибхо ва дигар созмончахои террористи бозичаи дасти давлатхои абаркудратхо хастанд. Хадаф танг кардани хузури манфиатхои Русия дар ОМ. Толиби каторира аклаш ба ин чизхо намерасад. Пулташа кадом каналида пахш кунанд, ба хамон оханг, дар зери парчами ба ном чиход мераксанд. Инхо на дин доранду на миллату на мазхаб. Робот, манкурт ва гумрохи бе каламу, бе матлабу бе мактаб. Худоё кай мардуми моро аз ин душманони Ислом начот медихи.

Ҷавоб диҳед Иқтибос Шикоят

коршинос

Ин баҳонаест барои ворид намудани нерӯҳои сарҳадбони Русия ба сарҳади Тоҷикистон, ки солҳо боз бе ҳеҷгуна далел даъвои бозгашт ба Тоҷикистонро доранд.
Ғарбиёнро шеваҳои соҳирист,
Такя ҷуз бар хеш кардан кофарист.

Ҷавоб диҳед Иқтибос Шикоят

Прапорчик

буд набуд Тоҷикистон буд,
замин буду толибистон набуд,
дар як замон дар марзи Тоҷикистон,
гуруҳи толибон пайдо шуд...........................

Ҷавоб диҳед Иқтибос Шикоят

Asror

БАРОДАРОН, ТОЧИКОНИ БАНОМУС. ХОЛО ХАММА САРЧАМЪ БОШЕМ ВА ТАМОМИ ТОЧИКИСТОНИЁНРО ГИРДИ ХАМ ОВАРДА ДАР ПАИ ПЕШГИРИ ВА МУБОРИЗА БАР ЗИДДИ ХАРГУНА ХАТАРХОИ БЕРУНА ОМОДА БОШЕМ. КОРМАНДОНИ АМНИЯТ ДАР АЛОХИДАГИ ПЕШИ РОХИ ХАТАРХОРО ПУРРА ГИРИФТА НАМЕТАВОНАНД. ТАКЯИ АСОСИ БА АХЛИ ВАТАРДОРХО МАНСУБ АСТ. ЯКИНАН БОВАРИ ДОРАМ ДАР ВАТАНИ МО ЧАВОНОНИ БАИМОНИ ВАТАНДОР КАМ НЕСТАНД. ОЛЛОХ МАДАДГОРАТОН БОШАД. БЕДОР ВА ХУШЁР БОШЕД. ОСУДАГИИ ФАЗОИ ВАТАН ИН ФАРМОНИ ОЛЛОХ МЕБОШАД.

Ҷавоб диҳед Иқтибос Шикоят

Эзоҳ илова кунед