15 янв 2015 09:26Тоҷикистон / Иҷтимоӣ

Даъвати коммунисти №1 барои баргардонидани олимони тоҷик аз хориҷи кишвар

Шоди Шабдолов, раис ва намояндаи Ҳизби коммунистии Тоҷикистон дар парлумон илмро нерӯ ва қувваи истеҳсолкунанда хонда, хостори баргардондани олимони тоҷики муқими кишварҳои хориҷ шуд.

Ин дархости Шабдолов дар рафти қабули лоиҳаи қонуни нави Тоҷикистон “Дар бораи фаъолияти илмӣ ва сиёсати давлатӣ оид ба илму техника” дар ҷаласаи ахири Маҷлиси намояндагони кишвар садо дод. Раиси ҲКТ гуфт, “мо бисёр олимони барҷаста дорем, ки феълан аз камбуди маблағ ва паст будани маош дар Тоҷикистон маҷбур шудаанд рӯ ба кишварҳои хориҷ, аз ҷумла Амрико ва Канада биёранд. Миёни онҳо ҳам доктор ва ҳам номзади илм дар тамоми соҳа ҳаст.”

Ба гуфтаи ӯ, имкони баргардонидани ин олимони тоҷик аз хориҷ ба Ватан вуҷуд дорад ва ҳукумати Тоҷикистон метавонад, танҳо бо муайян кардани ҳаҷми маоши кофӣ онҳоро ба кишвар биёрад: “Механизми соҳаи иҷтимоиро ба роҳ монему як маоши ба зиндагияшон басанда муайян кунем, бармегарданд, дар дили ҳамаи онҳо меҳри Ватану меҳанпарастӣ ҳаст.”

Ин вакили парлумони Тоҷикистон аз суханони шоирон ва донишмандони пешин иқтибос оварда, илова кард, фирори мағзҳо аз кишвар дар ҳолест, ки ҳазор сол пеш Рӯдакӣ гуфта буд, “Дониш андар дил чароғи равшан аст, В-аз ҳама бад бар тани ту ҷавшан аст”. Баъди ӯ Фирдавсӣ низ таъкид кард, “Тавоно бувад, ҳар кӣ доно бувад, Ба дониш дили пир барно бувад.” Ва бори аввал низ дар таърихи илм Карл Маркс тасдиқ кард, ки воқеан илм натанҳо нерӯ, балки қувваи истеҳсолкунанда низ ҳаст.”

Шукурҷон Зуҳуров, раиси палатаи поёнии парлумони Тоҷикистон суханони раиси ҲКТ-ро тасдиқ карда, дар хитоб ба Фарҳод Раҳимӣ, президенти Академияи улулми кишвар гуфт, тамоми олимони бақувват имрӯз Ватанро тарк кардаанд.

Мӯҳр

Хабарҳои монанд:

Хайр ана меоянд ба Точикистон, баъд ин чо чи кор мекунанд? Ба ки лозим аст илми онхо дар Точикистон? Ба Точикистон аробакашу, таксирону, мошиншую разнорабочий лозим аст. Чаро онхо ба ШМА рафтаанд? Чунки дар он чо илми онхо ба касе лозим аст. Барои хамин, рафик Шабдолов, аввал андеша, баъд гуфтор. Е бехтараш, дахони пушида, як хам тилло.

Ҷавоб диҳед Иқтибос Шикоят

Халк

Оре, Илм асоси пешравии чомеаи инсони. Музди МАГЗИ Олими асил ва ихтирокор, ки аз он бокимонда магзхо бахра мебаранд, бо ченаки арзанда пардохт карда шавад.

Ҷавоб диҳед Иқтибос Шикоят

Ustod

Bale Durust qaid karded, Ammo hukumati TJK mnaoshe ki mo mekhohem pardokhta nametavonad. Chizi digar I resha davonidani fasod dar sohai Maorif va kheshutaborbozi ast. Pas az reshakan namudani in mo metavonem ba Vatan bargardem.

Ҷавоб диҳед Иқтибос Шикоят

пп

Академияи илмхо пур аз академику профессор шудааст. Чи фоида меорнад онхо ба чумхури? Ба Точикистон на олимони болтун заруранд, балки сармоя ва технологияхо лозим хастанд.

Ҷавоб диҳед Иқтибос Шикоят

Шокир

Бехтарин икдом ва волотарин падида. Ба наздики дар шохрохи Воронеж- Саратов ба кахвахонае даромадам ва чун ддидам, ки он чой ногуи хурокихои точиксит аз он фармоиш крдаму баъди хурокхури хостам ба ошпаз ташаккур гуям. Масъулин ба ман гуфтанд, ки ошпази мо хамшарии Шумост ва метавонед ба худи ошпаз таманноиётатонро гуд, чун бо ошпаз во хурдам ашк гулугирам кард ва дар руба руи худ он шахсе ки доимо бо телевизиони Точикистон баромад мекарду дар маччаллахо маколахояш мебаромад дидам ва устод ин шумоед гуён ба огуш гирифтамаш. Устод охи чукуре кашиду гуфт"Бале, бародар ман хамонам, ки хамон".Бо устод каме сухбат кардем ва таскинаш додем, тибки гуфтаи он кас дар Россия шумораи зиёди олимони баруманди мо кор мекардаанду гох- гох дар н кахвахона омада бо хам сухбат хам мекардаанд.

Ҷавоб диҳед Иқтибос Шикоят

Ахрор

Шумораи аники олимони дар хорича будаи мо муайян бошад ё не? Озодагон - хуб мешуд ному насаб ва чои кори онхоро дастраси хамагон мекардед.Шояд мо каме ба онхо кумак намоем барои баргаштанашон

Ҷавоб диҳед Иқтибос Шикоят

Касе барнамегардад рафик Шабдолов гап дар маошам нест гап дар муносибат аст. Холо вакти илму маориф не балки доллару сомон аст пеши чашми мардум ба факат пулу мол аст илм ба кафо шикам ба пешаст.

Ҷавоб диҳед Иқтибос Шикоят

Эзоҳ илова кунед