14 янв 2015 16:29Оcиёи Марказӣ / Тоҷикистон

Ҷопон барои ҳафт лоиҳа ба Тоҷикистон 700 ҳазор доллар медиҳад

Ҳукумати Ҷопон дар доираи барномаи кӯмакҳои бебозгашти лоиҳаҳои амниятии башарияш ба Тоҷикистон ҳудуди 700 ҳазор доллари амрикоӣ ихтисос додааст.

Ин кӯмаки бебозгаштро мақомоти тоҷик дар пайи имзо кардани 7 созишномаи муштараки Тоҷикистону Ҷопон соҳиб шуданд. Расми имзои он рӯзи 14 январ дар сафорати Ҷопон дар Душанбе сурат пазируфт. Зери лоиҳаҳои нав Такашӣ Камада, сафири Ҷопон дар Душанбе ва намояндагони мақомоти пазирандаи грантҳо имзо гузоштаанд. Бар асоси он Токио 7 лоиҳаи зеринро маблағгузорӣ мекунад:

“Лоиҳаи сохтмони бинои нав барои мактаби №11 дар деҳаи “Хироб”-и ҷамоати деҳоти “Балҷувон”-и ноҳияи Балҷувон”. Маблағи лоиҳа 98 222 доллар;

“Лоиҳаи сохтмони бинои нав барои мактаби №8 дар деҳаи “Сомонобод”-и ҷамоати деҳоти “Бохтариён”-и ноҳияи Бохтар”. Маблағи лоиҳа 101 245 доллар;

“Лоиҳаи дастрас намудани техникаи кишоварзӣ ба шаш деҳоти ҷамоати “Лоҳутӣ”, ноҳияи Ховалинг”. Маблағи лоиҳа 99 468 доллар;

“Лоиҳаи дастрас намудани техникаи кишоварзӣ ба деҳаи “Дархон”-и ҷамоати деҳоти “И.Сомонӣ”-и ноҳияи Ғончӣ”. Маблағи лоиҳа 98 461 доллар;

“Лоиҳаи дастрас намудани таҷҳизоти тиббӣ ба Маркази саломатии №10-и шаҳри Душанбе”. Маблағи лоиҳа 99 882 доллар;

“Лоиҳаи сохтмони бинои нав барои мактаби №25 деҳаи “Зорон”-и ҷамоати деҳоти “Муҷиҳарф”-и ноҳияи Нуробод”. Маблағи лоиҳа 98 151 доллар;

“Лоиҳаи сохтмони бинои нав барои мактаби №15 деҳаи “Сабзазор”-и ҷамоати деҳоти “Лангаришоҳ”-и ноҳияи Тоҷикобод”. Маблағи лоиҳа 99 391 доллар.

Мӯҳр

Хабарҳои монанд:

Ислохот

Каллаварами мухаррир!
700 хазор доллар...!
На 700 миллион....
Агар 700 миллион мебуд, байни мансабдорони мо тарака сар мешуд!!!
Тезтар ислох кунед!!!!!!!!!!!!!!

Ҷавоб диҳед Иқтибос Шикоят

Миллат

Мухтарам Озодагон! Лутфан иштибохро дар макола ислох намоед. 700 миллион неву балки 700 хазор доллар. Хамаи харочотхои хафт лоихаи дар макола дарч гашта хамаги 694 820 долларро ташкил медихад.

Ҷавоб диҳед Иқтибос Шикоят

Такфони

Бехтарин лоихахо. Ташаккур ба Чопон аз номи Точикон.

Ҷавоб диҳед Иқтибос Шикоят

Хато дар ракамхо

Навишти ракамхо дар шакли "98,222 доллар" хоси забони англисист. Он гунае, ки шумо истифода кардед дар матни точики маънои хамаги 98 долларро бо 22 сент медихад. Яъне вергул бамаврид нест.

Ҷавоб диҳед Иқтибос Шикоят

Эзоҳ илова кунед